Luˇkaꞈ 7:30 - Akha

³⁰ Ehˇ kʼawꞈ, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-aˬ, Miˬyehˇ neh aˬ yawꞈ maꞈ gʼaˇ duˬ lehˬ hmˬ taˬ-euˬ jeˬ-ahˇ maˬ ha geuꞈ-ehˇ, Yoˇhaˬ neh iˇ cuꞈ maˬ bi shawˇ ni jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Aerkhawf, Paqliqsaer deuq hawr-eu zanrdawq siqzaq deuq-aq, Yorhaq nae bartirsaq maqbi mrnaeq-aer, Miqyaer nae aqyawf maf-euq gharduq lavsav taq-euq gar maq hageuf-aq.

Luˇkaꞈ 7:30 Σταυροειδείς Αναφορές

Dawqdaq 1:25

ngaˬ neh ja sawˇ nehˬ-euˬ dawˬ-ahˇ maˬ geuꞈ-ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ naˇ haˬ geuꞈ-eu miˇ neh,

Yeˬlaˬmiˇ 8:8

Naw maꞈ tsawˇ gahˇ ahˇ-eu miˇ neh, ngaˬ-euˬ zahˇ dawˬ kʼoꞈ dawˬ siˬ nya ma lehˇ, aˬ joˆ-ehˇ ehˇ nya te. Haw yawˬ. Ngaˬ-euˬ zahˇ dawˬ kʼoꞈ dawˬ deuˬ-ahˇ, maˬ sui maˬ dawˇ-eu zahˇ dzoeˬ miˬ ma deuˬ, boꞈ poˆ boꞈ paˇ jiˇ taˬ-euˬ meh.

Maꞈtehˬ 22:35

Aˬ yawꞈ maꞈ-euˬ aˇ muˇ laꞈ kʼoeˇ ahˇ-eu Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu lehˇ leh jeh-eu meh.

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Luˇkaꞈ 20:6

‘Tsawˇ haˬ zaˬ neh bi mˇ-euˬ meh’ lehˇ paˇ ehˇ naˇ kʼawꞈ, tsawˇ haˬ dawˬ tawˆ luꞈ aˬ dui maꞈ-ahˇ kʼaˬ lo biˬ laˇ tehꞈ-a. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ beu tawˇ.”

Luˇkaꞈ 7:31

Yeˬsuˇ paˇ ehˇ-eu,“Heu ziˇ-euˬ tsawˇ haˬ deuˬ aˬ jeˬ-ahˇ shaˇ cehˆ haw paˬ nga. Aˬ yawꞈ maꞈ aˬ jeˬ-ahˇ duˇ-eu nga.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Lormav 10:21

Ehˇ kʼawꞈ, Iˇsaˬleˬlaˆ tawˇ jeuˬ gaˇ kawˆ aˬ yawꞈ heu loꞈ-ehˇ ehˇ taˬ-euˬ meh. “Ngaˬ-euˬ ehˇ dawˬ maˬ naˇ haˬ-ehˇ ngaˬ-ahˇ puiˬ luꞈ-eu tsawˇ jeuˬ-ahˇ ha geuꞈ-eu gʼaˇ duˬ, ngaˬ-euˬ aˬ laꞈ nah ga-ehˇ cawˬ ja taˬ-euˬ ma.”

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Gaˬlaˬtiˆ 2:21

Miˬyehˇ gʼawˬ shaˬ gaˬ-eu guiˬ lahˬ-ahˇ ngaˇ maˬ byehˇ dzeh. Ehˇ kʼawꞈ, Zahˇ dawˬ kʼoꞈ dawˬ baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya meh lehˇ ngeuˇ naˇ, Ka li shiˇ-euˬ-aˬ, tiˬ jeˬ-iˬ gaˇ dahˇ maˬ tsoeˬ gaˇ duˇ meh.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.