Maˬlaˬkiˇ 1:6 - Akha

⁶ Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Maˬlaˬkiˇ 1:6 Σταυροειδείς Αναφορές

Jaceuq 123:2

Zaˬ kʼaˆ tiˬ gʼaˬ aˬ yawꞈ-euˬ baw leˬ-ahˇ haw-eu loꞈ-ehˇ, zaˬ miˬ zaˬ zaˬ kʼaˆ tiˬ gʼaˬ aˬ yawꞈ-euˬ meh leˬ-ahˇ haw-eu loꞈ-ehˇ, nga maꞈ-euˬ Miˬyehˇ pyeuꞈ-euˬ Sahˬpaˬ Miˬyehˇ nawˇ nga maꞈ-ahˇ gʼawˬ shaˬ gaˬ nehˬ laꞈ ni, nawˬ-ahˇ nga maꞈ haw tsoˆ taˬ-euˬ ma.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Dawqdaq 17:6

Tsawˇ mawˬ-euˬ kʼahˬ sehˇ oeˬ paˬ oeˬ ma pyeuꞈ-awˇ, zaˬ-euˬ kʼahˬ sehˇ aˬ da meh.

Dawqdaq 30:11

Aˬ da-ahˇ yaˬ kʼehˇ yaˬ-awˇ, aˬ ma-ahˇ maˬ taˬ huiˬ-eu tsawˇ haˬ jawˇ-eu meh.

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 43:23

Yawˇ dzah puiˆ-awˇ ya lawˇ-eu jeˬ, nawˇ ngaˬ-ahˇ maˬ lawˇ nehˬ laꞈ-a. Nawˇ lawˇ-eu shehˇ-eu jeˬ mˇ-awˇ, ngaˬ-ahˇ maˬ taˬ huiˬ nehˬ laꞈ-a. Lawˇ-eu shehˇ-eu jeˬ biꞈ nehˬ laꞈ lehˇ ngaˇ ehˇ-awˇ, nawˬ-ahˇ laˆ shaˬ nehˬ-euˬ maˬ jaˆ. Tsiˇ yaw saw damˬ nehˬ laꞈ lehˇ ngaˇ shaˇ-awˇ, nawˬ-ahˇ laˆ zahˬ nehˬ-eu maˬ jaˆ.

Iˇsaˬyaˇ 45:10

Yawˬ ha jawˬ gʼehˇ maˬ muiˬ nya lehˇ, aˬ ma aˬ da-ahˇ iˬ baˇ taˬ kʼaˇ za ta loˇ.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Iˇsaˬyaˇ 64:8

Ehˇ kʼawꞈ, Sahˬpaˬ Miˬyehˇ nawˇ-aˬ, nga maꞈ-euˬ aˬ da ma. Nga maꞈ shaˬ jehˆ pyeuꞈ-awˇ, nawˇ oeˬ lahˬ tehˆ-eu yaw sahˇ meh. Nga maꞈ-ahˇ beh-euˬ gʼaˬ nawˇ meh.

Yeˬlaˬmiˇ 23:11

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ hawˇ-eu, piˇ ma deuˬ Miˬyehˇ maˬ baw-ehˇ, Uˬ duˬ tahˬ nymˇ nymˇ ma laꞈ kʼoeˇ yaw haiˬ jeˬ mˇ luꞈ-eu, ngaˇ nyehꞈ duˬ taˬ-euˬ ma.

Yeˬlaˬmiˇ 3:4

“Ehˇ kʼawꞈ, nawˇ nymˬ-mˇ ngaˬ-ahˇ heu loꞈ-ehˇ ehˇ-eu meh. ‘Nawˇ ngaˬ-euˬ aˬ da pyeuꞈ luꞈ-awˇ, nyiˇ ngeh neh ngaˬ-ahˇ gaˬ-euˬ meh.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Yeˬlaˬmiˇ 35:16

Yawˇnaˬdehˇ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˬ poeˬ Yawˇnaˬdehˇ-euˬ dawˬ-ahˇ naˇ haˬ-awˇ dehꞈ kʼawꞈ, naw maꞈ-aˬ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Yeˬsaˬgeˬlaˇ 22:26

Piˇ ma deuˬ ngaˬ-euˬ zahˇ dawˬ kʼoꞈ dawˬ-ahˇ puiˬ-awˇ, yaw muiˬ yaw shawˇ jeˬ-ahˇ yaw zeu maˬ baw-a. Yaw muiˬ yaw shawˇ jeˬ hawˇ-eu maˬ muiˬ maˬ shawˇ-eu jeˬ aˬ yawꞈ maꞈ maˬ tseˇ paˆ mehˬ nehˬ-a. Jawˇ nah-ahˇ maˬ lah maˬ daw-a. Aˬ yawꞈ maꞈ kʼoeˇ loꞈ-ehˇ jahˇ-eu baˬ da neh, miˇ kʼahˬ zaˬ deuˬ ngaˬ-ahˇ yaw zeu maˬ baw-a.

Hawˇseˬ 12:8

‘Nga maꞈ smˇ muiˬ muiˬ dui dui ma. Maˬ sui maˬ dawˇ-eu jeˬ laꞈ kʼoeˇ, pyuˇ shuiˇ laˆ jaˆ taˬ-euˬ meh lehˇ, tsawˇ haˬ tiˬ gʼaˬ-iˬ nga maꞈ-ahˇ, maˬ ngehˬ nya-a’ lehˇ ehˇ-eu meh.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Uˬ duˬ 19:3

Ngaˬ neh dawˬ biꞈ taˬ-euˬ loꞈ-ehˇ, naw maꞈ yawˬ gʼaˬ na luꞈ, yawˬ ha-euˬ aˬ ma aˬ da-ahˇ yaw zeu baw-awˇ, jawˇ nah-ahˇ lah daw-awˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Zeˬpaˬniˇ 3:4

Miˬyehˇ gʼaˇ duˬ ngehˬ dah-eu deuˬ, saˇ jaˇ maˬ ziꞈ-eu deuˬ pyeuꞈ-awˇ, aˬ yawꞈ-euˬ piˇ ma geuꞈ-eu deuˬ, yaw muiˬ yaw shawˇ jeˬ laˆ jawꞈ-awˇ, zahˇ dawˬ kʼoꞈ dawˬ laˆ cawˆ-eu meh.

Maˬlaˬkiˇ 2:1

Baoˬ huiˬ-eu Sahˬpaˬ Miˬyehˇ piˇ ma deuˬ-ahˇ heu loꞈ-ehˇ ehˇ-eu meh. “Naw maꞈ-ahˇ ngaˇ heu loꞈ-ehˇ dawˬ biꞈ-eu ma.

Maˬlaˬkiˇ 2:10

Aˬ dui dawˬ tawˆ luꞈ-euˬ aˬ da yaw dzahˇ tiˬ gʼaˬ tehꞈ maˬ ngeuˇ loˇ. Aˬ dui dawˬ tawˆ luꞈ-ahˇ Miˬyehˇ tiˬ gʼaˬ neh tehꞈ-ehˇ beh taˬ-euˬ maˬ ngeuˇ-a loˇ. Toˆ-ehˇ ngeuˇ naˇ, aˬ dui tiˬ gʼaˬ tiˇ gʼaˬ saˇ jaˇ dzaˬ taˬ-euˬ gaˇ aˬ jeˬ miˇ neh puiˬ te. Aˬ dui-euˬ aˬ poeˬ aˬ bawˇ deuˬ nehˬ-ehˇ Miˬyehˇ neh dzaˬ taˬ-eu dawˬ ma saˇ jaˇ-ahˇ aˬ jeˬ miˇ neh puiˬ te.

Maˬlaˬkiˇ 2:8

“Ehˇ kʼawꞈ, nymˬ-mˇ piˇ ma geuꞈ luꞈ-eu naw maꞈ-aˬ, yaw tsaˬ yaw dawˇ gaˇ ma-ahˇ gʼawˬ-iˇ taˬ-euˬ meh. Naw maꞈ mehˬ bahˬ tsoˆ bahˬ-euˬ miˇ neh, tsawˇ haˬ gʼawˬ mya ni yaw lehˬ jeˬ mˇ luꞈ meh. Ngaˬ neh naw maꞈ-ahˇ biꞈ taˬ-euˬ dawˬ ma saˇ jaˇ-ahˇ naw maꞈ puiˬ-euˬ meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Maꞈtehˬ 15:4

‘Nawˬ da nawˬ ma-ahˇ yaw zeu ya baw meh’ lehˇ hawˇ-eu, ‘Yawˬ ha-euˬ aˬ da aˬ ma-ahˇ yaˬ kʼehˇ yaˬ-eu tsawˇ haˬ, sehꞈ gaˇ ya daˬ tehꞈ-a’ lehˇ, Miˬyehˇ neh ehˇ taˬ-euˬ jaˆ-eu meh.

Maꞈtehˬ 15:6

Naw maꞈ kʼoeˇ loꞈ-ehˇ ehˇ-eu laꞈ kʼoeˇ, aˇ hu ba neh tawˬ ka leꞈ-euˬ zahˇ oeˇ-ahˇ tehꞈ-ehˇ leh jeh-awˇ, Miˬyehˇ neh biꞈ taˬ-euˬ dawˬ deuˬ-ahˇ naw maꞈ yaw zeu maˬ baw-a.

Maꞈtehˬ 19:19

Yawˬ ha-euˬ aˬ da aˬ ma-ahˇ yaw zeu baw-awˬ. Yawˬ haˇ yawˬ ha gaˬ-eu loꞈ-ehˇ, yawˬ ha-ahˇ taꞈ-eu tsawˇ haˬ deuˬ-ahˇ gaˬ-awˬ lehˇ ehˇ-eu zahˇ dawˬ kʼoꞈ dawˬ heu deuˬ-ahˇ caw teh-awˬ.”

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Maꞈtehˬ 7:21

“Ngaˬ-ahˇ ‘Sahˬ paˬ-oˇ, Sahˬ paˬ-oˇ’ lehˇ kʼaˇ kuˇ-eu tsawˇ haˬ yawˬ gʼaˬ na luꞈ, mˬ taˆ Miˇkʼahˬ-ahˇ ya uˇ leˇ-eu maˬ ngeuˇ-a. Mˬ kʼoeˇ taˆ jawˇ-eu ngaˬ Da nui ma tsaˬ-eu jeˬ mˇ-eu tsawˇ haˬ deuˬ tehꞈ-ehˇ ya uˇ leˇ-eu meh.

Maˬkuˆ 10:19

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Tsawˇ haˬ taˬ sehꞈ. Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Jaˬ myawꞈ taˬ myawꞈ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Maˬkuˆ 7:10

Moˇseˬ-euˬ zahˇ dawˬ kʼoꞈ dawˬ laꞈ kʼoeˇ, ‘Nawˬ da nawˬ ma-ahˇ yaw zeu ya baw meh’ lehˇ hawˇ-eu, ‘Yawˬ ha-euˬ aˬ da hawˇ-eu aˬ ma-ahˇ yaˬ kʼehˇ yaˬ-eu tsawˇ haˬ-aˬ, sehꞈ gaˇ ya daˬ tehꞈ-a’ lehˇ ehˇ taˬ-euˬ meh.

Luˇkaꞈ 10:29

Ehˇ kʼawꞈ, Zahˇ dawˬ kʼoꞈ dawˬ mehˬ-eu saˬ laˬ kʼoeˇ gʼaˬ, yawˬ ha yaw tsaˬ geuꞈ mawꞈ-eu miˇ neh, heu loꞈ-ehˇ ehˇ-eu meh. “Yawˬ ha dawˬ peh jawˇ-eu tsawˇ haˬ lehˇ ehˇ-eu aˬ suˇ gʼaˬ-ahˇ ehˇ ta.”

Luˇkaꞈ 18:20

Zahˇ dawˬ kʼoꞈ dawˬ heu deuˬ-ahˇ nawˇ siˬ nya meh. ‘Aˬ cawˬ-euˬ miˬ zaˬ yo zaˬ-ahˇ taˬ bahˬ taˬ muˆ. Tsawˇ haˬ taˬ sehꞈ. Smˇ kʼoeˬ taˬ kʼoeˬ. Aˬ cawˬ gaˇ kawˆ maˬ ngeuˇ gaˇ keuˆ ni saˇ kiˇ taˬ kamˬ. Yawˬ ha-euˬ aˬ da aˬ ma-ahˇ yaw zeu baw-awˬ’ lehˇ ehˇ taˬ-euˬ meh.”

Luˇkaꞈ 6:36

Naw maꞈ-euˬ Aˬda gʼawˬ shaˬ gaˬ-eu nui ma ahˇ-eu loꞈ-ehˇ, naw maꞈ kʼawꞈ ahˇ-awˬ.

Luˇkaꞈ 6:46

“Ngaˬ neh ehˇ taˬ-euˬ loꞈ-ehˇ naw maꞈ maˬ mˇ gaˇ neh, aˬ jeˬ miˇ neh ngaˬ-ahˇ ‘Sahˬpaˬ-o, Sahˬpaˬ-oˇ’ lehˇ kuˇ te.

Eˇpeˇsu 6:2

“Nawˬ da nawˬ ma-ahˇ yaw zeu baw-awˬ” lehˇ ehˇ-eu zahˇ dawˬ kʼoꞈ dawˬ heu dawˬ-aˬ, naˇ haˬ geuꞈ-eu tsawˇ haˬ deuˬ-ahˇ Miˬyehˇ guiˬ lahˬ biꞈ-eu gʼaˇ duˬ saˇ jaˇ dzaˬ taˬ-euˬ zahˇ dawˬ kʼoꞈ dawˬ yaw beh dawˬ meh.

Dawˬmehˬ 1:31

Kʼoeˇ uˬ taꞈ, bawˇ tsahˬ bawˇ dahˇ laꞈ kʼoeˇ aˬ yawꞈ neh mˇ-euˬ gaˇ deuˬ-ahˇ kʼawꞈ, naw maꞈ ya mawˇ-euˬ meh. Aˬ da tiˬ gʼaˬ yawˬ ha-euˬ aˬ li-ahˇ ciˬ gʼeh-eu loꞈ-ehˇ, gaˇ pehˇ kahˇ li-ehˇ, heu gaˇ keuˆ ni naw maꞈ-ahˇ aˬ yawꞈ sheuˬ keuˆ laꞈ-euˬ meh’ lehˇ ngaˇ naw maꞈ-ahˇ ehˇ-euˬ maˬ ngeuˇ-a loˇ.

Dawˬmehˬ 32:6

Beh-euˬ yaw sahˇ naw maꞈ Aˬ da, naw maꞈ tsawˇ jeuˬ-ahˇ ciˬ tuˇ-euˬ, Sahˬpaˬ Miˬyehˇ mehˬ shi naw maꞈ, aˬ dzawˬ aˇ gah ya gah nmˇ loˇ.

Dawˬmehˬ 5:16

“Nawˇ yaw muiˬ paˬ-ehˇ ya dehꞈ ya jawˇ daˆ leꞈ-eu gʼaˇ duˬ maˬ ehˇ, ngaˇ nawˬ-ahˇ biꞈ-euˬ miˇ kʼahˬ laꞈ kʼoeˇ nawˇ ziˇ baw ni maˬ ehˇ, nawˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ nawˬ-ahˇ dawˬ biꞈ taˬ-euˬ loꞈ-ehˇ, nawˬ-euˬ aˬ da aˬ ma-ahˇ nawˇ yaw zeu ya baw meh.

1 Beˬtuˆluˆ 1:17

Tsawˇ haˬ dawˬ tawˆ luꞈ-ahˇ myaˆ pyawˬ huiˬ nyiˇ maˬ tseˇ ni, aˬ yawꞈ gʼaˬ yawꞈ neh kʼaˇ mˇ kʼaˇ shaˇ taˬ-euˬ gaˇ haw-awˇ yaˇ kʼaˬ daˇ-eu gʼaˬ pyeuꞈ-eu Miˬyehˇ-ahˇ naw maꞈ guiˬ lahˬ shaˇ ngeh, ‘Aˬda-oˇ’ lehˇ kuˇ-awˇ shaˇ-eu meh. Kʼoeˇ miˇ neh, naw maꞈ miˇ tsaˬ heu kʼoeˇ taˆ ya dehꞈ ya jawˇ daˆ leꞈ-eu aˇ nah aˇ yamˬ dawˬ tawˆ luꞈ, aˬ yawꞈ-ahˇ yaw zeu baw-awˇ dehꞈ-awˬ.