Maˬlaˬkiˇ 1:11 - Akha

¹¹ Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maˬlaˬkiˇ 1:11 Σταυροειδείς Αναφορές

1 Laˬsaˬbaˬ 16:25

Sahˬpaˬ Miˬyehˇ huiˬ gaˇ mahˇ gaˇ, ja ceuˬ dui dui paˬ-ehˇ gʼeh meh. Miˬyehˇ dawˬ tawˆ luꞈ naˆ maˬ tseˇ, yawꞈ-ahˇ taˬ huiˬ nehˬ-eu tsaˬ meh.

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 113:3

Nahˇ ma doˆ kʼehˬ ga kʼehˬ doe ni, Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ.

Jaceuq 138:5

Huiˬ dui dui-eu nawˬ-euˬ yaw shehꞈ kʼahˬ sehˇ hawˇ-eu, nawˬ neh mˇ taˬ-euˬ gaˇ deuˬ-ahˇ, aˬ yawꞈ maꞈ caˇ-awˇ ja ceuˬ tehꞈ-a.

Jaceuq 141:2

Tsiˇ yaw saw doꞈ damˬ-euˬ gaˇ ha geuꞈ-eu loꞈ-ehˇ, ngaˬ-euˬ shaˇ dawˬ-ahˇ ha geuꞈ nehˬ laꞈ-awˬ. Uˬ ciꞈ uˬ taw paw lawˇ-euˬ jeˬ-ahˇ ha geuꞈ-eu loꞈ-ehˇ, ngaˇ aˬ laꞈ baꞈ diˇ taˬ gaˇ ha geuꞈ nehˬ laꞈ.

Jaceuq 45:17

Ngaˬ-euˬ caˇ dawˬ heu baˬ da neh nawˬ-euˬ tsawˇ myahˇ aˬ myah luꞈ kʼawˇ taꞈ kʼawˇ teˇ doˆ-awˇ, tsawˇ haˬ dawˬ tawˆ luꞈ mˬ maˬ maˬ byaˆ zaˇ ziˇ, nawˬ-ahˇ ja ceuˬ tehꞈ-a.

Jaceuq 48:10

Miˇ tsaˬ zaˬ dawˬ tawˆ luꞈ nawˬ-ahˇ ja ceuˬ-awˇ, mˬ dzeˇ miˇ dzeˇ keuˆ ni nawˇ tsawˇ myahˇ doˆ-eu meh. Nawˇ yaw tsaˬ yaw dawˇ laꞈ kʼoeˇ uˆ lahˇ-eu meh.

Jaceuq 48:11

Ziˇoˬ gawˬ jawˬ-ahˇ jawˇ-eu deuˬ laˬ kʼaˬ cehˇ luꞈ-uˇ. Nawˇ dawˇ coe ni yaˇ kʼaˬ daˇ-eu miˇ neh, Yuˇdaˆ meuˬ deuˬ laꞈ kʼoeˇ laˬ kʼaˬ cehˇ-eu jeˬ byah luꞈ-uˇ.

Jaceuq 50:1

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ-awˇ, mˬ dzeˇ miˇ dzeˇ keuˆ ni keuˆ-eu meh.

Jaceuq 65:9

Miˇ tsaˬ-ahˇ nawˇ bo saˆ luꞈ-eu gaˇ kawˆ, uˬ yehˇ yehˇ-eu laꞈ kʼoeˇ bi siˬ bi mawˇ-eu meh. Miˇ tsaˬ miˇ muiˬ muiˬ ni nawˇ jahˇ-eu meh. Lawˇ gawˆ-ahˇ nawˇ iˇ cuꞈ bi yoeˇ le-awˇ, miˇ tsaˬ-ahˇ dzaˬ la gʼo cehˇ dehꞈ laˇ ni nawˇ jahˇ-euˬ meh. Nawˬ neh mˇ-euˬ gaˇ kawˆ heu loꞈ-ehˇ jaˆ-eu meh.

Jaceuq 67:2

Kʼoeˇ baˬ da neh miˇ kʼahˬ dawˬ tawˆ luꞈ nawˬ-euˬ nui kʼahˇ siˬ nya-awˇ, tsawˇ jeuˬ dawˬ tawˆ luꞈ nawˇ ka kʼoꞈ-eu guiˬ lahˬ yaw dzahˇ-ahˇ siˬ nya luꞈ-uˇ.

Jaceuq 86:9

Nawˬ neh beh taˬ-euˬ tsawˇ jeuˬ dawˬ tawˆ luꞈ, nawˬ-euˬ mehˬ shi laˇ-awˇ awˆ byaˆ tehꞈ-a. Nawˇ huiˬ-eu mahˇ-eu gaˇ kawˆ aˬ yawꞈ maꞈ caˇ-awˇ ja ceuˬ tehꞈ-a.

Jaceuq 96:8

Yaw shehꞈ kʼahˬ sehˇ huiˬ-eu Sahˬpaˬ Miˬyehˇ-euˬ tsawˇ myahˇ-ahˇ ja ceuˬ-awˬ. Damˬ nehˬ-eu jeˬ yuˇ-awˇ, aˬ yawꞈ-euˬ Uˬ duˬ tahˬ nymˇ nymˇ ma-ahˇ laˇ-awˬ.

Iˇsaˬyaˇ 12:4

Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ yawꞈ bi ngehˬ gʼeh le-eu gʼaˇ duˬ kuˇ-awˬ. Aˬ yawꞈ neh mˇ-euˬ gaˇ deuˬ gaˇ kawˆ, tsawˇ jeuˬ dawˬ tawˆ luꞈ-ahˇ dzawˇ nehˬ-awˬ. Aˬ yawꞈ huiˬ dui mahˇ dui dui-eu gaˇ kawˆ, aˬ yawꞈ maꞈ-ahˇ dzawˇ mehˬ nehˬ-awˬ.

Iˇsaˬyaˇ 12:5

Sahˬpaˬ Miˬyehˇ huiˬ-eu gaˇ deuˬ mˇ-euˬ miˇ neh, aˬ yawꞈ-ahˇ caˇ-awˇ ja ceu-awˬ. Mˬ dzeˇ miˇ dzeˇ doˆ ni, gaˇ kawˆ kʼoeˇ dzawˇ gaˬ-awˬ.

Iˇsaˬyaˇ 19:21

Sahˬpaˬ Miˬyehˇ aˬ yawꞈ-euˬ gʼawˇ mawˇ Iˇjiˇtuˆ tsawˇ haˬ deuˬ-ahˇ pah mehˬ ngeh, aˬ yawꞈ maꞈ aˬ yawꞈ-ahˇ siˬ nya laˇ-awˇ uˬ duˬ tahˬ-eu laꞈ kʼoeˇ, lawˇ-eu shehˇ-eu jeˬ mˇ nehˬ tehꞈ-a. Aˬ yawꞈ maꞈ aˬ yawꞈ-ahˇ saˇ jaˇ dzaˬ-awˇ, saˇ jaˇ kʼaˇ dzaˬ-euˬ loꞈ-ehˇ mˇ byah tehꞈ-a.

Iˇsaˬyaˇ 30:27

Haw yawˬ. Sahˬpaˬ Miˬyehˇ-euˬ tsawˇ myahˇ, gaˇ mahˇ kaˬ gaˇ neh oe luꞈ meh. Miˬ dzaˬ hawˇ-eu uˬ kʼoeˬ laꞈ kʼoeˇ, aˬ yawꞈ nui ma pehˇ-eu jeˬ mehˬ luꞈ meh. Aˬ yawꞈ mehˬ luˬ nui ma pehˇ dui dui-awˇ, aˬ yawꞈ-euˬ dawˬ, miˬ dzaˬ-ahˇ duˇ-eu meh.

Iˇsaˬyaˇ 45:6

Ngaˇ Sahˬpaˬ Miˬyehˇ pyeuꞈ-eu gaˇ kawˆ heu hawˇ-eu, miˬ yehˇ nui gʼaˬ maˬ jawˇ-eu gaˇ kawˆ-ahˇ, mˬ dzeˇ miˇ dzeˇ keuˆ ni bi siˬ doe ni, ngaˇ heu loꞈ-ehˇ jahˇ-eu ma.

Iˇsaˬyaˇ 54:5

Nawˬ-ahˇ beh-euˬ gʼaˬ nawˬ-euˬ kʼaˬ dzeˇ zaˬ-ahˇ duˇ tehꞈ-a. Aˬ yawꞈ tsawˇ myahˇ Baoˬ huiˬ-eu Sahˬpaˬ Miˬyehˇ meh. Iˇsaˬleˬlaˆ-euˬ muiˬ-eu shawˇ-eu Miˬyehˇ nawˬ-ahˇ ka kʼoꞈ nehˬ laꞈ tehꞈ-a. Miˇ tsaˬ dawˬ tawˆ luꞈ-ahˇ aˬ yawꞈ uˆ lahˇ-eu meh.

Iˇsaˬyaˇ 59:19

Aˬ yawꞈ-euˬ baoˬ hawˇ-eu aˬ yawꞈ-euˬ tsawˇ myahˇ-ahˇ, nahˇ ma doˆ kʼehˬ ga kʼehˬ doˆ ni yawˬ gʼaˬ na luꞈ ya guˆ tehꞈ-a. Iˇ jeuˬ jeuˬ-awˇ jaˬ lehˇ lehˇ ma baw-eu loꞈ-ehˇ, aˬ yawꞈ oe gaˇ ya mawˇ tehꞈ-a.

Iˇsaˬyaˇ 66:18

Aˬ yawꞈ maꞈ-euˬ nui noeˬ hawˇ-eu aˬ yawꞈ maꞈ neh mˇ-euˬ gaˇ deuˬ ngaˇ siˬ luꞈ mawˇ luꞈ ma. Miˇ kʼahˬ tsawˇ jeuˬ dawˬ tawˆ luꞈ kuˇ uiˬ-eu gʼaˇ duˬ ngaˇ oe-eu ma. Aˬ yawꞈ maꞈ tiˬ gaˇ uiˬ laˇ jiˇ ngeh, ngaˬ-euˬ baoˬ-ahˇ gʼoe-awˇ mˇ nya-eu gaˇ deuˬ-ahˇ aˬ yawꞈ maꞈ ya mawˇ tehꞈ-a.

Yeˬlaˬmiˇ 10:6

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ-aˬ, baoˬ huiˬ-eu meh. Nawˬ-euˬ tsawˇ myahˇ baoˬ yaw shehꞈ kʼahˬ sehˇ huiˬ-eu meh.

Yeˬlaˬmiˇ 10:7

Tsawˇ jeuˬ dawˬ tawˆ luꞈ-euˬ sahˬ paˬ pyeuꞈ-eu gʼaˬ-oˇ, nawˬ-ahˇ maˬ taˬ huiˬ-ehˇ aˬ suˇ gʼaˬ jawˇ coeˇ nmˇ. Nawˬ-ahˇ yaw zeu baw dui dui paˬ-ehˇ gʼeh-eu meh. Tsawˇ jeuˬ heu myaˆ kʼoeˇ taˆ tsawˇ gahˇ dzehˬ-eu tsawˇ haˬ maˬ ehˇ, miˇ kʼahˬ sahˬ paˬ kʼaˇ ngeuˇ-eu deuˬ maˬ ehˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a.

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Daˬyeˬlaˇ 2:45

Tsawˇ haˬ neh maˬ laˆ ciˆ-euˬ gaˇ, lo guˇ-ahˇ neh kʼaˬ lo tiˬ siˬ aˬ joˆ-ehˇ poˆ ka leꞈ-awˇ, shmˇ, guiˬ shuiˇ, miˇ tsaˬ, pyuˇ, shuiˇ heu deuˬ neh jahˇ taˬ-euˬ tsawˇ haˬ mawˇ kawˇ-ahˇ aˬ joˆ-ehˇ poˆ deh-euˬ nawˇ mawˇ-euˬ meh. Huiˬ-eu Miˬyehˇ-aˬ, mehˬ hu paw pyeuꞈ laˇ-eu gaˇ kawˆ nawˬ-ahˇ ehˇ mehˬ nehˬ-euˬ meh. Nawˬ neh yuꞈ maˆ kʼaˇ maˆ mawˇ-euˬ loꞈ-ehˇ nawˬ-ahˇ ngaˇ dzawˇ duˬ nehˬ gʼaˬ-awˇ, tsaˬ dui dui-eu dawˬ tsuiꞈ yuˇ doˆ nehˬ gʼaˬ-euˬ ma.”

Aˬmoˆ 9:12

Kʼoeˇ ngeh, Eˬdoˬ miˇ kʼahˬ laꞈ kʼoeˇ kʼaˇ dzeˇ-eu miˇ tsaˬ hawˇ-eu, yaw beh ngaˬ-euˬ miˇ kʼahˬ kʼaˇ pyeuꞈ-euˬ miˇ kʼahˬ nui deuˬ dawˬ tawˆ luꞈ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ tehꞈ-a” lehˇ, kʼoeˇ loꞈ-ehˇ bi pyeuꞈ laˇ ni mˇ-eu lehˇ gʼeh-eu gʼaˬ pyeuꞈ-eu Sahˬpaˬ Miˬyehˇ ehˇ-eu meh.

Miˇkaˬ 5:4

Aˬ yawꞈ oe ngeh, Sahˬpaˬ Miˬyehˇ jawˇ gaˇ neh oe-euˬ gʼaˬ hawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ gʼoe-awˇ, aˬ yawꞈ-euˬ tsawˇ haˬ deuˬ-ahˇ uˆ lahˇ tehꞈ-a. Aˬ yawꞈ-euˬ tsawˇ haˬ deuˬ guˆ kʼaˇ maˬ za ni ya dehꞈ tehꞈ-a. Aˬ jeˬ miˇ neh ehˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ aˬ yawꞈ huiˬ-eu mahˇ-eu gaˇ kawˆ siˬ nya tehꞈ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Zeˬpaˬniˇ 3:9

“Kʼoeˇ naˇ, miˇ kʼahˬ tsawˇ jeuˬ dawˬ tawˆ, nui ma paˇ laˇ ni ngaˇ jahˇ-awˇ, miˬ yehˇ nui deuˬ-ahˇ maˬ gʼoe ni, ngaˬ-ahˇ tehꞈ-ehˇ gʼoe-eu laꞈ kʼoeˇ, ngaˬ-euˬ ehˇ dawˬ naˇ haˬ tehꞈ-a.

Zaˬkaˬliˇ 8:7

Aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ ngaˬ-euˬ tsawˇ haˬ deuˬ-ahˇ ngaˇ ka kʼoꞈ doˆ laꞈ ma.

Maˬlaˬkiˇ 1:14

Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

Maˬlaˬkiˇ 3:3

Pyuˇ kʼoˇ baw guiˇ-awˇ laˆ shawˇ-eu loꞈ-ehˇ, yaˇ kʼaˬ daˇ-eu gʼaˇ duˬ aˬ yawꞈ oe tehꞈ-a. Piˇ ma deuˬ Sahˬpaˬ Miˬyehˇ-ahˇ tsaˬ-eu dawˇ-eu lawˇ-eu jeˬ lawˇ nehˬ laˇ ni, baw baw-eu tsawˇ haˬ pyuˇ hawˇ-eu shuiˇ baw guiˇ-awˇ laˆ shawˇ-eu loꞈ-ehˇ, Sahˬpaˬ Miˬyehˇ-euˬ dawˬ tsaꞈ dawˬ dzawˇ mˇ-eu gʼaˬ piˇ ma kʼoeˇ deuˬ-ahˇ shawˇ tehꞈ-a.

Bawˇtsahˬ 7:74

yaw saw jeˬ dawˆ ahˇ taˬ-euˬ shiꞈ ja byah-eu shuiˇ kʼmˬ maˬ tiˬ kʼmˬ,

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maꞈtehˬ 8:11

Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

Luˇkaꞈ 1:10

Kʼoeˇ loꞈ-ehˇ yaw saw jeˬ doꞈ damˬ luꞈ ngeh, laꞈ nyiˇ paw jawˇ yaꞈ-euˬ tsawˇ haˬ aˇ maꞈ deuˬ guiˬ lahˬ ya shaˇ-eu meh.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Piˇliˇpiˆ 4:18

Naw maꞈ neh kʼaˇ biꞈ laꞈ-euˬ yawˬ jeˬ na luꞈ gʼaˇ duˬ, guiˬ lahˬ huiˬ-eu dawˬ tsaꞈ ahˇ laꞈ-eu ma. Ngaˇ loˬ-eu myaˆ maˬ tseˇ naw maꞈ ngaˬ-ahˇ biꞈ laˬ-euˬ meh. Naw maꞈ neh biꞈ laꞈ-euˬ laꞈ sawˬ deuˬ-ahˇ Iˇbaˬpawˬdiˇ neh hehˇ keuˆ nehˬ leꞈ-euˬ miˇ neh, ngaˇ kʼaˇ loˬ-eu jeˬ nymˬ-mˇ byah miˇ-a. Laꞈ sawˬ heu deuˬ-aˬ, Miˬyehˇ nui kʼahˇ shiˇ-awˇ ha geuꞈ-euˬ saw dui dui-eu lawˇ-eu jeˬ pyeuꞈ-eu meh.

2 Teˇsaˬloˇni 1:12

Kʼoeˇ Loꞈ-ehˇ byah laˇ-eu laꞈ kʼoeˇ, naw maꞈ baˬ da neh Sahˬpaˬ Yeˬsuˇ-euˬ tsawˇ myahˇ yaw shehꞈ kʼahˬ sehˇ za-awˇ, aˬ yawꞈ daˬ ba neh naw maꞈ yaw shehꞈ kʼahˬ sehˇ za tehꞈ-a. Aˬ dui-euˬ Miˬyehˇ hawˇ-eu Sahˬpaˬ Yeˬsuˇ Ka li-euˬ gʼawˬ shaˬ gaˬ-eu guiˬ lahˬ yaw dzahˇ baˬ da neh, kʼoeˇ loꞈ-ehˇ pyeuꞈ laˇ tehꞈ-a.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 5:8

Kʼoeˇ loꞈ-ehˇ yuˇ laˬ leˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, Yawˇzaˬ-euˬ mehˬ shi awˆ byaˆ-euˬ meh. Aˬ yawꞈ maꞈ yawˬ gʼaˬ na luꞈ, deuˇ-mˬ tiˬ siˬ hawˇ-eu tsiˇ yaw saw jeˬ tiˬ byah ni dahˬ-eu shuiˇ naˬ bo deuˬ ahˇ-eu meh.