Maˬlaˬkiˇ 2:16 - Akha

¹⁶ “Nymˇ dahˬ gʼawˬ gaˇ ngaˇ bye dui dui nya” lehˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu meh. “Naw maꞈ tiˬ gʼaˬ na yawˬ ha-euˬ miˬ zaˬ-ahˇ kʼehˬ-eu zuiˆ-eu jeˬ mˇ gaˇ ngaˇ maˬ haw nahˇ nya. Yawˬ ha-euˬ miˬ zaˬ-ahˇ saˇ jaˇ maˬ ya puiˬ-a lehˇ, maˬ shiˇ tiˬ ziˇ noeˬ taˬ-awˬ” lehˇ ehˇ-eu meh.

Maˬlaˬkiˇ 2:16 Σταυροειδείς Αναφορές

Jaceuq 73:6

Kʼoeˇ miˇ neh nui ma huiˬ-eu jeˬ lahˇ dah dah-awˇ yaw haiˬ mˇ-eu jeˬ dm-eu meh.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Dawqdaq 5:20

Ngaˬ li-oˇ, aˬ jeˬ miˇ neh nawˬ-euˬ nui gaˬ aˬ cawˬ aˬ ma-ahˇ biꞈ nmˇ. Aˬ jeˬ miˇ neh aˬ cawˬ aˬ ma muˇ gaˇ cehˇ gʼa te.

Iˇsaˬyaˇ 28:20

Maˬ gʼmˇ-eu kʼawˬ daˬ kʼoeˇ taˆ maˬ gʼoeˬ-eu aˇ bui dm-awˇ yuꞈ-eu tsawˇ haˬ loꞈ-ehˇ, naw maꞈ ya shaˬ tehꞈ-a.

Iˇsaˬyaˇ 50:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ bi gʼoꞈ-iˇ-eu loꞈ-ehˇ, ngaˬ-euˬ tsawˇ haˬ-ahˇ ngaˇ teh dzeh-euˬ nga lehˇ noeˬ te loˇ. Toˆ-ehˇ ngeuˇ naˇ miˬ zaˬ kʼoꞈ-euˬ seuˬ gʼaˬ aˬ gaˇ jaˆ ta. Yawˬ ha-euˬ zaˬ aˬ cawˬ zaˬ kʼaˆ bi geuꞈ-eu lehˇ, ahˬ dzaˬ byoˆ-eu tsawˇ haˬ loꞈ-ehˇ, naw maꞈ-ahˇ ngaˇ ahˬ dzaˬ-euˬ nga lehˇ noeˬ te loˇ. Naw maꞈ iˬ baˇ ahˇ-eu miˇ neh, aˬ cawˬ miˇ kʼahˬ-ahˇ bi nyehꞈ gʼeh-euˬ meh. Naw maꞈ yaw lehˬ toˆ-eu miˇ neh bi sheuˬ byoˆ gʼeh-euˬ meh.

Iˇsaˬyaˇ 59:6

Naw maꞈ-euˬ aˬ oˬ loˬ ma aˇ kahˇ kʼoeˇ saˬ nmˇ maˬ zaꞈ nya-a. Yawˬ ha neh mˇ-euˬ jeˬ yawˬ ha-ahˇ maˬ sheu lahˇ nya-a. Naw maꞈ gaˇ kawˆ yaw haiˬ tehꞈ-ehˇ jaˆ-awˇ, naw maꞈ-euˬ aˬ laꞈ-ahˇ yaw cawˆ jeˬ tuˆ tehˬ taˬ-euˬ meh.

Luˇkaꞈ 16:18

“Yawˬ ha-euˬ miˬ zaˬ kʼoꞈ-awˇ, yawˬ gʼaˬ yawˬ sheuˬ paˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ miˬ zaˬ-ahˇ bahˬ-eu meh. Aˬ cawˬ-euˬ miˬ kʼoꞈ-ahˇ sheuˬ-eu tsawˇ haˬ kʼawꞈ, aˬ cawˬ-euˬ miˬ zaˬ-ahˇ bahˬ-eu meh.

1 Gawˇliˬtu 7:10

Sheuˬ dahˬ dzaˬ-euˬ miˬ zaˬ yo zaˬ-ahˇ ngaˇ heu loꞈ-ehˇ dawˬ biꞈ-eu ma. Ngaˬ-euˬ dawˬ maˬ ngeuˇ. Sahˬpaˬ Miˬyehˇ-euˬ dawˬ meh. Miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ-ahˇ maˬ ya gʼawˬ-a.