Maˬkuˆ 2:22 - Akha

²² Kʼoeˇ gaˇ duˇ ni, tsawˇ haˬ tiˬ gʼaˬ-iˬ aˬ gaꞈ dzaˇ uiˇ shehˆ ahˇ-eu shaˬ kʼoˆ iˇ puˬ yaw oeˇ laꞈ kʼoeˇ, aˬ gaꞈ dzaˇ uiˇ yaw shuiꞈ maˬ shehˆ ahˇ-aˇ. Kʼoeˇ loꞈ-ehˇ jahˇ naˇ, aˬ gaꞈ dzaˇ uiˇ kʼoeˇ shaˬ kʼoˆ iˇ puˬ-ahˇ dzaˬ pehꞈ-awˇ, aˬ gaꞈ dzaˇ uiˇ kʼaˇ-iˇ-eu uˬ taꞈ, shaˬ kʼoˆ iˇ puˬ cawˆ-iˇ tehꞈ-a. Aˬ gaꞈ dzaˇ uiˇ yaw shuiꞈ-ahˇ, shaˬ kʼoˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerlof-aer durni, tiqghaq-iq shaqkhov irpuq yawoer-anr aqgaf dzaruir yawshuif maq shaevanr-ar. Shaevanr nar-aq, aqgaf dzaruir khoer shaqkhov irpuq-anr dzaqpaef-awr, aqgaf dzaruir yoerdov-awr, shaqkhov irpuq khawf cawv-ir taef-a. Aerkhawf, aqgaf dzaruir yawshuif-aq, shaqkhov irpuq yawshuif-anr yashaev anr-eu mae.”

Maˬkuˆ 2:22 Σταυροειδείς Αναφορές

Yawˇbaˆ 32:19

Ngaˇ dawˬ maˬ ya ngehˬ te lehˇ ngeuˇ naˇ, aˬ gaꞈ dzaˇ uiˇ yaw shuiꞈ tiˬ byah dahˬ-eu shaˬ kʼoˆ pehˇ zeuˇ loꞈ-ehˇ tsawˬ paˆ-iˇ-eu keuˆ laˇ-euˬ nya.

Jaceuq 119:80

Nawˬ-euˬ zahˇ dawˬ kʼoꞈ dawˬ-ahˇ ngaˇ tiˬ byah tiˬ loꞈ naˇ haˬ geuꞈ-eu miˇ neh, daˬ maˬ ga ni bi dehꞈ laꞈ luꞈ-uˇ.

Jaceuq 119:83

Biˬ dzeh taˬ-euˬ shaˬ kʼoˆ iˇ puˬ tiˬ siˬ loꞈ-ehˇ, tiˬ jeˬ-iˬ gaˇ dahˇ maˬ paˇ tsoeˬ miˇ-a. Ehˇ kʼawꞈ, nawˬ-euˬ dawˬ ma saˇ jaˇ-ahˇ ngaˇ maˬ ngehˇ.

Maꞈtehˬ 9:17

Kʼoeˇ gaˇ duˇ ni, aˬ gaꞈ dzaˇ uiˇ shehˆ ahˇ-eu shaˬ kʼoˆ iˇ puˬ yaw oeˇ-ahˇ, aˬ gaꞈ dzaˇ uiˇ yaw shuiꞈ maˬ shehˆ ahˇ-aˇ. Kʼoeˇ loꞈ-ehˇ jahˇ naˇ, shaˬ kʼoˆ iˇ puˬ kʼoeˇ puˬ pehꞈ-iˇ-awˇ, aˬ gaꞈ dzaˇ uiˇ yoeˇ kʼaˇ-eu miˇ neh, shaˬ kʼoˆ iˇ puˬ kʼoeˇ cawˆ-iˇ jiˇ tehꞈ-a. Aˬ gaꞈ dzaˇ uiˇ yaw shuiꞈ-ahˇ shaˬ kʼoˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh. Kʼoeˇ loꞈ-ehˇ jahˇ naˇ, nyiˬ jeˬ luꞈ maˬ cawˆ-iˇ ni ya geuꞈ-eu meh.”

Maˬkuˆ 2:21

“Tsawˇ haˬ tiˬ gʼaˬ-iˬ mehˬ tsoeˬ yaw cehˇ-ahˇ saˬ paˇ yaw shuiꞈ neh pehˇ tsahˇ maˬ doꞈ-aˇ. Kʼoeˇ loꞈ-ehˇ doꞈ naˇ, pehˇ tsahˇ yaw shuiꞈ kʼoeˇ baˬ da neh mehˬ tsoeˬ yaw cehˇ kʼoeˇ kahˇ paˇ pyaˬ dzehˬ-iˇ-awˇ, yaw beh naˆ maˬ tseˇ maˇ kʼehˬ jeˇ dzehˬ laˇ tehꞈ-a.

Maˬkuˆ 2:23

Jawˇ nah ngeh nah Yeˬsuˇ cehˇ yaˇ-ahˇ iˇ paˆ gʼeh ngeh, aˬ yawꞈ-euˬ mehˬ nah caw teh luꞈ-eu zaˬ lahˇ deuˬ cehˇ nmˇ tseuˆ tseuˆ-ehˇ cah-eu meh.

Yawˇshuˆ 9:13

Shaˬ kʼoˆ pehˇ zeuˇ heu deuˬ kʼawꞈ, aˬ gaꞈ dzaˇ uiˇ dawˆ ahˇ ngeh shuiꞈ teˇ poˬ ni gʼeh-eu ma. Ehˇ kʼawꞈ, nymˬ-mˇ pyaˬ-iˇ jiˇ-euˬ meh. Gaˇ ma gʼawˬ myahˇ ni ya doˆ le-euˬ miˇ neh, nga maꞈ-euˬ mehˬ tsoeˬ hawˇ-eu sehˬ nawˆ kʼawꞈ pyaˬ-iˇ jiˇ-euˬ ma.”

Yawˇshuˆ 9:4

aˬ yawꞈ-ahˇ jaˬ myawꞈ myawꞈ ma lehˇ aˬ yawꞈ maꞈ noeˬ tsehˆ taˬ-euˬ meh. Aˬ yawꞈ maꞈ dzaˬ dzaˬ dawˇ dawˇ poˆ uiˬ-awˇ, pehˇ zeuˇ zeuˇ cehˇ deuˬ hawˇ-eu, pehˇ tsahˇ doꞈ taˬ-euˬ aˬ gaꞈ dzaˇ uiˇ dawˆ ahˇ-eu shaˬ kʼoˆ deuˬ-ahˇ shaˇ dawˆ-awˇ, mahˬ tahˬ laˆ kʼoeˇ taˆ kaꞈ daˆ-euˬ meh.