Luˇkaꞈ 7:22 - Akha

²² Yoˇhaˬ-euˬ gʼaˬ kʼehˇ kʼoeˇ nyiˬ gʼaˬ-ahˇ aˬ yawꞈ ehˇ nehˬ-eu,“Naw nyaꞈ gʼoꞈ-iˇ-awˇ, naw nyaꞈ neh kʼaˇ ya gaˬ kʼaˇ ya mawˇ-euˬ jeˬ, Yoˇhaˬ-ahˇ dzawˇ nehˬ-iˇ-awˬ. Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coi doi shawˇ laˇ-euˬ , tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Yeqsur, aqyawf nyaf-anr heulof-aer aerkhof naeq-euq mae, “Nawnyaf ghofler-awr, yagaq-awr ya’mawr-euq deuq, Yorhaq-anr dzawrnaeq ler-awq. Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Luˇkaꞈ 7:22 Σταυροειδείς Αναφορές

Yawˇbaˆ 29:15

myaˆ behꞈ deuˬ gʼaˇ duˬ myaˆ nuiˆ geuꞈ-awˇ, kuiˇ kuˆ deuˬ gʼaˇ duˬ aˬ kuiˇ geuꞈ-euˬ ma.

Jaceuq 146:8

myaˆ behꞈ-ahˇ bi dahˇ laˇ-eu meh. Coˬ-iˇ-euˬ tsawˇ haˬ deuˬ-ahˇ aˬ yawꞈ ciˬ tuˇ nehˬ-awˇ, tsaˬ-eu dawˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 43:8

Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ yaˇ kʼaˬ daˇ gaˇ kuˇ daˆ-awˬ. Aˬ yawꞈ maꞈ myaˆ nuiˆ tsoꞈ luꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a.

Yeˬlaˬmiˇ 31:8

Laꞈ taˆ paw kʼahˬ-ahˇ neh aˬ yawꞈ maꞈ-ahˇ ngaˇ sheuˬ kʼoꞈ ka leꞈ-awˇ, mˬ dzeˇ miˇ dzeˇ-ahˇ neh poˆ kʼoꞈ uiˬ ma. Myaˆ behꞈ kuiˇ kuˆ hawˇ-eu gʼawˇ mawˇ maˬ ngehꞈ-eu deuˬ, aˬ nyiˇ ciˬ deˇ le-euˬ aˬ ma deuˬ ahˇ leˇ-ehˇ, teu myaˆ heu myaˆ maˬ siˬ ni gʼoꞈ uiˬ laˇ tehꞈ-a.

Zeˬpaˬniˇ 3:12

Nui nahˬ nui yu ahˇ-eu laꞈ kʼoeˇ, ngaˬ-ahˇ gʼoe-eu tsawˇ haˬ tiˬ deuˬ, naw maꞈ nehˬ-ehˇ ngaˇ bi jawˇ ma.

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 21:14

Myaˆ behꞈ hawˇ-eu kuiˇ shiˇ laꞈ shiˇ deuˬ Uˬ duˬ tahˬ nymˇ nymˇ ma-ahˇ Yeˬsuˇ jawˇ gaˇ laˇ-awˇ bi laˆ taˬ-euˬ meh.

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Luˇkaꞈ 7:21

Kʼoeˇ ngeh kʼeh tseuˆ ni, naˇ-eu gawˇ-eu tsawˇ haˬ deuˬ, yaw jaw pyaˬ-eu tsawˇ haˬ deuˬ hawˇ-eu, nehꞈ yaw jawꞈ uˇ-eu tsawˇ haˬ gʼawˬ mya ni-ahˇ Yeˬsuˇ laˆ taˬ nehˬ-awˇ, myaˆ behꞈ gʼawˬ mya gʼaˬ-ahˇ myaˆ nuiˆ bi mawˇ laˇ-euˬ tiˬ dehˬ pyeuꞈ-eu meh.

Luˇkaꞈ 7:23

Ngaˬ-ahˇ jah-eu nui ma poˆ poˆ laˆ laˆ-ehˇ maˬ gʼeh-eu tsawˇ haˬ deuˬ guiˬ lahˬ huiˬ tehꞈ-a.”

Yoˇhaˬ 1:46

Naˬdaˬneˬlaˇ ehˇ-eu, “Naˬzaˬlehˇ meuˬ-ahˇ gaˇ dahˇ tsoeˬ-eu jeˬ mˇ doˆ laꞈ nya-eu tsawˇ haˬ jawˇ tehꞈ-a loˇ.” Piˇliˇpuˆ ehˇ-eu, “Haw laˇ-awˬ tawˇ.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Gʼaˬkʼehˇ 8:7

Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ yaw jawꞈ deuˬ guˇ guˇ-ehˇ doˆ-iˇ-awˇ, kuiˇ shiˇ laꞈ shiˇ shiˇ-eu tsawˇ haˬ gʼawˬ mya ni taˬ leˇ-euˬ meh.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.