Luˇkaꞈ 7:34 - Akha

³⁴ Tsawˇ haˬ-euˬ zaˬ maˇ oe ngeh jawˇ, dzaˬ-eu jeˬ dzaˬ-awˇ, aˬ gaꞈ dzaˇ uiˇ gʼeh dawˇ-eu miˇneh, naw maꞈ heu loꞈ-ehˇ ehˇ-eu meh. ‘Tsawˇ haˬ heu gʼaˬ-ahˇ haw sheˇ. Baw tsoꞈ loꞈ-ehˇ dzaˬ-awˇ dawˇ-awˇ, kawˬ taꞈ-eu tsawˇ haˬ deuˬ hawˇ-eu iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ taꞈ-eu nga.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Tsawrhaq-euq Zaqyo oe ngae, dzaq khawf dzaq, dawr khawf dawr-eu mirnae, ‘Tsawrhaq heughaq-aq, ardzaeq-aer dzaqdzeur dawrdzeur-eu tsawrhaq pyeuf-eu uqtaf, jeq taf-eu tsawrhaq hawr-eu iqbaxzaq-euq cawq nga’ laer nawmaf aer-eu mae.

Luˇkaꞈ 7:34 Σταυροειδείς Αναφορές

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Maꞈtehˬ 5:46

Naw maꞈ-ahˇ gaˬ-eu tsawˇ haˬ deuˬ-ahˇ tehꞈ-ehˇ naw maꞈ gaˬ naˇ, naw maꞈ aˬ jeˬ aˇ poeˬ paˇ baw ta. Kawˬ taꞈ-eu tsawˇ haˬ deuˬ kʼawꞈ kʼoeˇ loꞈ-ehˇ gaˬ-eu maˬ ngeuˇ-a loˇ.

Maꞈtehˬ 9:11

Paˬliˬsehˇ deuˬ kʼoeˇ gaˇ ya mawˇ ngeh Yeˬsuˇ-euˬ zaˬ lahˇ deuˬ-ahˇ ehˇ nehˬ-eu, “Naw maꞈ-euˬ saˬ laˬ aˬ jeˬ miˇ neh kʼoeˇ loꞈ-ehˇ gʼeh-eu tsawˇ haˬ deuˬ nehˬ-ehˇ dzaˬ taꞈ dawˇ taꞈ ta.”

Luˇkaꞈ 11:37

Yeˬsuˇ dawˬ ngehˬ ngehˬ gʼaˬ ngeh, Paˬliˬsehˇ tiˬ gʼaˬ Yeˬsuˇ-ahˇ aˬ yawꞈ nehˬ-ehˇ hawˬ bi dzaˬ-eu lehˇ kuˇ-eu miˇ neh, Yeˬsuˇ uˇ leˇ-awˇ hawˬ jawˬ jawˬ-euˬ meh.

Luˇkaꞈ 14:1

Jawˇ nah ngeh nah, Paˬliˬsehˇ deuˬ kʼoeˇ taˆ aˬ yuiꞈ aˬ tsu geuꞈ luꞈ-eu tiˬ gʼaˬ-euˬ nymˇ-ahˇ Yeˬsuˇ hawˬ dzaˬ leˇ-euˬ meh. Kʼoeˇ ngeh, aˬ cawˬ aˬ yawꞈ-ahˇ kʼoeˬ sho haw luꞈ-eu meh.

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

Luˇkaꞈ 19:7

Kʼoeˇ gaˇ kʼaˇ mawˇ-euˬ tsawˇ haˬ dawˬ tawˆ luꞈ Yeˬsuˇ-ahˇ mahˇ mahˇ-ehˇ ehˇ-eu, “Tsawˇ haˬ teu gʼaˬ aˬ joˆ-ehˇ iˬ baˇ zaˬ-euˬ nymˇ-ahˇ daˬ yah geuꞈ-iˇ-eu nga.”

Luˇkaꞈ 5:29

Kʼoeˇ naˇ, Leˬbiˇ-aˬ, aˬ yawꞈ-euˬ nymˇ laꞈ kʼoeˇ Yeˬsuˇ-ahˇ huiˬ-eu hawˬ byawˇ tiˬ byawˇ lawˇ-euˬ meh. Kawˬ taꞈ-eu tsawˇ haˬ gʼawˬ mya ni hawˇ-eu tsawˇ haˬ nui deuˬ kʼawꞈ, aˬ yawꞈ maꞈ nehˬ-ehˇ hawˬ jeh-ahˇ hawˬ jawˬ jawˬ luꞈ-eu meh.

Luˇkaꞈ 7:33

Iˇ cuꞈ shawˇ-eu Yoˇhaˬ oe ngeh, hawˬ maˬ dzaˬ ni dzahˬ-awˇ, aˬ gaꞈ dzaˇ uiˇ maˬ dawˇ-eu miˇneh, ‘Tsawˇ haˬ heu gʼaˬ nehꞈ uˇ-eu tsawˇ ngaˬ nga’ lehˇ naw maꞈ aˬ yawꞈ-ahˇ ehˇ-eu meh.

Luˇkaꞈ 7:35

Ehˇ kʼawꞈ, Miˬyehˇ-euˬ zaˬ siˬ tsawˇ gahˇ-ahˇ kʼaˇ ha geuꞈ-eu tsawˇ haˬ deuˬ baˬ da neh, zaˬ siˬ tsawˇ gahˇ kʼoeˇ tsaˬ-eu gaˇ kawˆ bya cehˆ ni doˆ laˇ tehꞈ-a.

Luˇkaꞈ 7:36

Paˬliˬsehˇ tiˬ gʼaˬ Yeˬsu-ahˇ hawˬ bi dzaˬ-eu gʼaˇ duˬ kuˇ-eu miˇ neh, Paˬliˬsehˇ kʼoeˇ gʼaˬ-euˬ nymˇ-ahˇ Yeˬsuˇ iˇ-awˇ hawˬ jawˬ jawˬ-euˬ meh.

Yoˇhaˬ 12:2

Kʼoeˇ gaˇ, aˬ yawꞈ-ahˇ hawˬ byawˇ lawˇ nehˬ-euˬ meh. Maˬta gʼaˬ hawˬ lahˬ dzaˇ lahˬ lahˬ-eu gʼaˬ geuꞈ-awˇ, Laˬzaˬluˇ gʼaˬ Yeˬsuˇ nehˬ-ehˇ hawˬ jawˬ jawˬ-euˬ meh.

Yoˇhaˬ 2:2

Yeˬsuˇ hawˇ-eu aˬ yawꞈ-euˬ zaˬ lahˇ deuˬ-ahˇ kʼawꞈ, oeˇ mˇ baˇ gaˇ kuˇ taˬ-euˬ meh.