Luˇkaꞈ 14:28 - Akha

²⁸ “Naw maꞈ laꞈ kʼoeˇ, huiˬ-eu nymˇ nymˇ goˇ tiˬ nymˇ tsoˆ-eu lehˇ gʼeh ngeh, pyuˇ aˇ myaˆ ni jiˇ leˇ-eu hawˇ-eu, tsoˆ gʼaˬ nya ni pyuˇ loꞈ leˇ maˬ loꞈ leˇ-eu gaˇ kawˆ, jeˬ huˬ nuiˇ-awˇ maˬ sawˇ duˬ ni tsoˆ-eu tsawˇ haˬ aˬ suˇ gʼaˬ jawˇ ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Nawmaf-euq lafkhoer tiqghaqnav, lofpir-eu nymrgor tiq nymr tsov-eu laer ghae ngae, nymr khoernymr tsovghaq nya’ni, pyur armyavni jirler-eu nga laer nuir-awr jeqhu maqsawx haw-eu tsawrhaq jawr mae laq?

Luˇkaꞈ 14:28 Σταυροειδείς Αναφορές

Dawqdaq 24:27

Deh ma baw laˇ-awˇ, dzaˬ duˬ dawˇ duˬ maˬ dah laˇ kʼoeˇ keuˆ ni, nymˇ tsoˆ-awˇ nymˇ dahˬ taˬ dahˬ dzaˬ.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 8:20

Tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-eu, “Byaˬ hiˇ-aˬ bahˬ baw meh. Aˇ jiˇ kʼawꞈ bahˬ baw meh. Ehˇ kʼawꞈ, Tsawˇ haˬ-euˬ Zaˬmaˇ -aˬ, uˬ duˬ baꞈ daˇ-awˇ naˬ kʼaˇ tiˬ gaˇ-iˬ maˬ za-a.”

Luˇkaꞈ 14:27

Tsawˇ haˬ aˬ geu gʼaˬ maˬ kaˬ, yawˬ ha-euˬ laꞈ yaꞈ baꞈ-awˇ, ngaˬ-euˬ mehˬ nah maˬ caw teh laˇ naˇ, ngaˬ-euˬ zaˬ lahˇ maˬ geuꞈ nya-a.

Luˇkaꞈ 14:29

Kʼoeˇ loꞈ-ehˇ maˬ sawˇ duˬ ni dawˬ pehˬ beh-awˇ tsoˆ naˇ, aˇ saˬ maˬ tsoˆ saˬ nya ngeh, aˬ cawˬ ja bu gaˇ ya daˬ tehꞈ-a.

Luˇkaꞈ 14:33

Kʼoeˇ loꞈ-ehˇ duˇ ni, naw maꞈ aˬ geu gʼaˬ maˬ kaˬ, yawˬ ha kʼaˇ jaˆ-eu jeˬ dawˬ tawˆ luꞈ-ahˇ maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-aˇ.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”