Luˇkaꞈ 9:2 - Akha

² Kʼoeˇ naˇ, Miˬyehˇ Miˇkʼahˬ gaˇ kawˆ dawˬ mehˬ mehˬ-eu gʼaˇ duˬ hawˇ-eu, naˇ gawˇ laˆ saˆ-eu gʼaˇ duˬ, aˬ yawꞈ maꞈ-ahˇ kʼehˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Luˇkaꞈ 9:2 Σταυροειδείς Αναφορές

Maꞈtehˬ 10:5

Gʼaˬ kʼehˇ tseˇ nyiꞈ gʼaˬ-ahˇ Yeˬsuˇ heu loꞈ-ehˇ dawˬ biꞈ-awˇ kʼehˇ gʼeh-euˬ meh. “Yuˇdaˆ tsawˇ jeuˬ maˬ ngeuˇ-eu aˬ cawˬ tsawˇ jeuˬ deuˬ jawˇ gaˇ naw maꞈ taˬ iˇ. Saˬmaˬliˆ tsawˇ haˬ-euˬ meuˬ deuˬ-ahˇ kʼawꞈ taˬ iˇ.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Maꞈtehˬ 24:14

Kʼoeˇ naˇ, miˇ tsaˬ tahˬ kʼawˇ heu doe ni, Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ doe tehꞈ-a. Kʼoeˇ dzeuˇ ngeh, aˇ saˬ saˬ-eu aˇ yamˬ keuˆ le tehꞈ-a.

Maꞈtehˬ 3:2

“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.”

Maˬkuˆ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Miˇ tsaˬ tahˬ kʼawˇ heu doe ni iˇ-awˇ, tsawˇ jeuˬ dawˬ tawˆ luꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ-iˇ-awˬ.

Maˬkuˆ 6:12

Kʼoeˇnaˇ, tsawˇ haˬ zaˬ deuˬ iˬ baˇ bi noeˬ poˆ-eu gʼaˇ duˬ, aˬ yawꞈ maꞈ iˇ-awˇ dawˬ mehˬ mehˬ-iˇ-euˬ meh.

Luˇkaꞈ 10:1

Kʼoeˇ naˇ, Sahˬpaˬ Yeˬsuˇ-aˬ, zaˬ lahˇ shiꞈ tseˇ nyiꞈ gʼaˬ paˇ tseˇ doˆ-awˇ, nyiˬ gʼaˬ-euˬ tiˬ muˇ bi muˇ-awˇ, aˬ yawꞈ kʼaˇ iˇ-eu lehˇ gʼeh-eu meuˬ deuˬ hawˇ-eu pu deuˬ doe ni, aˬ yawꞈ-euˬ mehˬ hu kʼehˇ gʼeh-euˬ meh.

Luˇkaꞈ 10:11

‘Nga maꞈ heu gaˇ laˇ keuˆ yaꞈ-euˬ saˇ kiˇ pyeuꞈ ni, nga maꞈ-euˬ aˬ kuiˇ pehˬ zaˬ-ahˇ lehꞈ laˇ-euˬ naw maꞈ-euˬ meuˬ-ahˇ jaˆ-eu kʼaˬ lehˇ-ahˇ keuˆ ni, heu gaˇ sawˆ kʼaˇ nehˬ yaꞈ ma de. Ehˇ kʼawꞈ, Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh lehˇ siˬ nya-awˬ’ lehˇ ehˇ nehˬ-awˬ.

Luˇkaꞈ 10:9

Kʼoeˇ gaˇ jawˇ-eu naˇ-eu gawˇ-eu tsawˇ haˬ deuˬ-ahˇ laˆ taˬ nehˬ-awˇ, ‘Miˬyehˇ Miˇkʼahˬ naw maꞈ jawˇ gaˇ keuˆ le-eu dawˬ peh peh laˇ-euˬ meh’ lehˇ ehˇ nehˬ-awˬ.

Luˇkaꞈ 16:16

Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ boꞈ taˬ-euˬ deuˬ-aˬ, Iˇ cuꞈ shawˇ-eu Yoˇhaˬ maˬ doˆ le mi naˆ-ehˇ keuˆ ni-euˬ gʼaˇ duˬ meh. Yoˇhaˬ-euˬ ziˇ-ahˇ neh dahˬ beh-awˇ Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-awˇ, tsawˇ haˬ yawˬ gʼaˬ na luꞈ tahˬ ceh ceh-awˇ kʼoeˇ gaˇ uˇ leˇ-eu leh jeh luꞈ meh.

Luˇkaꞈ 9:11

Gaˇ kawˆ kʼoeˇ tsawˇ haˬ aˇ maꞈ maꞈ ma ya siˬ ngeh, aˬ yawꞈ-euˬ mehˬ nah caw teh gʼeh-euˬ meh. Tsawˇ haˬ aˇ maꞈ maꞈ ma-ahˇ aˬ yawꞈ ha geuꞈ-awˇ, Miˬyehˇ Miˇkʼahˬ gaˇ kawˆ ja mehˬ-awˇ, naˇ gawˇ laˆ taˬ nehˬ paˬ-ehˇ gʼeh-eu tsawˇ haˬ deuˬ-ahˇ laˆ taˬ nehˬ-euˬ meh.