Luˇkaꞈ 9:52 - Akha

⁵² Aˬ yawꞈ-euˬ mehˬ hu tsawˇ haˬ tiˬ deuˬ-ahˇ aˬ yawꞈ kʼehˇ gʼeh-euˬ meh. Tsawˇ haˬ kʼoeˇ deuˬ aˬ yawꞈ-euˬ gʼaˇ duˬ yuꞈ zaˇ jawˇ zaˇ laˆ saˆ taˬ leˇ-eu lehˇ, Saˬmaˬliˆ tsawˇ haˬ-euˬ pu tiˬ pu-ahˇ uˇ leˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵² Khoermirnae, aqyawf-euq maeqhu ghaqzaq ghaqkhaer deuq-anr khaer-awr bile-euq mae. Aqyawfmaf, Yeqsur-euq gharduq lavsavtaq ler-eu laer Saqmaqliv tsawrhaq-euq pu tiq pu-anr le’ur-euq mae.

Luˇkaꞈ 9:52 Σταυροειδείς Αναφορές

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Maꞈtehˬ 10:5

Gʼaˬ kʼehˇ tseˇ nyiꞈ gʼaˬ-ahˇ Yeˬsuˇ heu loꞈ-ehˇ dawˬ biꞈ-awˇ kʼehˇ gʼeh-euˬ meh. “Yuˇdaˆ tsawˇ jeuˬ maˬ ngeuˇ-eu aˬ cawˬ tsawˇ jeuˬ deuˬ jawˇ gaˇ naw maꞈ taˬ iˇ. Saˬmaˬliˆ tsawˇ haˬ-euˬ meuˬ deuˬ-ahˇ kʼawꞈ taˬ iˇ.

Luˇkaꞈ 10:1

Kʼoeˇ naˇ, Sahˬpaˬ Yeˬsuˇ-aˬ, zaˬ lahˇ shiꞈ tseˇ nyiꞈ gʼaˬ paˇ tseˇ doˆ-awˇ, nyiˬ gʼaˬ-euˬ tiˬ muˇ bi muˇ-awˇ, aˬ yawꞈ kʼaˇ iˇ-eu lehˇ gʼeh-eu meuˬ deuˬ hawˇ-eu pu deuˬ doe ni, aˬ yawꞈ-euˬ mehˬ hu kʼehˇ gʼeh-euˬ meh.

Luˇkaꞈ 10:33

Ehˇ kʼawꞈ, Saˬmaˬliˆ tsawˇ haˬ tiˬ gʼaˬ gaˇ ma kʼoeˇ kahˇ oe-awˇ, kʼoeˇ tsahˇ-ahˇ oe keuˆ ngeh, tsawˇ haˬ kʼoeˇ gʼaˬ ga gaˇ ya mawˇ-awˇ, gʼawˬ shaˬ haw gaˬ-euˬ meh.

Luˇkaꞈ 17:11

Yeˬsuˇ Yeˬluˇsaˬlehˬ meuˬ-ahˇ le ngeh, Saˬmaˬliˆ miˇ kʼahˬ hawˇ-eu Gaˬliˬlehˇ miˇ kʼahˬ-euˬ miˇ kaˬ caw caw-ehˇ le-euˬ meh.

Luˇkaꞈ 17:16

Yeˬsuˇ-euˬ aˬ kuiˇ dawˬ peh miˇ tsa awˆ byaˆ-awˇ, Yeˬsuˇ-ahˇ guiˬ lahˬ huiˬ-eu dawˬ ngehˬ-euˬ meh. Aˬ yawꞈ-aˬ, Saˬmaˬliˆ tsawˇ haˬ meh.

Luˇkaꞈ 7:27

Aˬ jeˬ miˇ neh ehˇ naˇ, Yoˇhaˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ jaˆ-eu meh. ‘Ngaˬ-euˬ gʼaˇ duˬ ngehˬ dah-eu gʼaˬ, nawˬ-euˬ mehˬ hu ngaˇ pyehˬ gʼeh-awˇ, nawˬ-euˬ gaˇ ma bi shaˇ dahˇ ma.’

Yoˇhaˬ 4:4

Aˬ yawꞈ gʼoꞈ leˇ ngeh, Saˬmaˬliˆ miˇ kʼahˬ paw neh gʼoꞈ leˇ-euˬ meh.

Yoˇhaˬ 4:5

Saˬmaˬliˆ miˇ kʼahˬ laꞈ kʼoeˇ, Suˇkaˬ lehˇ kuˇ-eu meuˬ tiˬ meuˬ-ahˇ aˬ yawꞈ iˇ keuˆ-euˬ meh. Meuˬ kʼoeˇ meuˬ-aˬ, Yaˬkoˆ neh aˬ yawꞈ-euˬ aˬ li Yoˇsehˆ-ahˇ biꞈ tsehˆ nehˬ-euˬ deh yaˇ miˇ tsaˬ dawˬ peh jaˆ-eu meh.

Yoˇhaˬ 4:9

Zaˬ miˬ zaˬ kʼoeˇ gʼaˬ ehˇ-eu, “Nawˇ-aˬ, Yuˇdaˆ tsawˇ haˬ meh. Ngaˇ-aˬ, Saˬmaˬliˆ tsawˇ haˬ ma. Nawˇ ngaˬ-ahˇ aˬ joˆ-ehˇ iˇ cuꞈ shaˇ dawˇ kʼmˬ-eu nya.” (Yuˇdaˆ tsawˇ haˬ deuˬ-aˬ, Saˬmaˬliˆ tsawˇ haˬ deuˬ-ahˇ nui daˆ daˆ-awˇ, kʼmˬ maˬ hawˇ-eu ni tseuˆ tiˬ gaˇ maˬ taꞈ nahˇ-a.)

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”