Luˇkaꞈ 5:8 - Akha

⁸ Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Sirmoq Beqtuvluv khoer-anr ya’mawr ngae, Yeqsur-euq aqkuir pawqtsuif-euq dawqpae awbyav ghae-awr aer-eu, “Sanqpaq-or! Ngar jawr-eu gar nae dov-ir-awq. Aqjeq mirnae aernar-aq, ngar-aq, iqbaxzaq tiq ghaq ma.”

Luˇkaꞈ 5:8 Σταυροειδείς Αναφορές

2 Saˬmeuˬlaˆ 6:9

Kʼoeˇ naˇ, Sahˬpaˬ Miˬyehˇ-ahˇ Daˬbiˇ guˆ-awˇ, “Nymˬ-mˇ poˆ jawˇ-aˬ, aˬ joˆ-ehˇ jahˇ-awˇ Dawˬ ma saˇ jaˇ Bahˬ keuˆ heu hmˬ ngaˇ baꞈ gʼeh paˬ nga” lehˇ ehˇ-eu meh.

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

Yawˇbaˆ 40:4

“Sahˬpaˬ Miˬyehˇ-oˇ, ngaˇ siˬ-eu nya-eu tsawˇ haˬ maˬ ngeuˇ. Ngaˇ nawˬ-ahˇ aˬ jeˬ paˇ ehˇ kʼoꞈ nya nmˇ. Ngaˇ tiˬ jeˬ-iˬ leh jeh-awˇ maˬ paˇ ehˇ ma.

Doˆ-iˇ 20:19

Kʼoeˇ ngeh, Moˇseˬ-ahˇ aˬ yawꞈ maꞈ ehˇ nehˬ-eu, “Nawˬ-euˬ gʼawˇ mawˇ nga maꞈ-ahˇ dawˬ ngehˬ cawˬ naˇ, nga maꞈ naˇ haˬ ma. Ehˇ kʼawꞈ, Miˬyehˇ nga maꞈ-ahˇ dawˬ ngehˬ cawˬ laˇ naˇ, nga maꞈ shiˇ laˇ gaˇ guˆ-eu miˇ neh, maˬ naˇ haˬ peuˬ nya.”

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Maꞈtehˬ 17:6

Teˇ saˇ kʼoeˇ-ahˇ zaˬ lahˇ deuˬ ya gaˬ ngeh, guˆ dui dui-iˇ-awˇ, miˇ tsa awˆ byaˆ-euˬ meh.

Maꞈtehˬ 2:11

Aˬ yawꞈ maꞈ nymˇ laꞈ kʼoeˇ uˇ leˇ ngeh, zaˬ nahˬ hawˇ-eu aˬ ma Maˬliˇ-ahˇ ya mawˇ-awˇ, pawˬ tsuiꞈ pawˬ dmˬ dmˬ-awˇ uˬ duˬ tahˬ-euˬ meh. Aˬ yawꞈ maꞈ neh yuˇ laꞈ-euˬ laꞈ sawˬ deuˬ pyeuꞈ-eu shuiˇ, lawˇ baoˬ, muˇ laˬ, heu deuˬ yuˇ doˆ-awˇ, aˬ yawꞈ-ahˇ damˬ nehˬ-euˬ meh.

Maꞈtehˬ 8:8

Ehˇ kʼawꞈ, yehˇ tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ ehˇ-eu, “Sahˬ paˬ-oˇ, nawˇ-aˬ, huiˬ dui mahˇ dui dui-eu miˇ neh, ngaˬ-euˬ nymˇ-ahˇ bi uˇ laˇ-eu maˬ geuˇ nya. Nawˬ neh dawˬ tiˬ dawˬ tehꞈ-ehˇ ngehˬ ahˇ leꞈ-euˬ kʼawꞈ, ngaˬ-euˬ zaˬ kʼaˆ taˬ leˇ tehꞈ-a.

Luˇkaꞈ 5:7

Kʼoeˇ miˇ neh, aˬ yawꞈ maꞈ-ahˇ bi caw ba le-eu gʼaˇ duˬ, lawˬ yawˬ laˇ yawˬ-ahˇ laꞈ dzawˇ dzawˇ-awˇ kuˇ-euˬ meh. Lawˬ kʼoeˇ laˇ oe keuˆ-awˇ, nyiˬ laˇ luꞈ ngaˬ shaˬ nyehꞈ byah-euˬ miˇ neh, ga nuiꞈ-iˇ paˬ-ehˇ pyeuꞈ laˇ-euˬ meh.

Luˇkaꞈ 5:9

Ngaˬ shaˬ kʼoeˇ myaˆ myaˆ-ehˇ mi-euˬ miˇ neh, Siˇmoˬ hawˇ-eu aˬ yawꞈ-euˬ tsawˇ haˬ deuˬ zahˬ dui dui leˇ-euˬ meh.

Yoˇhaˬ 11:32

Maˬliˇ Yeˬsuˇ jawˇ gaˇ iˇ keuˆ-awˇ, aˬ yawꞈ-ahˇ ya tahˬ puˬ-euˬ nehˬ- ehˇ tiˬ poˆ tehꞈ-ehˇ, “Sahˬpaˬ-oˇ, nawˇ heu gaˇ jawˇ-euˬ law nmˇ-aˬ, ngaˬ-euˬ aˬ mahˇ aˬ da maˬ shiˇ-aˇ” lehˇ ehˇ nehˬ-euˬ meh.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.

Yaˇ kʼaˬ daˇ 13:22

Maˬnoˇaˬ aˬ yawꞈ-euˬ miˬ zaˬ-ahˇ ehˇ nehˬ-eu, “Aˇ nyaꞈ ya shiˇ-eu yaw duˬ baw-eu nga. Aˬ jeˬ miˇ neh ehˇ naˇ, Miˬyehˇ-ahˇ aˇ nyaꞈ ya mawˇ gʼaˬ-euˬ ma.”

1 Saˬmeuˬlaˆ 6:20

Kʼoeˇ naˇ, Behˬsheˬmehˇ meuˬ-ahˇ jawˇ-eu tsawˇ haˬ deuˬ ehˇ-eu, “Muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi aˬ suˇ gʼaˬ jawˇ tehˬ peuˬ nmˇ. Aˬ yawꞈ-ahˇ aˬ dui-euˬ dawˬ peh maˬ bi jawˇ ni aˬ geu paw bi iˇ nmˇ.”