Maˬlaˬkiˇ 2:12 - Akha

¹² Kʼoeˇ loꞈ-ehˇ kʼaˇ mˇ-eu tsawˇ haˬ deuˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ laꞈ kʼoeˇ neh Sahˬpaˬ Miˬyehˇ teh dzeh-awˇ, aˬ dui-euˬ tsawˇ jeuˬ neh Baoˬ huiˬ-eu Sahˬpaˬ Miˬyehˇ-ahˇ lawˇ-eu shehˇ-eu jeˬ mˇ gaˇ maˬ bi uˇ laˇ ni bi shaˬ luꞈ-uˇ.

Maˬlaˬkiˇ 2:12 Σταυροειδείς Αναφορές

1 Laˬsaˬbaˬ 25:8

Aˬ yawꞈ maꞈ gaˇ biˇ ngeh, tsawˇ mawˬ zaˬ guˬ maˬ tseˇ paˆ-eu uˬ taꞈ, nya laˇ-euˬ hawˇ-eu maˬ nya laˇ-euˬ maˬ haw ni, shehˆ tsaˬ tsaˬ-awˇ biˇ-euˬ meh.

Iˇsaˬyaˇ 61:8

Sahˬpaˬ Miˬyehˇ heu loꞈ-ehˇ ehˇ-eu meh. “Yaw tsaˬ yaw dawˇ-ahˇ ngaˇ gaˬ-awˇ, myawꞈ dzaˬ kʼaˆ dzaˬ gaˇ byeh-eu ma. Ngaˬ-euˬ tsawˇ haˬ deuˬ-ahˇ saˇ jaˇ ziꞈ-eu laꞈ kʼoeˇ, aˬ yawꞈ maꞈ-ahˇ geuˇ-eu aˇ poeˬ ngaˇ biꞈ tsoeˬ ma. Mˬ maˬ maˬ byaˆ zaˇ ziˇ ziꞈ-eu saˇ jaˇ, aˬ yawꞈ maꞈ nehˬ-ehˇ ngaˇ dzaˬ ma.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬsaˬgeˬlaˇ 14:10

Miˬyehˇ gʼaˇ duˬ ngehˬ dah-eu gʼaˬ maˬ ehˇ, aˬ yawꞈ-ahˇ ja uˇ leˇ-euˬ gʼaˬ maˬ ehˇ, nyiˬ gʼaˬ luꞈ-ahˇ tiˬ kawˆ loꞈ-ehˇ kʼehˬ nehˬ ma.

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Uˬ duˬ 18:29

Jawꞈ dui dui-eu gaˇ heu deuˬ mˇ-eu tsawˇ haˬ a geu gʼaˬ maˬ kaˬ, Sahˬpaˬ Miˬyehˇ-euˬ tsawˇ haˬ lehˇ maˬ paˇ sawˇ nya meh lehˇ naw maꞈ siˬ nya meh.

Uˬ duˬ 20:3

Tsawˇ haˬ tiˬ gʼaˬ na, yawˬ ha-euˬ zaˬ tiˬ gʼaˬ Moˇlehˆ miˬ yehˇ-ahˇ biꞈ-eu laꞈ kʼoeˇ, muiˬ-eu shawˇ-eu ngaˬ-euˬ Sehˬ gʼawˆ-ahˇ laˆ jawꞈ-awˇ, muiˬ-eu shawˇ-eu ngaˬ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh naˇ, aˬ yawꞈ-ahˇ ngaˇ byehˇ tsehˆ tsehˆ-awˇ, ngaˬ-euˬ tsawˇ haˬ lehˇ maˬ paˇ sawˇ ma.

Aˬmoˆ 5:22

Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ naw maꞈ yuˇ laꞈ ngeh, ngaˇ maˬ ha geuꞈ. Ngaˬ-ahˇ lawˇ nehˬ-eu gʼaˇ duˬ naw maꞈ neh cu tsuˇ taˬ-euˬ jeˬ zaˬ deuˬ-ahˇ ngaˇ maˬ ha geuꞈ.

Zaˬkaˬliˇ 12:7

“Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ Yuˇdaˆ miˇ kʼahˬ naˆ maˬ tseˆ yaw shehꞈ kʼahˬ sehˇ maˬ bi huiˬ dzehˬ-eu gʼaˇ duˬ, Yuˇdaˆ guiˇ maꞈ deuˬ aˬ cawˬ jeˬ hu guiˇ deuˆ gʼaˬ ni, Sahˬpaˬ Miˬyehˇ pyeuꞈ-eu ngaˇ jahˇ ma.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Maˬlaˬkiˇ 1:13

‘Gaˇ heu maˬ mˇ nahˇ-ehˇ pyeuꞈ laˇ taˬ nyaˬ’ lehˇ naw maꞈ ehˇ-awˇ, ngaˬ-ahˇ naˇ mehˇ mˇ juꞈ haw-eu meh. Kʼoeˬ-euˬ jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ hawˇ-eu, naˇ gawˇ ahˇ-eu jeˬ zaˬ deuˬ tsahˇ-awˇ, naw maꞈ ngaˬ-ahˇ lawˇ nehˬ laˇ-euˬ meh. Kʼoeˇ loꞈ-ehˇ gʼeh-eu lawˇ-eu shehˇ-eu jeˬ-ahˇ ngaˇ ha geuꞈ tehꞈ-a lehˇ naw maꞈ noeˬ te loˇ.

Maˬlaˬkiˇ 2:10

Aˬ dui dawˬ tawˆ luꞈ-euˬ aˬ da yaw dzahˇ tiˬ gʼaˬ tehꞈ maˬ ngeuˇ loˇ. Aˬ dui dawˬ tawˆ luꞈ-ahˇ Miˬyehˇ tiˬ gʼaˬ neh tehꞈ-ehˇ beh taˬ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ dui tiˬ gʼaˬ tiˇ gʼaˬ saˇ jaˇ dzaˬ taˬ-euˬ gaˇ aˬ jeˬ miˇ neh puiˬ te. Aˬ dui-euˬ aˬ poeˬ aˬ bawˇ deuˬ nehˬ-ehˇ Miˬyehˇ neh dzaˬ taˬ-eu dawˬ ma saˇ jaˇ-ahˇ aˬ jeˬ miˇ neh puiˬ te.

Bawˇtsahˬ 24:5

Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.

1 Saˬmeuˬlaˆ 3:14

Huiˬ dui dui-eu iˬ baˇ heu hmˬ baˬ da neh keuˆ le-eu luˬ-iˇ seˇ-iˇ-eu jeˬ-ahˇ ya buˬ-iˇ ni, lawˇ-eu shehˇ-eu jeˬ hawˇ-eu damˬ nehˬ-eu jeˬ neh maˬ paˇ jahˇ dzeuˇ nya meh lehˇ, Eˇliˆ-euˬ nymˇ jiˇ-ahˇ ngaˇ maˇ jawˆ ni ehˇ nehˬ taˬ-euˬ ma.”