Luˇkaꞈ 10:34 - Akha

³⁴ Tsawˇ haˬ kʼoeˇ gʼaˬ ga gaˇ aˬ yawꞈ iˇ-awˇ, diˬ leuꞈ diˬ kʼaw taˬ-euˬ maˇ kʼehˬ maˇ naˇ-ahˇ aˬ gaꞈ dzaˇ uiˇ hawˇ-eu tsiˇ shehˆ lehꞈ nehˬ-awˇ, saˬ paˇ neh lahˇ cuꞈ nehˬ-euˬ meh. Kʼoeˇ naˇ, aˬ yawꞈ neh dziˬ leꞈ-euˬ mahˬ tahˬ laˆ kʼoeˇ taˆ ciˬ dziˬ-awˇ, daˬ yah yaꞈ duˬ nymˇ laꞈ kʼoeˇ ciˬ ahˇ-awˇ, yaw muiˬ paˬ-ehˇ bo saˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Khoermirnae, aqyawf ga-eu gar ir-awr, markhaeq-anr aqgaf dzaruir hawr-eu tsir laefnaeq-awr, saqpar nae lanrcuf naeq-euq mae. Khoernar-aq, aqyawf-euq jeqzaq-euq khoertav bafdziq-awr, daqyan yafduq-anr sheuqghae-awr nae, aqyawf-anr bosav naeq-euq mae.

Luˇkaꞈ 10:34 Σταυροειδείς Αναφορές

Aˇ dahˬ 42:27

Uˬ ciꞈ paw gaˇ pehˇ yaꞈ luꞈ ngeh, aˬ yawꞈ maꞈ laꞈ kʼoeˇ tiˬ gʼaˬ mahˬ tahˬ laˆ-ahˇ cehˇ bi dzaˬ-eu lehˇ cehˇ pehˇ zeuˇ puiˇ-euˬ meh. Kʼoeˇ ngeh, cehˇ kʼoeˇ taˆ pyuˇ dawˆ ahˇ kʼoꞈ taˬ-euˬ gaˇ aˬ yawꞈ ya mawˇ-euˬ meh.

Jaceuq 147:3

Nui ma tsawˬ paˆ-iˇ-euˬ deuˬ-ahˇ aˬ yawꞈ laˆ taˬ nehˬ-awˇ, maˇ kʼehˬ-ahˇ lahˇ cuꞈ nehˬ-eu meh.

Doˆ-iˇ 4:24

Gaˇ pehˇ-ahˇ sehˬ gʼawˆ gʼawˆ-awˇ yaꞈ luꞈ ngeh, Sahˬpaˬ Miˬyehˇ Moˇseˬ-ahˇ tahˬ puˬ-awˇ sehꞈ-eu lehˇ leh jeh-euˬ meh.

Maˬkuˆ 14:8

Zaˬ miˬ zaˬ heu gʼaˬ aˬ yawꞈ kʼaˇ gʼeh nya-eu loꞈ-ehˇ mˇ-euˬ meh. Ngaˬ-ahˇ baꞈ pahˬ-eu aˇ yamˬ maˬ keuˆ laˇ mi naˆ-ehˇ, ngaˬ-euˬ gʼawˇ mawˇ-ahˇ tsiˇ yaw saw jeˬ shehˆ daˆ-awˇ, baꞈ pahˬ-eu gʼaˇ duˬ laˆ saˆ nehˬ laꞈ-euˬ meh.

Luˇkaꞈ 10:33

Ehˇ kʼawꞈ, Saˬmaˬliˆ tsawˇ haˬ tiˬ gʼaˬ gaˇ ma kʼoeˇ kahˇ oe-awˇ, kʼoeˇ tsahˇ-ahˇ oe keuˆ ngeh, tsawˇ haˬ kʼoeˇ gʼaˬ ga gaˇ ya mawˇ-awˇ, gʼawˬ shaˬ haw gaˬ-euˬ meh.

Luˇkaꞈ 10:35

Yawˬ nah yawˬ aˬ yawꞈ pyuˇ maˇ byaˆ nyiˬ byaˆ yuˇ doˆ-awˇ, daˬ yah yaꞈ-eu nymˇ kʼoeˇ nymˇ-ahˇ haw-eu gʼaˬ-ahˇ biꞈ-awˇ, heu loꞈ-ehˇ ehˇ nehˬ yaꞈ-euˬ meh. ‘Tsawˇ haˬ heu gʼaˬ-ahˇ yaw muiˬ paˬ-ehˇ tiˬ poˆ bo saˆ nehˬ laꞈ sheˇ. Heu myaˆ maˬ tseˇ zmˬ jiˇ naˇ, ngaˇ paˇ gʼoꞈ le ngeh nawˬ-ahˇ tsoeˬ kʼoꞈ nehˬ ma.’

Luˇkaꞈ 2:7

Kʼoeˇ ngeh, aˬ yawꞈ zaˬ ciˬ-awˇ, dehꞈ le beh beh-euˬ aˬ li-ahˇ bui loˬ loˬ-awˇ, mawˇ neˇ kʼawˇ lawˬ laꞈ kʼoeˇ ciˬ yuꞈ taˬ-euˬ meh. Aˬ jeˬ miˇ neh ehˇ naˇ, daˬ yah yaꞈ-eu nymˇ laꞈ kʼoeˇ, aˬ yawꞈ nyaꞈ yaꞈ kʼaˇ maˬ za-a.

Lormav 12:20

Ehˇ kʼawꞈ, Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ meh. “Nawˬ-ahˇ muiˇ-eu tsawˇ haˬ hawˬ mehꞈ naˇ, bi dzaˬ-awˬ. Iˇ cuꞈ meh naˇ, bi dawˇ-awˬ. Kʼoeˇ-aˬ, aˬ yawꞈ ya shaꞈ dawˇ dui dui-awˇ noeˬ poˆ leˇ ni jahˇ nehˬ gaˇ duˇ-eu meh.”

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.