Luˇkaꞈ 4:10 - Akha

¹⁰ Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. ‘Nawˬ-ahˇ bi bo saˆ-eu gʼaˇ duˬ, Miˬyehˇ aˬ yawꞈ-euˬ mˬ taˆ gʼaˬ kʼehˇ deuˬ-ahˇ kʼehˇ leꞈ tehꞈ-a.’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aqjeq mirnae aernar-aq, Yaerbof-euq lafkhoer heulof-aer boftaq-euq mae, ‘Sanqpaq Miqyaer, aqyawf-euq mqtav ghaqkhaer deuq-anr khaer-awr nawq-anr bi hawpir taef-a.

Luˇkaꞈ 4:10 Σταυροειδείς Αναφορές

Luˇkaꞈ 4:11

‘Nawˬ-euˬ aˬ kuiˇ kʼaˬ lo-ahˇ maˬ bi ga zaw ni, aˬ yawꞈ maꞈ nawˬ-ahˇ ciˬ tehꞈ-a’ lehˇ kʼawꞈ ehˇ taˬ-euˬ meh.”

Luˇkaꞈ 4:3

Kʼoeˇ ngeh, Nehꞈsahˬpaˬ aˬ yawꞈ-ahˇ ehˇ nehˬ-eu, “Nawˇ Miˬyehˇ-euˬ Zaˬmaˇ pyeuꞈ-eu ngeuˇ naˇ, Kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

Luˇkaꞈ 4:8

Yeˬsuˇ aˬ yawꞈ-ahˇ ehˇ kʼoꞈ nehˬ-eu, “‘Nawˬ-euˬ Miˬyehˇ pyeuꞈ-eu SahˬpaˬMiˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇliꞈ laꞈ kʼoeˇ ehˇ taˬ-euˬ meh.”

2 Gawˇliˬtu 11:14

Aˬ yawꞈ maꞈ kʼoeˇ loꞈ-ehˇ gʼeh gaˇ zahˬ leˇ duˬ maˬ jaˆ-a. Nehꞈ Saˬdaˬ kʼawꞈ yaw shehꞈ bya-eu mˬ taˆ gʼaˬ kʼehˇ jahˇ geuꞈ nya-eu meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.