Iˇsaˬyaˇ 7:3 - Akha

³ Iˇsaˬyaˇ-ahˇ Sahˬpaˬ Miˬyehˇ ehˇ nehˬ-eu, “Nawˬ li Shaˬyaˬshuˇbaˬ-ahˇ sheuˬ-awˇ, sahˬ paˬ Aˬkaˆ-ahˇ tahˬ puˬ leˇ-awˬ. Iˇ cuꞈ lah laꞈ taˆ lah-ahˇ neh caˬ leꞈ-eu uiˇ kʼehˬ-euˬ mehˬ dzaˬ-ahˇ jaˆ-eu, shaˬ nmˇ shaˬ paˇ mˇ duˬ-ahˇ iˇ-eu gaˇ ma kʼoeˇ taˆ, aˬ yawꞈ-ahˇ naw nyaꞈ ya tahˬ puˬ tehꞈ-a.

Iˇsaˬyaˇ 7:3 Σταυροειδείς Αναφορές

2 Sahˬpaˬ 16:1

Leˬmaˬliˇ-euˬ aˬ li sahˬ paˬ Peˬkah gʼaˬ Iˇsaˬleˬlaˆ miˇ kʼahˬ-ahˇ uˆ lahˇ-euˬ tseˇ shiꞈ kʼoꞈ tiˬ kʼoꞈ-ahˇ, Yoˇdaˬ-euˬ aˬ li Aˬkaˆ gʼaˬ Yuˇdaˆ sahˬ paˬ pyeuꞈ laˇ-euˬ meh.

2 Sahˬpaˬ 18:17

Aˬshuˇliˆ sahˬ paˬ kʼoeˇ gʼaˬ-aˬ, Yeˬluˇsaˬlehˬ meuˬ-ahˇ jawˇ-eu Heˬsaˬgiˇ-ahˇ guiˇ bi deuˆ-iˇ-eu gʼaˇ duˬ, myaˬ dui dui-eu guiˇ maꞈ tiˬ maꞈ Laˬkiˇshaˆ meuˬ-ahˇ neh pyehˬ gʼeh-euˬ meh. Aˬ yawꞈ-euˬ guiˇ maꞈ-ahˇ uˆ lahˇ-eu aˬ cawˬ naˆ maˬ tseˇ huiˬ dzehˬ-eu yaw huiˬ yaw mahˇ smˇ gʼaˬ-ahˇ aˬ yuiꞈ bi geuꞈ-awˇ, guiˇ maꞈ kʼoeˇ maꞈ-ahˇ bi sheuˬ gʼeh-euˬ meh. Yeˬluˇsaˬlehˬ meuˬ-ahˇ aˬ yawꞈ maꞈ le keuˆ ngeh, laꞈ taˆ paw jaˆ-eu lah-ahˇ neh meuˬ laꞈ kʼoeˇ iˇ pahˬ pahˬ ahˇ taˬ-euˬ dawˬ peh, saˬ nmˇ saˬ paˇ mˇ duˬ-ahˇ jaˆ-eu gaˇ ma-ahˇ guiˇ daˬ daˬ-euˬ meh.

2 Sahˬpaˬ 20:20

Sahˬ paˬ Heˬsaˬgiˇ neh mˇ-euˬ huiˬ-eu gaˇ deuˬ maˬ ehˇ, iˇ cuꞈ lah ciˬ-awˇ, meuˬ-ahˇ iˇ pahˬ pahˬ ahˇ-euˬ gaˇ kawˆ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, Yuˇdaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh.

Neˬhaˬmiˇ 3:16

Behˬzuˇlaˆ meuˬ tiˬ paˆ dzaˬ-eu Aˬzaˬboˆ-euˬ aˬ li Neˬhaˬmiˇ gʼaˬ tiˬ deuˆ paˇ gawˬ tsaꞈ gʼeh-awˇ, Daˬbiˇ-euˬ lmˬ bymˇ, lah hawˇ-eu tsawˇ myahˇ doˆ dui dui-eu yehˇ deuˬ-euˬ nymˇ-ahˇ keuˆ ni gawˬ keuˆ-euˬ meh.

Doˆ-iˇ 7:15

Kʼoeˇ miˇ neh, uˬ shawˬ paw Niˬlaˇ lawˇ baˬ-ahˇ aˬ yawꞈ oe ka ngeh, aˬ yawꞈ-ahˇ tahˬ puˬ-iˇ-awˬ. Aˇ lawˇ pyeuꞈ-eu gawˬ yoeˬ kʼoeˇ hmˬ yuˇ-awˇ, lawˇ baˬ lawˇ deh-ahˇ, aˬ yawꞈ-ahˇ loꞈ-iˇ-awˬ.

Iˇsaˬyaˇ 10:21

Iˇsaˬleˬlaˆ tsawˇ haˬ ui cuiˆ tehꞈ-ehˇ dzeuˇ-iˇ-awˇ, baoˬ huiˬ-eu aˬ yawꞈ maꞈ-euˬ Miˬyehˇ jawˇ gaˇ gʼoꞈ laˇ tehꞈ-a.

Iˇsaˬyaˇ 22:10

Yeˬluˇsaˬlehˬ meuˬ laꞈ kʼoeˇ jaˆ-eu nymˇ deuˬ nawˇ gui haw-awˇ, nymˇ deh pyaˆ-awˇ meuˬ lahˇ gawˬ muiˬ gaˇ dawˆ tehꞈ-a.

Iˇsaˬyaˇ 22:11

Lah yaw oeˇ lah-ahˇ neh yoeˇ doˆ-eu iˇ cuꞈ jeˬ hmˬ-eu lehˇ, meuˬ laꞈ kʼoeˇ nawˇ lah gawˬ tehꞈ-a. Ehˇ kʼawꞈ, aˇ hu ba neh heu deuˬ dawˬ tawˆ luꞈ mˇ-euˬ gʼaˬ pyeuꞈ-eu Miˬyehˇ-ahˇ nawˇ maˬ haw cawˬ-a.

Iˇsaˬyaˇ 36:2

Kʼoeˇ naˇ, aˬ yawꞈ-euˬ guiˇ maꞈ deuˬ kʼoeˇ taˆ uˆ lahˇ-eu yaw huiˬ yaw mahˇ-ahˇ, guiˇ maꞈ maꞈ ma sheuˬ-awˇ Laˬkiˇshaˆ meuˬ-ahˇ neh Yeˬluˇsaˬlehˬ meuˬ-ahˇ sahˬ paˬ Heˬsaˬgiˇ jawˇ gaˇ bi iˇ-euˬ meh. Laꞈ taˆ paw-euˬ lah-ahˇ neh meuˬ-ahˇ iˇ cuꞈ yuˇ ahˇ-euˬ uiˇ kʼehˬ dawˬ peh, saˬ nmˇ saˬ paˇ mˇ-eu jawˇ duˬ-ahˇ jaˆ-eu gaˇ jawˬ-ahˇ, yaw huiˬ yaw mahˇ kʼoeˇ gʼaˬ jawˇ naˬ-euˬ meh.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Yeˬlaˬmiˇ 22:1

Daˬbiˇ-euˬ dzoeˬ dzaˬ nuiˇ mahˬ-ahˇ nuiˇ-eu Yuˇdaˆ sahˬ paˬ-euˬ nymˇ-ahˇ, Sahˬpaˬ Miˬyehˇ ngaˬ-ahˇ kʼehˇ gʼeh-awˇ, kʼoeˇ gaˇ jawˇ-eu sahˬ paˬ-ahˇ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ maˬ ehˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ gaˬ leˇ-awˬ lehˇ ehˇ-eu meh.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.