Boꞈ doˆ taˬ-euˬ zahˇ dawˬ kʼoꞈ dawˬ-ahˇ maˬ taꞈ-ehˇ, Yaw sahˇ Miˬyehˇ-ahˇ taꞈ-eu dawˬ ma saˇ jaˇ yaw shuiꞈ gʼaˇ duˬ nga maꞈ gaˇ mˇ nya ni Miˬyehˇ neh jahˇ nehˬ laꞈ-euˬ meh. Boꞈ doˆ taˬ-euˬ zahˇ dawˬ kʼoꞈ dawˬ-aˬ, bi shiˇ-eu jeˬ pyeuꞈ-eu meh. Ehˇ kʼawꞈ Yaw sahˇ Miˬyehˇ-aˬ, bi dehꞈ laˇ-eu jeˬ pyeuꞈ-eu meh.
Lormav 7:6 - Akha6 Ehˇ kʼawꞈ, nymˬ-mˇ poˆ jawˇ-aˬ, Zahˇ dawˬ kʼoꞈ dawˬ uˬ moˆ aˬ dui buˬ-iˇ law-iˇ gʼaˬ-euˬ ma. Aˬ jeˬ miˇ neh ehˇ naˇ, dzeuˇ laˇ ngeh aˬ dui-ahˇ paꞈ tawꞈ taˬ-euˬ jeˬ-ahˇ aˬ dui shiˇ dzeuˇ-euˬ ma. Boꞈ doˆ taˬ-euˬ zahˇ dawˬ kʼoꞈ dawˬ-ahˇ taꞈ-eu gaˇ ma yaw oeˇ-ahˇ gʼoe-awˇ Miˬyehˇ-euˬ gaˇ-ahˇ aˬ dui mˇ luꞈ-eu maˬ ngeuˇ. Yaw sahˇ Miˬyehˇ-ahˇ taꞈ-eu gaˇ ma yaw shuiꞈ-ahˇ gʼoe-awˇ mˇ luꞈ-eu ma. Δείτε το κεφάλαιοYawshawr Yaerbof Dawqma Sarjax Yawshuif Jaceuq-eu Hawr-eu Dawqdaq6 Aerkhawf, nymq-mr aqdui zanrdawq-anr nae buq-ir-euq ma. Dzeurlaf ngae, aqdui-anr ganrdzanq taq-euq zanrdawq-anr nae aqdui shirdzeur-euq mirnae, aqdui-aq, boftaq-euq zanrdawq yawoer-euq uqmov, Miqyaer-euq gar mr-eu maqngeur-aer, muiq-eu Saflar uvlanr-eu yawshuif-euq lafkhoer mrluf-eu ma. Δείτε το κεφάλαιο |
Lormav 7:6
24 Σταυροειδείς Αναφορές
Aˬ yuiꞈ aˬ nyiˇ Ka li zaˬ deuˬ-oˇ, naw maꞈ kʼawꞈ kʼoeˇ gaˇ duˇ leˇ-eu meh. Zahˇ dawˬ kʼoꞈ dawˬ-ahˇ taꞈ leˇ-eu jeˬ laꞈ kʼoeˇ, naw maꞈ shiˇ dzeuˇ jiˇ-euˬ gaˇ duˇ-eu meh. Aˬ jeˬ miˇ neh ehˇ naˇ, naw maꞈ Yeˬsuˇ Ka liˬ-euˬ gʼawˇ mawˇ-ahˇ taꞈ leˇ gʼaˬ-euˬ meh. Miˬyehˇ-euˬ gaˇ laꞈ kʼoeˇ aˬ dui gaˇ dahˇ tsoeˬ-eu tsawˇ haˬ pyeuꞈ laˇ ni, naw maꞈ-aˬ, shiˇ dzeuˇ-euˬ gaˇ Miˬyehˇ neh paˇ bi gʼoꞈ dehꞈ laˇ-euˬ tsawˇ haˬ pyeuꞈ laˇ-euˬ meh.
Ehˇ kʼawꞈ, aˬ dui gʼaˇ duˬ yaˬ kʼehˇ yaˬ-eu jeˬ-ahˇ Ka li daˬ-awˇ, Zahˇ dawˬ kʼoꞈ dawˬ neh aˬ dui kʼoeˇ taˆ bi keuˆ le-euˬ yaˬ kʼehˇ yaˬ-eu jeˬ laꞈ kʼoeˇ aˬ yawꞈ aˬ dui-ahˇ ka kʼoꞈ nehˬ laꞈ-euˬ meh. Aˬ jeˬ miˇ neh ehˇ naˇ, “Aˇ bawˇ kʼoeˇ taˆ kʼaˇ paꞈ gʼeu sehꞈ-euˬ tsawˇ haˬ-aˬ, Miˬyehˇ neh yaˬ kʼehˇ yaˬ nehˬ-euˬ jeˬ-ahˇ ya daˬ-euˬ tsawˇ haˬ meh” lehˇ, Jaˇ liꞈ laꞈ kʼoeˇ ehˇ taˬ-euˬ meh.
Miˇ tsaˬ zaˬ deuˬ dehꞈ-eu loꞈ-ehˇ maˬ dehꞈ ni, naw maꞈ-euˬ nui ma poˆ laˆ laˆ doˆ-awˇ, naw maꞈ-euˬ laꞈ kʼoeˇ paw Miˬyehˇ neh yaw shuiꞈ bi jahˇ paˇ-awˬ. Kʼoeˇ loꞈ-ehˇ jahˇ naˇ, Miˬyehˇ-euˬ nui kʼahˇ-ahˇ naw maꞈ siˬ nya laˇ tehꞈ-a. Muiˬ-eu jeˬ, aˬ yawꞈ nui ma tsaˬ-eu jeˬ hawˇ-eu, byah dui dui-eu jeˬ-ahˇ naw maꞈ siˬ nya laˇ tehꞈ-a.
Aˬ yuiꞈ aˬ nyiˇ Ka li zaˬ deuˬ-oˇ, nymˬ-mˇ ngaˇ ehˇ-eu lehˇ gʼeh-eu gaˇ kawˆ heu-ahˇ naw maꞈ gʼoˆ shaw nya tehꞈ-a. Aˬ jeˬ miˇ neh ehˇ naˇ, naw maꞈ dawˬ tawˆ luꞈ zahˇ dawˬ kʼoꞈ dawˬ gaˇ kawˆ siˬ nya meh. Zahˇ dawˬ kʼoꞈ dawˬ-aˬ, tsawˇ haˬ zaˬ maˬ shiˇ-ehˇ kʼaˇ dehꞈ kʼoeˇ keuˆ ni tehꞈ-ehˇ uˆ lahˇ-eu meh.
Naw maꞈ gʼoˆ siˬ gʼoˆ shaw nya-eu paw dzeˇ gʼaˬ baˬ-eu miˇ neh, yawˬ nah na luꞈ ngehˬ luꞈ-eu dawˬ deuˬ-ahˇ zmˬ-awˇ ngaˇ ehˇ-eu ma. Dzeuˇ laˇ ngeh, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu maˬ muiˬ maˬ jaˬ-eu jeˬ-euˬ zaˬ kʼaˆ geuꞈ-eu laꞈ kʼoeˇ, maˬ tsaˬ maˬ dawˇ-eu jeˬ-ahˇ mˇ-eu gʼaˇ duˬ naw maꞈ-euˬ nui ma gʼawˇ mawˇ dawˬ tawˆ luꞈ a nehˬ-euˬ meh. Kʼoeˇ loꞈ-ehˇ duˇ ni, nymˬ-mˇ poˆ jawˇ-aˬ, yaw tsaˬ yaw dawˇ jeˬ-euˬ zaˬ kʼaˆ geuꞈ-eu laꞈ kʼoeˇ yaw muiˬ yaw shawˇ jeˬ-ahˇ mˇ-eu gʼaˇ duˬ, nui ma gʼawˇ mawˇ dawˬ tawˆ luꞈ a nehˬ-awˬ.
Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.
Yaw jeˬ ma jeˬ ja ngeh, dahˬ dzaˬ-iˇ-euˬ zaˬ miˬ zaˬ tiˬ gʼaˬ-aˬ, yawˬ ha-euˬ kʼaˬ dzeˇ zaˬ kʼoeˇ gʼaˬ maˬ shiˇ-ehˇ kʼaˇ dehꞈ kʼoeˇ keuˆ ni aˬ yawꞈ-euˬ miˬ zaˬ pyeuꞈ-eu meh lehˇ zahˇ dawˬ kʼoꞈ dawˬ ehˇ-eu meh. Ehˇ kawꞈ, kʼaˬ dzeˇ zaˬ gʼaˬ shiˇ dzeuˇ ngeh jawˇ, zaˬ miˬ zaˬ koeˇ gʼaˬ aˬ yawꞈ-euˬ miˬ zaˬ meh lehˇ zahˇ dawˬ kʼoꞈ dawˬ maˬ paˇ ehˇ nya meh.
Διαφημίσεις