Lormav 3:7 - Akha

⁷ Ehˇ kʼawꞈ, ngaˬ-euˬ yaw lehˬ kʼoeˇ-aˬ, Miˬyehˇ tsaˬ-eu dawˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ hawˇ-eu aˬ yawꞈ-euˬ yaw shehꞈ kʼahˬ sehˇ gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Kʼoeˇ loꞈ-ehˇ ngeuˇ meh lehˇ ehˇ naˇ, ngaˬ-ahˇ iˬ baˇ zaˬ lehˇ aˬ joˆ-ehˇ sawˇ nya ta.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngar jaqmyawf myawf-eu mirnae, Miqyaer-euq yawtsaq yawdawr jeq-anr yawshaef khanqsaer bi dovlar dzaeq-eu ngeur nar-aq, aqjeq mirnae ngaq-anr iqbaxzaq lof-aer yarkhaq darluf-eu la?

Lormav 3:7 Σταυροειδείς Αναφορές

Aˇ dahˬ 37:20

“Yuꞈ maˆ maˆ-eu gʼaˬ oe luꞈ ngaˇ. Nymˬ-mˇ poˆ jawˇ aˬ dui maꞈ aˬ yawꞈ-ahˇ sehꞈ-awˇ, gui coˇ ni gʼeh-eu lah duˬ duˬ tsoeˬ kʼoeˇ duˬ-ahˇ biˬ ahˇ ma. Bawˇ tsahˬ jeˬ zaˬ yaw haiˬ deuˬ neh aˬ yawꞈ-ahˇ kawꞈ sehꞈ-euˬ bi geuꞈ tehꞈ-a. Nymˬ-mˇ poˆ jawˇ-aˬ, aˬ yawꞈ neh yuꞈ maˆ maˆ-euˬ aˬ joˆ-ehˇ pyeuꞈ laˇ nga lehˇ bi haw law.”

Doˆ-iˇ 14:30

Kʼoeˇ ngeh nah, Iˇjiˇtuˆ tsawˇ haˬ deuˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ka kʼoꞈ nehˬ-awˇ, Iˇjiˇtuˆ tsawˇ haˬ deuˬ iˬ ma laˆ shaˆ lawˇ deh-ahˇ yaw shiˇ-ehˇ ga luꞈ gaˇ, Iˇsaˬleˬlaˆ tsawˇ haˬ deuˬ ya mawˇ-euˬ meh.

Doˆ-iˇ 14:5

Iˇsaˬlaˬleˇ tsawˇ haˬ deuˬ cehˆ doˆ dzeuˇ-euˬ gaˇ kawˆ sahˬ paˬ kʼoeˇ gʼaˬ-ahˇ aˬ cawˬ tsaꞈ gaˬ ngeh, aˬ yawꞈ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ nui ma paˇ laˇ-awˇ, “Aˬ dui maꞈ gʼaˇ duˬ shaˬ laˇ-euˬ nga. Iˇsaˬleˬlaˆ tsawˇ haˬ deuˬ-ahˇ aˬ dui maꞈ bi cehˆ doˆ dzeuˇ-euˬ miˇ neh, zaˬ kʼaˆ maˬ paˇ jawˇ ngaˇ” lehˇ ehˇ-eu meh.

Doˆ-iˇ 3:19

Maˬ bi iˇ-ehˇ maˬ gʼeh nya ni maˬ pyeuꞈ laˇ kʼoeˇ keuˆ ni, Iˇjiˇtuˆ sahˬ paˬ naw maꞈ-ahˇ maˬ bi iˇ nehꞈ laꞈ ni piˬ lahˇ tehꞈ-a lehˇ ngaˇ siˬ nya ma.

Maꞈtehˬ 26:34

Yeˬsuˇ Beˬtuˆluˆ-ahˇ ehˇ nehˬ-eu, “Nymˇ ciꞈ ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a lehˇ, ngaˇ nawˬ-ahˇ maˇ jawˆ ni ehˇ-eu ma.”

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”