Biblia Todo Logo
Διαδικτυακή Βίβλος

- Διαφημίσεις -




Maꞈtehˬ 22:24 - Akha

24 “Saˬ laˬ-oˇ, Moˇseˬ neh ehˇ taˬ-euˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh’ lehˇ ehˇ taˬ-euˬ meh.

Δείτε το κεφάλαιο αντίγραφο

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

24 “Saqlaq-or! Morseq aertaq-euq, ‘Tsawrhaq tiq ghaq, zaq maq jawrle-euq minav-aer shir-euq nar-aq, ardov ghaq-euq tsuif maqya danq-ir ni, aqnyir ghaq, aqyawf-euq miqzaq-anr yasheuq-eu mae.’ (Dm 25:5)

Δείτε το κεφάλαιο αντίγραφο




Maꞈtehˬ 22:24
14 Σταυροειδείς Αναφορές  

Kʼoeˇ naˇ, “Ngaˬ li Sheˬlahˬ maˬ huiˬ laˇ kʼoeˇ keuˆ ni, nawˬ da-euˬ nymˇ-ahˇ gʼoꞈ-iˇ-awˇ, miˬ coeˬ miˬ ma geuꞈ tawˬ-iˇ-awˬ lehˇ, aˬ yawꞈ-euˬ kuiˬ ma Taˬmaˬ-ahˇ Yuˇdaˆ ehˇ nehˬ-euˬ meh. Aˬ yawꞈ-euˬ aˬ li aˬ yuiꞈ nyiˬ gʼaˬ shiˇ-euˬ loꞈ-ehˇ, Sheˬlahˬ gʼaˬ paˇ shiˇ gaˇ guˆ-eu miˇ neh, Yuˇdaˆ kʼoeˇ loꞈ-ehˇ ehˇ-eu meh. Kʼoeˇ ngeh, Taˬmaˬ gʼaˬ aˬ yawꞈ aˬ da-euˬ nymˇ-ahˇ gʼoꞈ jawˇ-iˇ-euˬ meh.


Kʼoeˇ ngeh, Iˇlehˆ-euˬ aˬ nyiˇ Awˇnaˬ-ahˇ Yuˇdaˆ heu loꞈ-ehˇ ehˇ nehˬ-euˬ meh. “Nawˬ-euˬ aˇ doˆ-euˬ miˬ zaˬ nehˬ-ehˇ yuꞈ-iˇ-awˬ. Nawˇ-aˬ, aˬ yawꞈ-euˬ kʼaˬ dzeˇ zaˬ-euˬ aˬ nyiˇ pyeuꞈ-eu miˇ neh, Iˇlehˆ-euˬ tsuiꞈ maˬ ya dahˬ-iˇ ni, zahˇ jaˆ-eu loꞈ-ehˇ mˇ byah nehˬ-awˬ.”


Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.


Nga maꞈ nehˬ-ehˇ mehˇ nmˇ shiꞈ gʼaˬ jawˇ-eu meh. Aˬ yuiꞈ yuiꞈ saˬ gʼaˬ miˬ zaˬ sheuˬ-awˇ, zaˬ maˬ jawˇ le mi naˆ-ehˇ shiˇ-euˬ meh. Kʼoeˇ naˇ, aˬ nyiˇ gʼaˬ aˬ yawꞈ-euˬ miˬ zaˬ-ahˇ paˇ sheuˬ-euˬ meh.


Aˬ yawꞈ ehˇ-eu, “Saˬ laˬ-oˇ, Zahˇ dawˬ kʼoꞈ dawˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ huiˬ dzehˬ-eu aˬ geu dawˬ-a.”


“Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.


“Saˬ laˬ-oˇ, Moˇseˬ neh nga maꞈ gʼaˇ duˬ boꞈ taˬ yaꞈ-euˬ zahˇ dawˬ kʼoꞈ dawˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ miˬ zaˬ sheuˬ-awˇ, zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ ni zaˬ bi jawˇ le-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh’ lehˇ boꞈ taˬ-euˬ meh.


heu loꞈ-ehˇ naˇ haˬ-euˬ meh. “Saˬ laˬ-oˇ, Moˇseˬ neh nga maꞈ gʼaˇ duˬ boꞈ taˬ yaꞈ-euˬ zahˇ dawˬ kʼoꞈ dawˬ heu loꞈ-ehˇ jaˆ-eu meh. ‘Tsawˇ haˬ tiˬ gʼaˬ miˬ zaˬ sheuˬ-awˇ, zaˬ maˬ jawˇ le mi naˆ-ehˇ shiˇ naˇ, aˬ yawꞈ-euˬ tsuiꞈ maˬ ya bi dahˬ-iˇ ni zaˬ bi jawˇ le-eu gʼaˇ duˬ, aˬ yawꞈ-euˬ miˬ zaˬ-ahˇ aˬ yawꞈ-euˬ aˬ nyiˇ paˇ ya bi sheuˬ meh.’


Shiˇ-euˬ tsawˇ haˬ deuˬ paˇ gʼoꞈ dehꞈ laˇ ngeh nah, zaˬ miˬ zaˬ kʼoeˇ gʼaˬ aˬ geu gʼaˬ-euˬ miˬ zaˬ ya geuꞈ nmˇ. Shiꞈ mehˇ nmˇ luꞈ aˬ yawꞈ-ahˇ sheuˬ-euˬ meh.”


“Ngaˬ neh ehˇ taˬ-euˬ loꞈ-ehˇ naw maꞈ maˬ mˇ gaˇ neh, aˬ jeˬ miˇ neh ngaˬ-ahˇ ‘Sahˬpaˬ-o, Sahˬpaˬ-oˇ’ lehˇ kuˇ te.


Ehˇ kʼawꞈ, aˬ yawꞈ nyaꞈ-ahˇ Nawˇmi ehˇ nehˬ-eu, “Ngaˬ-euˬ aˬ tsu deuˬ-oˇ, naw nyaꞈ gʼoꞈ-iˇ-eu tsaˬ tehꞈ-a. Aˬ jeˬ miˇ neh ngaˬ-euˬ mehˬ nah caw teh laˇ mawꞈ-eu nya. Naw nyaꞈ-ahˇ bi sheuˬ-eu aˬ li paˇ jawˇ laˇ nya ni, ngaˇ zaˬ ciˬ zaˬ cu mˇ-eu aˇ yamˬ maˬ paˇ ngeuˇ ma.


Nymˇ ciꞈ heu gaˇ jawˇ tawˬ-awˬ. Tsawˇ haˬ kʼoeˇ gʼaˬ nawˬ-ahˇ haw piˇ nehˬ mawꞈ nga loˇ lehˇ ni shawˬ uˬ shawˬ ngaˇ naˇ haˬ-iˇ ma. Nawˬ-ahˇ aˬ yawꞈ haw piˇ nehˬ mawꞈ lawˬ naˇ, muiˬ dzehˬ tehꞈ-a. Ehˇ kʼawꞈ, aˬ yawꞈ nawˬ-ahˇ maˬ haw piˇ nehˬ mawꞈ naˇ, ngaˇ nawˬ-ahˇ aˬ diˇ aˬ maˇ haw piˇ nehˬ ma lehˇ, dehꞈ luꞈ-eu Miˬyehˇ mehˬ shi, ngaˇ nawˬ-ahˇ saˇ jaˇ dzaˬ-eu ma. Uˬ shawˬ paw keuˆ ni heu gaˇ yuꞈ tawˬ-awˬ.”


Bawˇza ehˇ-eu, “Muiˬ tehꞈ-a. Nawˇmi-euˬ deh yaˇ nawˇ zeuˇ ma lehˇ ngeuˇ naˇ, shiˇ dzeuˇ-euˬ gʼaˬ-euˬ nymˇ dahˬ hawˇ-eu, aˬ yawꞈ-euˬ zaˬ deuˬ uˆ deuˬ-euˬ aˬ laꞈ laꞈ kʼoeˇ neh, deh yaˇ kʼoeˇ kawˬ maˬ ya bi doˆ-iˇ ni, Mawˇbaˆ tsawˇ haˬ miˬ coeˬ miˬ ma Luˇta jiˇ, nawˬ-eu miˬ zaˬ ya bi geuꞈ tehꞈ-a.”


Ακολουθησε μας:

Διαφημίσεις


Διαφημίσεις