Luˇkaꞈ 19:4 - Akha

⁴ Yeˬsuˇ-ahˇ aˬ yawꞈ haw mawˇ nya ni, Yeˬsuˇ iˇ-eu gaˇ ma kʼoeˇ kahˇ caw caw-ehˇ, mehˬ hu paw aˬ yawꞈ cehˆ kʼmˬ-iˇ-awˇ, siˬ guˬ maˇ sheuˇ aˇ bawˇ-ahˇ daˆ leˇ-awˇ loꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoermirnae, Yeqsur-anr ya’mawrni maeqhu paw caevghae-awr, siqpuv arbawr-anr davler-euq mae. Aqjeq mirnae aernar-aq, Yeqsur khoergar nae ya cantsaev-eu mae.

Luˇkaꞈ 19:4 Σταυροειδείς Αναφορές

1 Sahˬpaˬ 10:27

Aˬ yawꞈ uˆ lahˇ-eu aˇ nah aˇ yamˬ laꞈ kʼoeˇ, pyuˇ kʼaˬ lo loꞈ-ehˇ byehˬ-awˇ, aˇ poeˬ kʼaˆ-eu shuˬ liˇ daˇ kawˬ kʼawꞈ, siˬ guˬ daˇ kawˬ loꞈ-ehˇ jaˆ myaˬ dui dui-euˬ meh.

1 Laˬsaˬbaˬ 27:28

Geˬdaˬ meuˬ-ahˇ jawˇ-eu Baˬlaˇhaˬnaˬ-aˬ, nahˇ ma ga kʼehˬ paw gawˬ jawˬ dawˬ dahˬ-ahˇ dehꞈ-eu saˬ loˬ yaˇ kmˇ hawˇ-eu siˬ guˬ yaˇ kmˇ deuˬ-ahˇ haw-eu pyaˆ-eu gʼaˬ geuꞈ-euˬ meh. Yawˇshaˆ-aˬ, saˬ loˬ tsiˇ jeˬ hmˬ-eu paw haw-eu pyaˆ-eu gʼaˬ geuꞈ-euˬ meh.

2 Laˬsaˬbaˬ 1:15

Aˬ yawꞈ uˆ lahˇ-eu aˇ nah aˇ yamˬ-ahˇ Yeˬluˇsaˬlehˬ meuˬ laꞈ kʼoeˇ pyuˇ hawˇ-eu shuiˇ kʼaˬ lo loꞈ-ehˇ byehˬ-awˇ, aˬ cawˬ miˇ kʼahˬ-ahˇ neh tawˬ ahˇ laꞈ-euˬ aˇ poeˬ kʼaˆ-eu shuˬ liˇ daˇ kawˬ deuˬ kʼawꞈ, Yuˇdaˆ miˇ kʼahˬ gawˬ jawˬ dawˬ dahˬ doe ni jaˆ-eu siˬ guˬ daˇ kawˬ loꞈ-ehˇ jaˆ myaˬ dui dui-eu meh.

2 Laˬsaˬbaˬ 9:27

Aˬ yawꞈ uˆ lahˇ luꞈ-eu aˇ nah aˇ yamˬ-ahˇ, Yeˬluˇsaˬlehˬ meuˬ laꞈ kʼoeˇ pyuˇ kʼaˬ lo loꞈ-ehˇ byehˬ-awˇ, shuˬ liˇ daˇ kawˬ kʼawꞈ, siˬ guˬ daˇ kawˬ loꞈ-ehˇ jaˆ myaˬ dui dui-eu meh.

Jaceuq 78:47

Aˬ yawꞈ maꞈ-euˬ aˬ gaꞈ baw duˆ-ahˇ uˬ yehˇ aˇ siˬ neh bi deh sehꞈ jiˇ-awˇ, siˬ guˬ aˇ bawˇ-ahˇ ngehˇ bi ga sehꞈ-euˬ meh.

Iˇsaˬyaˇ 9:10

“Tsaˬ byaˆ gawˬ-awˇ tsoˆ taˬ-euˬ nymˇ byaˆ le naˇ, kʼaˬ lo gawˬ-awˇ tsoˆ paˇ tehꞈ-a. Siˬ guˬ pyaꞈ dmˬ kʼehꞈ le naˇ, shuˬ liˇ pyaꞈ dmˬ dawˆ paˇ tehꞈ-a.”

Aˬmoˆ 7:14

Aˬmoˆ ehˇ-eu, “Ngaˇ-aˬ, aˇ poeˬ ya dzaˬ gaˇ haw-awˇ Miˬyehˇ gʼaˇ duˬ ngehˬ dah luꞈ-eu tsawˇ haˬ maˬ ngeuˇ. Jeˬ zaˬ cu-awˇ siˬ guˬ yaˇ kmˇ mˇ dzaˬ-eu tsawˇ haˬ ma.

Luˇkaꞈ 17:6

Sahˬpaˬ Yeˬsuˇ ehˇ-eu, “Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, boeˬ dzaˇ aˇ bawˇ heu bawˇ-ahˇ, ‘Nawˬ-euˬ duˬ ciˇ dawˬ tawˆ luꞈ gʼawˇ doˆ gʼeh-awˇ, iˬ ma laˆ shaˆ-ahˇ dehꞈ-iˇ-awˬ’ lehˇ ehˇ nehˬ ngeh, boeˬ dzaˇ heu bawˇ naw maꞈ-euˬ dawˬ naˇ haˬ tehꞈ-a.

Luˇkaꞈ 19:3

Aˬ yawꞈ Yeˬsuˇ-ahˇ mawˇ haw mawꞈ-eu meh. Ehˇ kʼawꞈ, tsawˇ haˬ myaˬ dui dui-eu uˬ taꞈ, aˬ yawꞈ-euˬ gʼawˇ mawˇ yaw awˆ miˇ neh, maˬ haw mawˇ nya-a.

Luˇkaꞈ 19:5

Yeˬsuˇ kʼoeˇ gaˇ iˇ keuˆ ngeh, aˬ yawꞈ-ahˇ gʼawˇ leuˇ haw-awˇ, “Saˬgehˇ-oˇ, yaw kawˇ-ehˇ zaꞈ ka le-awˬ. Iˬ nah nawˬ-euˬ nymˇ-ahˇ ngaˇ ya naˬ laˇ nga” lehˇ ehˇ nehˬ-euˬ mah.

Luˇkaꞈ 5:19

Ehˇ kʼawꞈ, tsawˇ haˬ tiˬ teuˇ jawˇ luꞈ-eu miˇ neh, nymˇ laꞈ kʼoeˇ maˬ baꞈ ahˇ gʼeh nya-ehˇ, nymˇ mˬ kʼoeˇ taˆ baꞈ daˆ gʼeh-awˇ, nymˇ mˬ laˆ pehꞈ-awˇ, tsawˇ haˬ kʼoeˇ gʼaˬ-ahˇ yuꞈ zaˇ kʼoeˇ taˆ bi yuꞈ-awˇ, tsawˇ haˬ aˇ maꞈ-euˬ gʼahˇ ceh Yeˬsuˇ-euˬ mehˬ shi aˬ za za-ehˇ pyehˬ ka nehˬ-euˬ meh.