Iˇsaˬyaˇ 66:19 - Akha

¹⁹ Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Iˇsaˬyaˇ 66:19 Σταυροειδείς Αναφορές

Aˇ dahˬ 10:13

Iˇjiˇtuˆ-euˬ zaˬ deuˬ uˆ deuˬ-aˬ, Luˇdeˬ tsawˇ jeuˬ, Aˬnamˬ tsawˇ jeuˬ, Leˬhaˇ tsawˇ jeuˬ, Naˬpaˬtuˇ tsawˇ jeuˬ,

Aˇ dahˬ 10:2

Yaˬpahˇ-euˬ aˬ li deuˬ pyeuꞈ-eu Gawˬmaˬ, Maˬgawˇgaˆ, Maˬdehˇ, Yaˬbaˬ, Tuˇbaˬlaˇ, Meˬshehˆ, Tiˇlaˆ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 10:22

Sheˬmaˆ-euˬ aˬ li Eˇlamˬ, Aˬshuˇlaˆ, Aˬpaˬshaˇ, Luˇdaˆ Aˬlamˬ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 10:4

Yaˬbaˬ-euˬ zaˬ deuˬ uˆ deuˬ-aˬ, Iˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˇ tsawˇ jeuˬ, heu deuˬ pyeuꞈ-eu meh.

Aˇ dahˬ 9:27

Yaˬpahˇ-ahˇ Miˬyehˇ bi jeuˬ bi o le luꞈ-uˇ. Aˬ yawꞈ-euˬ zaˬ deuˬ uˆ deuˬ Sheˬmaˆ-euˬ zaˬ deuˬ uˆ deuˬ nehˬ-ehˇ jawˇ luꞈ-uˇ. Kaˬnaˬ-aˬ, Yaˬpahˇ-euˬ zaˬ kʼaˆ ya geuꞈ tehꞈ-a” lehˇ ehˇ-eu meh.

1 Laˬsaˬbaˬ 1:11

Iˇjiˇtuˆ-euˬ zaˬ deuˬ uˆ deuˬ-aˬ, Luˇdeˬ tsawˇ jeuˬ, Aˬnaˬmiˇ tsawˇ jeuˬ, Laˬhaˬbeˬ tsawˇ jeuˬ, Naˬtuˇheˬ tsawˇ jeuˬ,

1 Laˬsaˬbaˬ 1:7

Yaˬbaˬ-euˬ zaˬ deuˬ uˆ deuˬ-aˬ, Eˇliˇshaˬ tsawˇ jeuˬ, Saˬbeˬ tsawˇ jeuˬ, Guˇbaˬluˇ tsawˇ jeuˬ, Loˇdiˬ tsawˇ jeuˬ deuˬ meh.

1 Laˬsaˬbaˬ 16:24

Yawꞈ-euˬ yaw shehꞈ kʼahˬ sehˇ huiˬ-eu, tsawˇ jeuˬ dawˬ tawˆ-ahˇ dzawˇ nehˬ-awˇ, Yawꞈ neh mˇ-euˬ huiˬ-eu gaˇ deuˬ, tsawˇ haˬ dawˬ tawˆ-ahˇ ja mehˬ yawˬ.

Jaceuq 72:10

Saˬbeˬ sahˬ paˬ hawˇ-eu iˇ jaw lahˇ deuˬ-ahˇ jawˇ-eu sahˬ paˬ deuˬ, aˬ yawꞈ-ahˇ laꞈ sawˬ ya biꞈ ha laˇ tehꞈ-a. Sheˬba sahˬ paˬ hawˇ-eu Seˬbaˬ sahˬ paˬ aˬ nyaꞈ aˬ yawꞈ-ahˇ damˬ nehˬ laˇ tehꞈ-a.

Iˇsaˬyaˇ 11:12

Tsawˇ jeuˬ dawˬ tawˆ luꞈ-ahˇ aˬ yawꞈ paˇ loˬ paˇ lehˇ ka tuˇ mehˬ nehˬ-awˇ, byehˇ dzeh taˬ-eu Iˇsaˬleˬlaˆ tsawˇ haˬ deuˬ hawˇ-eu, iˇ byoˆ taˬ-euˬ Yuˇdaˆ tsawˇ haˬ deuˬ-ahˇ, miˇ ma oeˬ coeˇ oeˬ pyawˬ doe ni, kuˇ kʼoꞈ uiˬ laꞈ tehꞈ-a.

Iˇsaˬyaˇ 18:3

Miˇ tsaˬ kʼoeˇ taˆ kʼaˇ jawˇ-eu tsawˇ haˬ zaˬ deuˬ-oˇ, gawˬ jawˬ kʼoeˇ taˆ paˇ loˬ paˇ lehˇ baꞈ tuˇ laˇ gaˇ haw-awˇ, daˇ heh baw doˆ laˇ-eu teˇ saˇ ahˇ naˇ haˬ taˬ-awˬ.

Iˇsaˬyaˇ 18:7

Baoˬ huiˬ-awˇ aˬ cawˬ tsawˇ jeuˬ-ahˇ gʼaˬ leˇ-eu miˇ neh, dawˬ peh gaˇ mahˇ jawˇ-eu tsawˇ jeuˬ deuˬ ya guˆ-eu, lawˇ baˬ gʼawˬ mya gawˆ yoeˇ paˆ-eu miˇ kʼahˬ-ahˇ jawˇ-eu, shaˬ jiˇ muiˬ-awˇ caˇ gawˬ goˇ-eu tsawˇ haˬ deuˬ neh, damˬ nehˬ lawˇ nehˬ laˇ-euˬ jeˬ-ahˇ, Baoˬ huiˬ-eu Sahˬpaˬ Miˬyehˇ ha geuꞈ nehˬ-eu aˇ nah keuˆ tehꞈ-a. Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ-eu jawˇ duˬ, Ziˇoˬ gawˬ jawˬ-ahˇ aˬ yawꞈ maꞈ laˇ-awˇ, damˬ laˇ lawˇ laˇ tehꞈ-a.

Iˇsaˬyaˇ 2:16

Saˇ baoˬ kʼaˇ huiˬ kʼaˇ muiˬ-eu deuˬ laˆ shaˆ-ahˇ ga nuiꞈ jiˇ tehꞈ-a.

Iˇsaˬyaˇ 29:24

Aˬ dzawˬ aˇ gah deuˬ noeˬ siˬ noeˬ mawˇ nya laˇ-awˇ, naˬ lehˬ deuˬ mehˬ paˇ nya tehꞈ-a.”

Iˇsaˬyaˇ 42:12

Yawˬ kʼahˬ yawˬ miˇ yawˬ-ahˇ jawˇ-eu tsawˇ haˬ, Sahˬpaˬ Miˬyehˇ-ahˇ ciˬ huiˬ ciˬ mahˇ-awˬ.

Iˇsaˬyaˇ 42:4

Noeˬ tmˬ-eu jeˬ hawˇ-eu nui ma kʼaˬ duˬ ni taˬ-euˬ jeˬ, byoˆ-iˇ ni aˬ yawꞈ maˬ mˇ-ehˇ, miˇ tsaˬ kʼoeˇ taˆ yaw tsaˬ yaw dawˇ jeˬ-ahˇ aˬ yawꞈ laˆ ziꞈ tehꞈ-a. Gaˇ mahˇ kaˬ gaˇ jawˇ-eu miˇ kʼahˬ tsawˇ jeuˬ, aˬ yawꞈ-euˬ zahˇ dawˬ kʼoꞈ dawˬ-ahˇ noeˬ tmˬ tehꞈ-a.”

Iˇsaˬyaˇ 43:6

Laꞈ taˆ pyawˬ aˬ yawꞈ maꞈ-ahˇ bi pyehˬ-awˇ, laˬ oˆ pyawˬ maˬ bi gʼeu tehˬ ni ngaˇ dawˬ ngehˬ ma. Miˇ ma oeˬ coeˇ oeˬ pyawˬ jawˇ byaˆ taˬ-euˬ, ngaˬ-euˬ tsawˇ haˬ gʼoꞈ uiˬ laˇ nya ni ngaˇ ja ma.

Iˇsaˬyaˇ 49:1

Gaˇ mahˇ kaˬ gaˇ jawˇ-eu tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Gaˇ mahˇ kaˬ gaˇ jaˆ-eu miˇ kʼahˬ deuˬ naˇ haˬ-awˬ. Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ-awˇ, aˬ yawꞈ-euˬ zaˬ kʼaˆ bi geuꞈ laꞈ-euˬ meh.

Iˇsaˬyaˇ 49:12

Gaˇ mahˇ kaˬ gaˇ jawˇ-eu ngaˬ-euˬ tsawˇ haˬ deuˬ oe tehꞈ-a. Laꞈ taˆ paw pyawˬ hawˇ-eu nahˇ ma ga kʼehˬ paw neh maˬ ehˇ, laꞈ oˆ paw Aˬsaˬgʼawˬ meuˬ-ahˇ neh maˬ ehˇ, aˬ yawꞈ maꞈ gʼoꞈ laˇ tehꞈ-a.”

Iˇsaˬyaˇ 49:22

Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ , aˬ yawꞈ-euˬ tsawˇ haˬ-ahˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-ahˇ ngaˇ laꞈ liˆ liˆ nehˬ ngeh, nawˬ-euˬ zaˬ deuˬ aˬ yawꞈ maꞈ sheuˬ kʼoꞈ laꞈ tehꞈ-a.

Iˇsaˬyaˇ 51:5

Ngaˇ yaw kawˇ-ehˇ oe-awˇ aˬ yawꞈ maꞈ-ahˇ ka kʼoꞈ le ma. Ngaˇ gʼaˬ leˇ-eu aˇ yamˬ dawˬ peh peh laˇ luꞈ meh. Tsawˇ jeuˬ dawˬ tawˆ luꞈ-ahˇ ngaˇ uˆ lahˇ ma. Gaˇ mahˇ kaˬ-eu miˇ kʼahˬ deuˬ ngaˬ-ahˇ dawˬ luꞈ meh. Aˬ yawꞈ maꞈ-ahˇ ngaˇ ka kʼoꞈ nehˬ le gaˇ noeˬ tmˬ luꞈ meh.

Iˇsaˬyaˇ 52:10

Sahˬpaˬ Miˬyehˇ muiˬ-eu shawˇ-eu baoˬ-ahˇ gʼoe-awˇ, aˬ yawꞈ-euˬ tsawˇ haˬ-ahˇ ka kʼoꞈ nehˬ gaˇ, miˇ tsaˬ dawˬ tawˆ ya mawˇ tehꞈ-a.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Iˇsaˬyaˇ 55:5

Boeˇ miˬ siˬ kʼaˬ tsawˇ jeuˬ deuˬ-ahˇ nawˇ dawˬ biꞈ tehꞈ-a. Dzeuˇ laˇ ngeh aˬ yawꞈ maꞈ nawˬ-ahˇ maˬ siˬ nya kʼawꞈ, nymˬ-mˇ nawˇ jawˇ paw cehˆ uˇ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˬ, kʼoeˇ loꞈ-ehˇ pyeuꞈ laˇ ni mˇ ma. Taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ, naw maꞈ-ahˇ ngaˇ biꞈ ma.”

Iˇsaˬyaˇ 60:9

Sahˬpaˬ Miˬyehˇ-euˬ tsawˇ haˬ sheuˬ kʼoꞈ ha laˇ-eu gʼaˇ duˬ, gaˇ mahˇ kaˬ gaˇ neh oe-euˬ saˇ baoˬ meh. Tsawˇ jeuˬ dawˬ tawˆ luꞈ aˬ yawꞈ-euˬ tsawˇ jeuˬ-ahˇ taˬ huiˬ ni jahˇ-euˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-euˬ tsawˇ myahˇ-ahˇ taˬ huiˬ taˬ mahˇ nehˬ-eu gʼaˇ duˬ, pyuˇ hawˇ-eu shuiˇ deuˬ aˬ yawꞈ maꞈ yuˇ laꞈ-euˬ meh.

Iˇsaˬyaˇ 62:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tsawˇ haˬ deuˬ gʼoꞈ laˇ-eu gʼaˇ duˬ, meuˬ laꞈ nyiˇ doˆ-iˇ-awˇ gaˇ ma shaˇ dahˇ nehˬ-awˬ. Gaˇ jawˬ jawˬ ma shaˇ dahˇ nehˬ-awˇ, kʼaˬ lo maˬ bi tsoeˬ ni ngawˬ dzeh jiˇ-awˇ, miˇ kʼahˬ tsawˇ jeuˬ deuˬ siˬ nya ni byaꞈ byaꞈ taˬ-awˬ.

Iˇsaˬyaˇ 65:1

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ shaˇ dawˬ-ahˇ, naˇ haˬ nehˬ-eu gʼaˇ duˬ ngaˇ lehˬ hmˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a. Aˬ yawꞈ maꞈ bi haw mawˇ-eu lehˇ ngaˇ mˇ jeh kʼawꞈ, aˬ yawꞈ maꞈ ngaˬ-ahˇ maˬ poˆ-a. Ngaˇ heu gaˇ jawˇ ma lehˇ ehˇ gaˬ nehˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a.

Yeˬlaˬmiˇ 46:9

Mahˬ pyehˬ teh sehˇ gʼeh-awˇ, laˆ lawˬ teh coeˬ coeˬ-awˬ. Yehˇ deuˬ mehˬ hu paw pyehˬ gʼeh-awˬ. Suˬdaˬ yehˇ deuˬ hawˇ-eu Liˆbyaˇ yehˇ deuˬ, dehˬ daˬ duˬ baꞈ-awˇ bi iˇ-awˬ. Kaˆ beuˆ yaw dziˇ Luˇdaˆ yehˇ deuˬ, mehˬ hu paw pyehˬ gʼeh-awˬ.”

Yeˬsaˬgeˬlaˇ 27:10

Paˇshaˇ miˇ kʼahˬ, Luˇdeˬ miˇ kʼahˬ hawˇ-eu, Liˆbyaˇ miˇ kʼahˬ-ahˇ jawˇ-eu yehˇ deuˬ, nawˬ-euˬ guiˇ guiˇ maꞈ laꞈ kʼoeˇ gaˇ mˇ luꞈ-eu meh. Aˬ yawꞈ maꞈ-euˬ dehˬ daˬ duˬ hawˇ-eu shmˇ uˬ kʼoˆ deuˬ nawˬ-euˬ taˆ-ahˇ ciˬ ceuˬ-awˇ, nawˬ-ahˇ yaw shehꞈ kʼahˬ sehˇ bi huiˬ-euˬ meh.

Yeˬsaˬgeˬlaˇ 27:13

Giˇliˇ meuˬ, Tuˇbaˬlaˇ meuˬ, Meˬshehˆ meuˬ heu deuˬ nehˬ-ehˇ nawˇ jeˬ gaꞈ taˬ-awˇ, nawˬ-euˬ myawˬ gahˬ deuˬ neh, zaˬ kʼaˆ deuˬ hawˇ-eu guiˬ shuiˇ neh jahˇ-euˬ mˇ myawˬ deuˬ nawˇ paˇ doˆ geuꞈ-euˬ meh.

Yeˬsaˬgeˬlaˇ 30:5

“Guiˇ kʼoeˇ poˆ deuˆ-euˬ baˬ da neh, Suˬdaˬ miˇ kʼahˬ Luˇdeˬ miˇ kʼahˬ, Liˆbyaˇ miˇ kʼahˬ, Aˬleˬbyaˇ miˇ kʼahˬ hawˇ-eu Kuˇbaˆ miˇ kʼahˬ-ahˇ jawˇ-eu yehˇ deuˬ ya shiˇ-eu uˬ taꞈ, ngaˬ-euˬ tsawˇ jeuˬ laꞈ kʼoeˇ tiˬ paˆ na deuˬ kʼawꞈ ya shiˇ tehꞈ-a.”

Yeˬsaˬgeˬlaˇ 32:26

“Meˬshehˆ hawˇ-eu Tuˇbaˬlaˇ aˬ nyaꞈ kʼoeˇ gaˇ ga luꞈ meh. Aˬ yawꞈ nyaꞈ-euˬ yehˇ deuˬ-euˬ lmˬ bymˇ, aˬ yawꞈ nyaꞈ-euˬ tiˬ jawˬ jaˆ luꞈ meh. Aˬ yawꞈ maꞈ dawˬ tawˆ luꞈ baˆ kʼoˆ mehˬ dzaˬ maˬ yehˬ-euˬ tsawˇ haˬ meh. Dawˬ tawˆ luꞈ guiˇ deuˆ gaˇ bi sehꞈ jiˇ-euˬ meh. Aˇ hu dehꞈ-eu miˇ kʼahˬ-ahˇ jawˇ ngeh, aˬ cawˬ aˬ yawꞈ maꞈ-ahˇ guˆ-euˬ meh.

Yeˬsaˬgeˬlaˇ 39:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “ Tsawˇ haˬ zaˬ-oˇ, Meˬshehˆ miˇ kʼahˬ hawˇ-eu Tuˇbaˬlaˇ miˇ kʼahˬ laꞈ kʼoeˇ, sahˬpaˬ dawˬ tawˆ kʼoeˇ taˆ huiˬ dzehˬ-eu sahˬpaˬ pyeuꞈ-eu Gawˇgaˆ-ahˇ deuˬ leˇ ni dawˬ ngehˬ-awˇ, ngaˇ aˬ yawꞈ-ahˇ muiˇ-eu meh lehˇ ehˇ nehˬ-awˬ.

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Daˬyeˬlaˇ 11:18

Kʼoeˇ naˇ, iˬ ma laˆ shaˆ paw neh aˬ cawˬ miˇ kʼahˬ-ahˇ aˬ yawꞈ guiˇ deuˆ-awˇ, gʼawˬ mya kʼahˬ-ahˇ deuˆ gʼaˬ tehꞈ-a. Ehˇ kʼawꞈ, aˬ cawˬ tsawˇ jeuˬ-euˬ aˬ yuiꞈ aˬ tsu tiˬ gʼaˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ neh aˬ dzawˬ aˇ gah gah-euˬ jeˬ aˇ saˬ bi saˬ tehꞈ-a. Aˬ diˇ aˬ maˇ Suˇliˆ sahˬ paˬ neh mˇ-euˬ yaw doeˇ jeˬ, Suˇliˆ sahˬ paˬ kʼoeˇ taˆ paˇ keuˆ le ni aˬ yawꞈ jahˇ kʼoꞈ nehˬ tehꞈ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Zeˬpaˬniˇ 3:10

Suˬdaˬ miˇ kʼahˬ gaˇ mahˇ kaˬ gaˇ, cehˆ jawˇ-iˇ-euˬ tsawˇ haˬ deuˬ kʼawꞈ, ngaˬ-ahˇ lawˇ laˇ shehˇ laˇ tehꞈ-a.

Maˬlaˬkiˇ 1:11

Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ ngaˬ-ahˇ yaw zeu baw luꞈ meh. Yawˬ gaˇ na luꞈ aˬ yawꞈ maꞈ ngaˬ-ahˇ tsiˇ yaw saw jeˬ doꞈ damˬ-awˇ, ngaˇ nui ma tsaˬ-eu lawˇ-eu shehˇ-eu jeˬ mˇ luꞈ meh. Aˬ yawꞈ maꞈ dawˬ tawˆ luꞈ ngaˬ-ahˇ yaw zeu baw meh.

Maꞈtehˬ 28:19

Kʼoeˇ miˇ neh, miˇ tsaˬ tsawˇ jeuˬ dawˬ tawˆ luꞈ jawˇ gaˇ iˇ doe-awˇ, ngaˬ-euˬ zaˬ lahˇ pyeuꞈ laˇ ni mˇ-iˇ-awˬ. Aˬda Miˬyehˇ, Zaˬmaˇ Miˬyehˇ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ tsawˇ myahˇ uˬ moˆ, aˬ yawꞈ maꞈ-ahˇ iˇ cuꞈ shawˇ nehˬ-awˬ.

Maˬkuˆ 16:15

Aˬ yawꞈ maꞈ-ahˇ aˬ yawꞈ ehˇ nehˬ-eu, “Miˇ tsaˬ tahˬ kʼawˇ heu doe ni iˇ-awˇ, tsawˇ jeuˬ dawˬ tawˆ luꞈ-ahˇ Laˬ kʼaˬ cehˇ-eu Guiˬ lahˬ dawˬ mehˬ-iˇ-awˬ.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Lormav 15:21

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Aˬ yawꞈ gaˇ kawˆ maˬ gaˬ-euˬ deuˬ, aˬ yawꞈ-ahˇ ya mawˇ haw tehꞈ-a. Aˬ yawꞈ-euˬ dawˬ maˬ gaˬ-euˬ deuˬ, ya gaˬ-awˇ gʼoˆ shaw geuꞈ tehꞈ-a.”

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.