Iˇsaˬyaˇ 53:3 - Akha

³ Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Iˇsaˬyaˇ 53:3 Σταυροειδείς Αναφορές

Jaceuq 69:29

Ehˇ kʼawꞈ, ngaˇ shaˬ zahˬ naꞈ-awˇ nui ma cawˆ dui dui nya. Miˬyehˇ-oˇ, ngaˬ-ahˇ ciˬ tuˇ-awˇ, ka kʼoꞈ nehˬ laꞈ-awˬ.

Jaceuq 88:4

Shiˇ-eu miˇ kʼahˬ-ahˇ iˇ luꞈ-eu tsawˇ haˬ deuˬ-ahˇ duˇ leˇ-awˇ, gʼaˬ tiˬ pawꞈ-iˬ maˬ paˇ ahˇ miˇ-a.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Iˇsaˬyaˇ 52:14

Tsawˇ haˬ gʼawˬ mya ni aˬ yawꞈ-ahˇ ya tsawˬ guˆ-iˇ tehꞈ-a. Aˬ yawꞈ-euˬ shiˬ shaˬ cawˆ dui dui-iˇ-awˇ, tsawˇ haˬ-ahˇ tiˬ pawꞈ-iˬ maˬ duˇ leˇ-a.

Iˇsaˬyaˇ 53:10

Sahˬpaˬ Miˬyehˇ ehˇ-eu, “Shaˬ-eu zahˬ-eu jeˬ-ahˇ aˬ yawꞈ daˬ-eu gʼaˇ duˬ, ngaˇ nui ma tsaˬ-eu ma. Aˬ yawꞈ ya shiˇ-euˬ gaˇ kawˆ-aˬ, iˬ baˇ gʼaˇ duˬ lawˇ dah nehˬ-eu jeˬ meh. Kʼoeˇ miˇ neh aˬ yawꞈ-euˬ zaˬ deuˬ uˆ deuˬ-ahˇ aˬ yawꞈ ya mawˇ-awˇ, aˬ yawꞈ ziˇ baw ziˇ za tehꞈ-a. Aˬ yawꞈ laꞈ kʼoeˇ ngaˬ neh noeˬ taˬ-euˬ jeˬ byah laˇ tehꞈ-a.

Iˇsaˬyaˇ 53:4

“Ehˇ kʼawꞈ, aˬ dui ya daˬ paˬ-ehˇ gʼeh-eu shaˬ zahˬ dawˬ tawˆ, aˬ yawꞈ neh daˬ dzeuˇ jiˇ-euˬ meh. Aˬ yawꞈ kʼaˇ ya daˬ-eu shaˬ zahˬ dawˬ tawˆ, Miˬyehˇ neh kʼehˬ-euˬ nga lehˇ aˬ dui noeˬ-eu meh.

Miˇkaˬ 5:1

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ-euˬ guiˇ maꞈ deuˬ kuˇ uiˬ-awˬ. Aˬ dui maꞈ-ahˇ aˬ cawˬ jawˬ lahˇ taˬ-euˬ meh. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ baˬ ba-ahˇ aˬ yawꞈ maꞈ daˇ cuiˇ neh juiꞈ-eu lehˇ gʼeh luꞈ meh.

Zaˬkaˬliˇ 11:8

Yawˇ bo-eu yaw sahˇ smˇ gʼaˬ nehˬ-ehˇ ngaˇ maˬ tsaˬ leˇ-ehˇ, ba la tiˬ siˬ laꞈ kʼoeˇ aˬ yawꞈ maꞈ-ahˇ ngaˇ byehˇ dzeh-euˬ ma.

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Maꞈtehˬ 27:63

Aˬ yawꞈ maꞈ sahˬ paˬ Piˇlaˆ-ahˇ ehˇ nehˬ-eu, “Sahˬ paˬ-oˇ, jaꞈ myawꞈ aˬ da kʼoeˇ gʼaˬ maˬ shiˇ mi naˆ-ehˇ, smˬ nah byah laˇ naˇ Miˬyehˇ aˬ yawꞈ-ahˇ paˇ bi gʼoꞈ dehꞈ laˇ meh lehˇ aˬ yawꞈ ehˇ-eu nga maꞈ ya gaˬ taˬ-euˬ ma.

Maˬkuˆ 10:33

“Naˇ haˬ sheˇ. Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Kʼoeˇ gaˇ, Tsawˇhaˬ-euˬ Zaˬmaˇ-ahˇ, piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ-euˬ aˬ laꞈ laꞈ kʼoeˇ aˬ cawˬ a nehˬ-awˇ, aˬ yawꞈ ya shiˇ ni aˬ yawꞈ maꞈ yaˇ kʼaˬ daˇ tehꞈ-a. Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ laꞈ-ahˇ a nehˬ tehꞈ-a.

Maˬkuˆ 10:34

Aˬ cawˬ tsawˇ jeuˬ neh aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, duˬ kʼaˬ bi kʼa daˆ-awˇ, yahˬ caˆ neh bi juiꞈ-awˇ, bi sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maˬkuˆ 14:34

Aˬ ha smˇ gʼaˬ-ahˇ aˬ yawꞈ ehˇ nehˬ-eu, “Ngaˬ-euˬ nui ma laꞈ kʼoeˇ shaˬ zahˬ mˇ-eu shiˇ taw tehˬ ni miˇ-a. Heu gaˇ jawˇ-awˇ loꞈ tawˬ-awˬ.”

Maˬkuˆ 15:19

Kʼoeˇ naˇ, aˇ toꞈ aˇ kahˬ neh aˬ yawꞈ-euˬ uˬ duˬ-ahˇ diˬ-awˇ, duˬ kʼaˬ kʼa daˆ kʼa daˆ-ehˇ, aˬ yawꞈ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ niˇ gʼa-euˬ meh.

Maˬkuˆ 9:12

Yeˬsuˇ ehˇ-eu, “Yawˬ jeˬ na luꞈ lehˬ hmˬ laˆ saˆ le-eu gʼaˇ duˬ, Eˇliˇyaˆ jeˬ huˬ ya oe tehꞈ-a. Ehˇ kʼawꞈ, Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ-awˇ, aˬ cawˬ neh bi byehˇ dzeh tehꞈ-a lehˇ, Jaˇliꞈ laꞈ kʼoeˇ aˬ jeˬ miˇ neh ehˇ taˬ ta.

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Luˇkaꞈ 19:41

Aˬ yawꞈ meuˬ dawˬ peh le keuˆ-awˇ, meuˬ-ahˇ ya mawˇ ngeh, meuˬ-euˬ gʼaˇ duˬ tsawˇ ngoeˇ ngoeˇ-awˇ,

Luˇkaꞈ 8:53

Kʼoeˇ ngeh, aˬ yawꞈ maꞈ dawˬ tawˆ luꞈ, aˬ yawꞈ-ahˇ uiˇ-eu meh. Aˬ jeˬ miˇ neh ehˇ naˇ, aˬ yawꞈ shiˇ tsehˆ taˬ-euˬ aˬ yawꞈ maꞈ siˬ duˬ-eu meh.

Luˇkaꞈ 9:22

Aˬ yawꞈ ehˇ-eu, “Tsawˇhaˬ-euˬ Zaˬmaˇ-aˬ, gʼawˬ mya jeˬ-ahˇ ya daˬ dui dui-awˇ, tsawˇ mawˬ tsawˇ kʼaˆ deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ neh bi byehˇ dzeh tehꞈ-a. Aˬ cawˬ neh bi sehꞈ gaˇ keuˆ ni ya daˬ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ neh aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Yoˇhaˬ 11:35

Yeˬsuˇ myaˆ biˇ doˆ le-euˬ meh.

Yoˇhaˬ 8:48

Aˬ yawꞈ maꞈ Yeˬsuˇ-ahˇ ehˇ-eu, “Nawˇ-aˬ, Saˬmaˬliˆ tsawˇ haˬ pyeuꞈ-awˇ, nawˬ-euˬ laꞈ kʼoeˇ nehꞈ uˇ ngaˇ lehˇ nga maꞈ ehˇ-eu maˬ tsaˬ nya loˇ.”

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.