Maˬkuˆ 9:13 - Akha

¹³ Naw maꞈ-ahˇ ngaˇ ehˇ nehˬ nyaˇ. Eˇliˇyaˆ oe gʼa-euˬ meh. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, tsawˇ haˬ zaˬ deuˬ aˬ yawꞈ-ahˇ yehˬ bawˬ sehˇ lu-ehˇ kʼaˇ gʼeh mawꞈ-eu gʼeh nehˬ-euˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Ngar, nawmaf-anr aernaeq nyar, Erlirya oedzeur-euq mae. Aerkhawf, Yaerbof-euq lafkhoer aqyawf-euq garkawv boftaq-euq lof-aer, aqyawfmaf, aqyawf-anr khar janrmawf-eu jeq janrnaeq-euq mae.”

Maˬkuˆ 9:13 Σταυροειδείς Αναφορές

Maꞈtehˬ 11:14

Ngehˬ ka tmˇ ka leꞈ-euˬ gaˇ kawˆ kʼoeˇ deuˬ-ahˇ naw maꞈ jah-eu nui ma ahˇ naˇ, Eˇliˇyaˆ oe meh lehˇ ehˇ taˬ-euˬ kʼoeˇ-aˬ, Yoˇhaˬ oe gaˇ ehˇ-eu meh.

Maˬkuˆ 9:12

Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Maˬkuˆ 9:14

Zaˬ lahˇ nui deuˬ jawˇ gaˇ aˬ yawꞈ maꞈ gʼoꞈ keuˆ le ngeh, zaˬ lahˇ kʼoeˇ deuˬ-euˬ tiˬ jawˬ tsawˇ haˬ aˇ maꞈ maꞈ ma uiˬ le bymˇ le-awˇ, Zahˇ dawˬ kʼoꞈ dawˬ mehˬ-eu saˬ laˬ deuˬ nehˬ-ehˇ tsawˇ pyehˇ pyehˇ luꞈ gaˇ ya mawˇ-euˬ meh.

Luˇkaꞈ 1:17

Aˬ da hawˇ-eu zaˬ deuˬ tsaˬ leˇ tsahˇ leˇ nya ni maˬ ehˇ, naˬ lehˬ lehˬ-eu tsawˇ haˬ deuˬ yaw tsaˬ yaw dawˇ tsawˇ haˬ-euˬ nui noeˬ mehˬ nah caw teh laˇ ni maˬ ehˇ, Sahˬpaˬ Miˬyehˇ-euˬ tsawˇ jeuˬ-ahˇ Sahˬpaˬ Miˬyehˇ gʼaˇ duˬ bi lehˬ hmˬ dah taˬ-eu gʼaˇ duˬ maˬ ehˇ, Eˇliˇyaˆ-euˬ nui ma hawˇ-eu baoˬ aˬ yawꞈ pi-awˇ, Sahˬpaˬ-euˬ mehˬ hu aˬ yawꞈ iˇ tehꞈ-a.”

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.