Luˇkaꞈ 6:2 - Akha

² Paˬliˬsehˇ tiˬ paˆ na deuˬ ehˇ-eu, “Aˬ jeˬ miˇ neh Jawˇ nah-ahˇ maˬ mˇ kʼmˬ-eu jeˬ naw maꞈ mˇ te.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, Paqliqsaer tiqpavnav deuq, aqyawf maf-anr aernaeq-eu, “Aqjeq mirnae nawmaf landaw jawrnan ngae nan-anr maq janrkhmq-eu jeq janr-eu le?”

Luˇkaꞈ 6:2 Σταυροειδείς Αναφορές

Doˆ-iˇ 22:10

“Tsawˇ haˬ tiˬ gʼaˬ na, yawˬ gʼaˬ yawˬ-euˬ mahˬ tahˬ laˆ maˬ ehˇ, mawˇ neˇ maˬ ehˇ, yawˇ maˬ ehˇ, jeˬ zaˬ nui jeˬ maˬ ehˇ, cu paˆ paˆ ngeh, jeˬ zaˬ kʼoeˇ mawˇ shiˇ-euˬ maˬ ehˇ, byoˆ-euˬ maˬ ehˇ, mawˇ-euˬ tsawˇ kaˬ maˬ jawˇ naˇ,

Doˆ-iˇ 31:15

Naw maꞈ yawˬ ha-euˬ gaˇ mˇ-eu gʼaˇ duˬ, aˇ nah koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, ngaˬ-ahˇ a nehˬ taˬ-euˬ muiˬ-eu jaˬ-eu aˇ nah meh. Aˇ nah kʼoeˇ nah laꞈ kʼoeˇ gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Doˆ-iˇ 35:2

Naw maꞈ yawˬ ha-euˬ gaˇ mˇ-eu gʼaˇ duˬ, aˇ yamˬ koꞈ nah jaˆ-eu meh. Ehˇ kʼawꞈ, shiꞈ nah tiˬ nah-aˬ, Sahˬpaˬ Miˬyehˇ pyeuꞈ-eu ngaˬ-ahˇ a nehˬ taˬ-euˬ muiˬ-eu shawˇ-eu gʼaˬ naˬ-naˬ-eu aˇ nah pyeuꞈ-eu meh. Aˇ nah kʼoeˇ nah laꞈ kʼoeˇ, gaˇ mˇ-eu tsawˇ haˬ aˬ geu gʼaˬ maˬ kaˬ, sehꞈ nehˬ gaˇ ya daˬ tehꞈ-a.

Iˇsaˬyaˇ 58:13

Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ nah muiˬ-eu shawˇ-eu meh lehˇ siˬ-awˇ, yawˬ ha-euˬ nui kʼahˇ maˬ poˆ ni jawˇ-eu uˬ taꞈ, ngaˬ-euˬ nah muiˬ nah shawˇ-ahˇ taˬ huiˬ-eu laꞈ kʼoeˇ, maˬ mˇ maˬ shaˇ maˬ iˇ maˬ laˇ tsehˆ ni jawˇ-awˇ, maˬ muiˬ dawˬ doeˇ maˬ ngehˬ maˬ tmˇ doˆ ni jawˇ naˇ,

Maꞈtehˬ 12:2

Paˬliˬsehˇ deuˬ kʼoeˇ gaˇ mawˇ ngeh, Yeˬsuˇ-ahˇ heu loꞈ-ehˇ ehˇ nehˬ-euˬ meh. “Haw sheˇ. Nawˬ-euˬ zaˬ lahˇ deuˬ Jawˇ nah-ahˇ maˬ mˇ kʼmˬ-eu jeˬ mˇ luꞈ ngaˇ.”

Maꞈtehˬ 15:2

“Aˬ poeˬ aˬ piˬ deuˬ neh mehˬ ka leꞈ-euˬ jeˬ-ahˇ, nawˬ-euˬ zaˬ lahˇ deuˬ aˬ jeˬ miˇ neh maˬ naˇ haˬ geuꞈ ta. Aˬ yawꞈ maꞈ hawˬ dzaˬ ngeh, zahˇ sahˇ kʼoꞈ jaˆ-eu loꞈ-ehˇ aˬ laꞈ maˬ dzuiꞈ nga.”

Maˬkuˆ 2:24

Paˬliˬsehˇ deuˬ Yeˬsuˇ-ahˇ ehˇ-eu, “Haw sheˇ. Aˬ jeˬ miˇ neh Jawˇ nah ngeh nah maˬ mˇ kʼmˬ-eu jeˬ aˬ yawꞈ maꞈ mˇ ta.”

Luˇkaꞈ 5:33

Tsawˇ haˬ tiˬ paˆ na deuˬ Yeˬsuˇ-ahˇ heu loꞈ-ehˇ ehˇ-eu meh. “Yoˇhaˬ-euˬ zaˬ lahˇ deuˬ tiˬ kʼehˬ maˬ taˬ ni maˬ dzaˬ-eu zahˇ jahˇ jahˇ-ehˇ guiˬ lahˬ shaˇ-eu meh. Paˬliˬsehˇ deuˬ-euˬ zaˬ lahˇ deuˬ kʼawꞈ, kʼoeˇ loꞈ-ehˇ jahˇ-eu meh. Ehˇ kʼawꞈ, nawˬ-euˬ zaˬ lahˇ deuˬ-aˬ, kʼoeˇ loꞈ-ehˇ maˬ jahˇ ni dzaˬ luꞈ dawˇ luꞈ-eu ngaˬ tawˇ.”

Yoˇhaˬ 5:16

Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.