Maˬkuˆ 4:41 - Akha

⁴¹ Ehˇ kʼawꞈ, aˬ yawꞈ maꞈ guˆ dui dui-iˇ-awˇ tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ joˆ-ehˇ gʼeh-eu tsawˇ haˬ nga. Jaˬ lehˇ hawˇ-eu iˇ luˆ-ahˇ keuˆ ni aˬ yawꞈ-euˬ dawˬ naˇ haˬ-eu nga laˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Aqyawfmaf guv duidui-eu lafkhoer, aqyawf maf-euq yawkaq aer-eu, “Jaqlaer hawr-eu lan khawf aqyawf-euq dawq narhaq paq-aer, tsawrhaq heughaq aqsur ghaq nga?”

Maˬkuˆ 4:41 Σταυροειδείς Αναφορές

Yawˇbaˆ 38:11

Iˬ ma laˆ shaˆ iˇ cuꞈ aˬ geu gaˇ keuˆ ni ya dahˬ keuˆ-awˇ, iˇ luˆ dzeh keuˆ nya-eu jawˇ duˬ ngaˇ mehˬ duˬ taˬ-euˬ ma.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Maˬlaˬkiˇ 2:5

“Ngaˬ-euˬ dawˬ ma saˇ jaˇ laꞈ kʼoeˇ, aˬ yawꞈ maꞈ baw le za le-awˇ nui saˇ oꞈ ni ngaˇ saˇ jaˇ dzaˬ-euˬ ma. Aˬ yawꞈ maꞈ ngaˬ-ahˇ yaw zeu baw ni, aˬ yawꞈ maꞈ-ahˇ ngaˇ kʼoeˇ loꞈ-ehˇ jahˇ nehˬ-euˬ ma. Aˇ nah aˇ yamˬ kʼoeˇ yamˬ-ahˇ, aˬ yawꞈ maꞈ ngaˬ-ahˇ yaw zeu baw-awˇ guˆ-euˬ meh.

Maꞈtehˬ 14:32

Aˬ yawꞈ nyaꞈ nyiˬ gʼaˬ luꞈ lawˬ laꞈ kʼoeˇ uˇ-iˇ ngeh, jaˬ lehˇ baw-eu naˬ leˇ-euˬ meh.

Maꞈtehˬ 8:27

Tsawˇ haˬ kʼoeˇ deuˬ zahˬ dui dui leˇ-awˇ, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ joˆ-ehˇ gʼeh-eu tsawˇ haˬ nga. Jaˬ lehˇ hawˇ-eu iˇ cuꞈ-ahˇ keuˆ ni aˬ yawꞈ-euˬ dawˬ-ahˇ naˇ haˬ-eu nga.”

Maˬkuˆ 4:40

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Aˬ jeˬ miˇ neh naw maꞈ teu naˆ naˆ-ehˇ guˆ-eu nya. Jah-eu nui ma maˬ ahˇ te siˬ loˇ.”

Maˬkuˆ 5:1

Yeˬsuˇ hawˇ-eu aˬ yawꞈ-euˬ zaˬ lahˇ deuˬ, Gaˬliˬlehˇ lah nui baˬ paw jaˆ-eu Geˬlaˬsaˬ miˇ kʼahˬ-ahˇ iˇ keuˆ-euˬ meh.

Maˬkuˆ 5:33

Zaˬ miˬ zaˬ kʼoeˇ gʼaˬ aˬ yawꞈ-euˬ gʼawˇ mawˇ aˬ joˆ-ehˇ pyeuꞈ laˇ-euˬ siˬ leˇ-euˬ loꞈ-ehˇ, guˆ-awˇ yaw dzuˬ dzuˬ-eu laꞈ kʼoeˇ doˆ laˇ-awˇ, Yeˬsuˇ-euˬ aˬ kuiˇ dawˬ pah ga byaˆ-awˇ, gaˇ kawˆ dawˬ tawˆ luꞈ dawˇ coe ni ehˇ doˆ nehˬ-euˬ meh.

Maˬkuˆ 7:37

Kʼoeˇ loꞈ-ehˇ ja gaˇ kʼaˇ ya gaˬ-euˬ tsawˇ haˬ dawˬ tawˆ luꞈ zahˬ dui dui leˇ-euˬ meh. Aˬ yawꞈ maꞈ ehˇ-eu, “A yawꞈ neh kʼaˇ mˇ-euˬ yawˬ jeˬ na luꞈ aˇ naˆ ni muiˬ-eu nga. Naˬ bawˬ deuˬ naˬ bawˇ gaˬ nya laˇ-awˇ, aˬ dzawˬ deuˬ dawˬ ngehˬ nya laˇ gaˇ keuˆ ni aˬ yawꞈ mˇ nya-euˬ nga.”

Luˇkaꞈ 4:36

Tsawˇ haˬ kʼoeˇ deuˬ zahˬ leˇ jiˇ-awˇ, tiˬ gʼaˬ tiˇ gʼaˬ ehˇ-eu, “Dawˬ teu dawˬ aˬ joˆ-ehˇ gʼeh-eu dawˬ nga. Aˬ yawꞈ dawˬ ngehˬ-awˇ nehꞈ yaw jawꞈ-ahˇ dawˬ biꞈ ngeh, nehꞈ doˆ-iˇ-eu nga laˬ.”

Luˇkaꞈ 8:25

“Naw maꞈ-euˬ jah-eu nui ma aˬ lehˬ” lehˇ, aˬ yawꞈ maꞈ-ahˇ aˬ yawꞈ dehˬ-euˬ meh. Kʼoeˇ ngeh, aˬ yawꞈ maˬ guˆ-awˇ zahˬ leˇ-eu laꞈ kʼoeˇ, tiˬ gʼaˬ tiˇ gʼaˬ ehˇ-eu, “Tsawˇ haˬ heu gʼaˬ aˬ suˇ gʼaˬ nga. Jaˬ lehˇ hawˇ-eu iˇ cuꞈ-ahˇ aˬ yawꞈ dawˬ biꞈ ngeh, aˬ yawꞈ-euˬ dawˬ-ahˇ naˇ haˬ-eu nga.”

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

1 Saˬmeuˬlaˆ 12:24

Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ geuꞈ-awˇ, saˇ jaˇ ziꞈ-eu laꞈ kʼoeˇ aˬ yawꞈ-euˬ gaˇ mˇ-awˬ. Naw maꞈ gʼaˇ duˬ aˬ yawꞈ neh mˇ-euˬ huiˬ-eu gaˇ deuˬ-ahˇ noeˬ keuˆ-awˬ.