Iˇsaˬyaˇ 8:9 - Akha

⁹ Miˇ kʼahˬ tsawˇ jeuˬ deuˬ-oˇ, guˆ-eu laꞈ kʼoeˇ tiˬ gaˇ uiˬ leˇ-awˬ. Gaˇ mahˇ kaˬ-eu miˇ kʼahˬ deuˬ-oˇ, naˬ bawˇ ciˬ kʼmˇ-awˬ. Guiˇ deuˆ-eu gʼaˇ duˬ lehˬ hmˬ-awˬ. Ehˇ kʼawꞈ maˬ guˆ-ehˇ taˬ gʼeh. Guiˇ deuˆ-eu gʼaˇ duˬ lehˬ hmˬ-awˬ. Ehˇ kʼawꞈ maˬ guˆ-ehˇ taˬ gʼeh.

Iˇsaˬyaˇ 8:9 Σταυροειδείς Αναφορές

1 Sahˬpaˬ 20:11

Aˬhaˆ ehˇ-eu, “Maˇ maˇ ni gʼeh-eu yehˇ tiˬ gʼaˬ-aˬ, guiˇ maˬ deuˆ mi naˆ-ehˇ kʼahˬ sehˇ jeˬ huˬ maˬ jehˆ-aˇ. Guiˇ deuˆ gʼaˬ miˇ tsa hawˇ-eu kʼahˬ sehˇ jehˆ nmˇ lehˇ sahˬ paˬ Beˬhaˬdaˇ-ahˇ ehˇ nehˬ leˇ-awˬ.”

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Iˇsaˬyaˇ 28:13

Kʼoeˇ miˇ neh naw maꞈ-ahˇ Sahˬpaˬ Miˬyehˇ, heu jeˬ mˇ, kʼoeˇ jeˬ mˇ lehˇ, zahˇ sahˇ kʼoꞈ heu, zahˇ sahˇ kʼoꞈ kʼoeˇ lehˇ, tiˬ tiˆ saˇ-i tiˬ tiˆ mehˬ-eu lehˇ gʼeh-eu meh. Naw maꞈ kuiˇ toꞈ aˬ yawꞈ toꞈ yawꞈ sahˬ tiꞈ tiꞈ-awˇ, laˆ tahˬ laˆ naˇ gʼaˬ-awˇ lahˇ ju-ahˇ paꞈ leˇ-eu uˬ taꞈ, aˬ cawˬ neh bi nyehꞈ gʼeh tehꞈ-a.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Iˇsaˬyaˇ 54:15

Tsawˇ haˬ tiˬ gʼaˬ na nawˬ-ahˇ guiˇ deuˆ laˇ naˇ, ngaˇ nui ma maˬ tsaˬ gaˇ ceh le-eu meh. Nawˬ-ahˇ kʼaˇ ceh laˇ-eu deuˬ ya coˬ-iˇ tehꞈ-a.

Yeˬlaˬmiˇ 42:11

Baˬbuˇloˬ sahˬ paˬ-ahˇ guˆ-eu nui ma taˬ paˇ bi ahˇ. Naw maꞈ nehˬ-ehˇ ngaˇ jawˇ-awˇ, aˬ yawꞈ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ nehˬ ma.

Yeˬlaˬmiˇ 46:3

“Iˇjiˇtuˆ tsawˇ haˬ yaw huiˬ yaw mahˇ deuˬ ehˇ-eu, ‘Naw maꞈ dehˬ daˬ duˬ lehˬ hmˬ-awˇ, guiˇ deuˆ duˬ-ahˇ iˇ-awˬ.

Yeˬlaˬmiˇ 46:4

Mahˬ dziˬ gʼa laˆ dawˆ-awˇ dziˬ-awˬ. Jawˇ duˬ yuˇ-awˇ shmˇ uˬ kʼoˆ kʼoˆ taˬ-awˬ. Gahˬ siˬ taˆ-awˇ guiˇ deuˆ-eu mehˬ tsoeˬ dm taˬ-awˬ’ lehˇ ehˇ-eu meh.

Yeˬlaˬmiˇ 51:20

Sahˬpaˬ Miˬyehˇ ehˇ-eu, “Baˬbuˇloˬ nawˇ ngaˬ-euˬ diˬ puˬ pyeuꞈ-awˇ, ngaˬ-euˬ guiˇ deuˆ-eu keu ka ma. Miˇ kʼahˬ tsawˇ jeuˬ-ahˇ laˆ cawˆ-eu gʼaˇ duˬ, nawˬ-ahˇ ngaˇ zmˬ-euˬ ma.

Yeˬsaˬgeˬlaˇ 38:7

Lehˬ hmˬ-awˇ aˬ yawꞈ-euˬ guiˇ maꞈ dawˬ tawˆ luꞈ, aˬ yawꞈ neh dawˬ kʼaˇ biꞈ-euˬ loꞈ-ehˇ bi mˇ-eu gʼaˇ duˬ bi laˆ dah jiˇ taˬ-awˬ lehˇ ehˇ nehˬ-awˬ,

Yeˬsaˬgeˬlaˇ 38:8

Aˇ nah aˇ yamˬ gʼawˬ myahˇ ni dzeuˇ-iˇ gʼaˬ ngeh jawˇ, aˬ cawˬ miˇ kʼahˬ gʼawˬ mya kʼahˬ-ahˇ neh gʼoꞈ uiˬ laˇ-awˇ jawˇ-eu, guiˇ deuˆ laˇ gaˇ maˬ guˆ ni ya dehꞈ ya jawˇ luꞈ-eu miˇ kʼahˬ tiˬ kʼahˬ-ahˇ, nawˬ-ahˇ ngaˇ guiˇ bi deuˆ-iˇ ma. Dzeuˇ laˇ ngeh aˇ yamˬ gʼawˬ myahˇ ni cawˆ-iˇ-awˇ ciˬ cuˇ ni jaˆ-euˬ kʼawꞈ, nymˬ-mˇ tsawˇ haˬ dawˬ tawˆ luꞈ nui saˇ oꞈ-eu laꞈ kʼoeˇ jawˇ luꞈ-eu miˇ kʼahˬ pyeuꞈ-eu Iˇsaˬleˬlaˆ gawˬ jawˬ deuˬ-ahˇ aˬ yawꞈ guiˇ ya deuˆ-iˇ tehꞈ-a.

Yawˇshuˆ 11:5

Sahˬ paˬ heu deuˬ dawˬ tawˆ luꞈ-euˬ guiˇ guiˇ maꞈ deuˬ gm leˇ-awˇ, Iˇsaˬleˬlaˆ tsawˇ jeuˬ-ahˇ guiˇ deuˆ-eu gʼaˇ duˬ, Meˬloˬ lawˇ gawˆ-ahˇ oe-awˇ, taˆ tsoˆ-awˇ jawˇ-euˬ meh.