Iˇsaˬyaˇ 38:3 - Akha

³ “Sahˬpaˬ Miˬyehˇ-oˇ, nawˬ-euˬ gaˇ-ahˇ, ngaˇ saˇ jaˇ ziꞈ-eu laꞈ kʼoeˇ mˇ-awˇ, nawˇ bi mˇ mawꞈ-eu jeˬ-ahˇ ngaˇ aˬ myah luꞈ leh jeh-awˇ mˇ-euˬ gaˇ taˬ ngehˇ nehˬ laꞈ.” Kʼoeˇ naˇ, aˬ yawꞈ yaw kʼaˆ-ehˇ ngoeˇ-euˬ meh.

Iˇsaˬyaˇ 38:3 Σταυροειδείς Αναφορές

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

1 Sahˬpaˬ 15:14

Lawˇ ciꞈ zaˬ deuˬ uˬ duˬ tahˬ-euˬ jawˇ duˬ dawˬ tawˆ luꞈ-ahˇ Aˬsaˬ maˬ laˆ cawˆ jiˇ-euˬ kʼawꞈ, aˬ yawꞈ-euˬ tiˬ ziˇ Sahˬpaˬ Miˬyehˇ-ahˇ saˇ jaˇ ziꞈ-awˇ dehꞈ-euˬ meh.

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

2 Sahˬpaˬ 18:3

Aˬ yawꞈ-euˬ aˬ poeˬ sahˬ paˬ Daˬbiˇ-ahˇ aˬ yawꞈ dzaw geuꞈ-awˇ, Sahˬpaˬ Miˬyehˇ nui ma tsaˬ-eu jeˬ mˇ-euˬ meh.

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Laˬsaˬbaˬ 29:19

Nawˬ neh kʼaˇ mehˬ kʼaˇ tsoˆ nehˬ-euˬ yawˬ jeˬ na luꞈ-ahˇ naˇ haˬ geuꞈ mawꞈ-eu nui ma tiˬ byah ni ahˇ-awˇ, ngaˬ neh lehˬ hmˬ dah taˬ-euˬ Uˬ duˬ tahˬ nymˇ nymˇ ma heu nymˇ tsoˆ doˆ nya ni, ngaˬ li Sawˇlaˬmoˬ-ahˇ nawˇ ngehˬ gʼeh dah teˬ nehˬ-awˬ.”

1 Laˬsaˬbaˬ 29:9

Iˇsaˬleˬlaˆ tsawˇ haˬ deuˬ nui ma keuˆ-eu laꞈ kʼoeˇ Sahˬpaˬ Miˬyehˇ-ahˇ damˬ nehˬ-awˇ, pyuˇ shuiˇ myawˬ gahˬ gʼawˬ mya ni uiˬ laˇ taˬ-euˬ gaˇ ya mawˇ ngeh, aˬ yawꞈ maꞈ laˬ kʼaˬ cehˇ-eu meh. Sahˬ paˬ Daˬbiˇ kʼawꞈ laˬ kʼaˬ cehˇ dui dui-eu meh.

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

2 Laˬsaˬbaˬ 25:2

Sahˬpaˬ Miˬyehˇ nui ma tsaˬ-euˬ jeˬ-ahˇ aˬ yawꞈ mˇ-euˬ meh. Ehˇ kʼawꞈ, nui ma keuˆ-awˇ mˇ-euˬ maˬ ngeuˇ-a.

Eˇzaˬlaˬ 10:1

Eˇzaˬlaˬ ngoeˇ ngoeˇ-ehˇ iˬ baˇ kʼoeˇ deuˬ shaˇ pyehˬ-eu laꞈ kʼoeˇ Uˬ duˬ tahˬ nymˇ nymˇ ma mehˬ shi pawˬ tsuiꞈ paw dmˬ dmˬ-awˇ guiˬ lahˬ shaˇ luꞈ ngeh, Iˇsaˬleˬlaˆ tsawˇ jeuˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ kʼawꞈ ngoeˇ ngoeˇ-ehˇ aˬ yawꞈ dawˬ peh uiˬ laˇ-euˬ meh.

Neˬhaˬmiˇ 1:4

Gaˇ kawˆ kʼoeˇ deuˬ-ahˇ ngaˇ ya gaˬ ngeh, nuiˇ-awˇ ngoeˇ-euˬ ma. Gʼawˬ mya nah byah ni ngaˇ maˬ dzaˬ maˬ dawˇ-ehˇ ngoeˇ-eu laꞈ kʼoeˇ, Miˬyehˇ-ahˇ heu loꞈ-ehˇ guiˬ lahˬ shaˇ-euˬ ma.

Neˬhaˬmiˇ 13:14

Ngaˬ-euˬ Miˬyehˇ-oˇ, nawˬ-euˬ Uˬ duˬ tahˬ nymˇ nymˇ ma hawˇ-eu kʼoeˇ gaˇ nawˬ-ahˇ uˬ duˬ ya tahˬ ni ngaˬ neh leh jeh-euˬ gaˇ heu deuˬ-ahˇ noeˬ keuˆ-eu laꞈ kʼoeˇ yawˬ ngehꞈ-ehˇ taˬ bi pyeuꞈ-iˇ nehˬ laꞈ.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Jaceuq 101:2

Ngaˬ-euˬ dehꞈ jeˬ dehꞈ kawˆ iˬ baˇ taˬ kʼaˇ maˬ za. Ngaˇ jawˇ gaˇ nawˇ aˬ myah oe-eu gʼeh te. Ngaˬ-euˬ nymˇ laꞈ kʼoeˇ ngaˇ shawˇ jehˆ ni dehꞈ ma.

Jaceuq 102:9

Kʼaˬ lehˇ-ahˇ hawˬ loꞈ-ehˇ ngaˇ dzaˬ-awˇ, myaˆ biˇ keuˬ-eu iˇ cuꞈ dawˇ luꞈ-eu ma.

Jaceuq 119:80

Nawˬ-euˬ zahˇ dawˬ kʼoꞈ dawˬ-ahˇ ngaˇ tiˬ byah tiˬ loꞈ naˇ haˬ geuꞈ-eu miˇ neh, daˬ maˬ ga ni bi dehꞈ laꞈ luꞈ-uˇ.

Jaceuq 16:8

SahˬpaˬMiˬyehˇngaˬnehˇjawˇ-eu, aˬmyah luꞈ ngaˇsiˬnya-eu ma. Ngaˬ-euˬdawˬpeh aˬyawꞈjawˇ-awˇ, laˆciˆ laˇ-eu jeˬ maˬjaˆ-a.

Jaceuq 26:3

Maˬtsehˆleˇ-eu nawˇgaˬ-eu jeˬ, ngaˬ-euˬmyaˆnuiˆmehˬshi jaˆ-awˇ, nawˬ-ahˇsaˇjaˇziꞈ-eu laꞈkʼoeˇ, ngaˇdehꞈgʼeh jawˇgʼeh luꞈ-eu ma.

Jaceuq 32:2

SahˬpaˬMiˬyehˇyaw lehˬmaˬno, jaˬmyawꞈmehˇshuiˇlaw-eu tsawˇhaˬ, guiˬlahˬhuiˬ-eu tsawˇhaˬmeh.

Jaceuq 6:6

Noeˬshaˬ-awˇ gʼaˬbaˬdui dui nya. Yawˬmiˇnaluꞈ ngoeˇ-eu oꞈ-awˇ, yuꞈzaˇ myaˆbiˇ iˇjeuˬjeuˬnya.

Jaceuq 6:8

Yaw haiˬjeˬmˇ-eu tsawˇhaˬ-oˇ, ngaˇjawˇgaˇneh doˆ-iˇjiˇ-awˬ. Ngaˬneh ngoeˇ-euˬteˇsaˇ heu-ahˇ, SahˬpaˬMiˬyehˇ gaˬgʼaˬ-euˬmeh.

Iˇsaˬyaˇ 38:2

Heˬsaˬgiˇ-aˬ, kaˇ pyawˇ-ahˇ myaˆ pyawˬ ciˬ daˬ-awˇ heu loꞈ-ehˇ guiˬ lahˬ shaˇ-euˬ meh.

Iˇsaˬyaˇ 38:4

Kʼoeˇ naˇ, Iˇsaˬyaˇ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Hawˇseˬ 12:4

Mˬ taˆ gʼaˬ kʼehˇ-ahˇ dawꞈ gʼaˬ-awˇ, ngoeˇ-awˇ guiˬ lahˬ shaˇ geuꞈ-euˬ meh. Beˬdeˬlaˇ lehˇ kuˇ-eu tsahˇ-ahˇ, Miˬyehˇ aˬ yawꞈ jawˇ gaˇ oe-awˇ, aˬ yawꞈ-ahˇ dawˬ ngehˬ cawˬ-euˬ meh.

Yoˇhaˬ 1:47

Naˬdaˬneˬlaˇ aˬ yawꞈ jawˇ gaˇ laˇ luꞈ-eu ya mawˇ ngeh, Yeˬsuˇ ehˇ-eu, “Maˇ maˇ ni gʼeh-eu Iˇsaˬleˬlaˆ tsawˇ haˬ laˇ ngaˇ. Aˬ yawꞈ laꞈ kʼoeˇ jaˬ myawꞈ myawꞈ-eu jeˬ tiˬ pawꞈ-iˬ maˬ ahˇ-a.”

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

Dawˬmehˬ 6:18

Naw maꞈ yaw muiˬ paˬ-ehˇ ya dehꞈ dzaˬ ni, Sahˬpaˬ Miˬyehˇ neh muiˬ meh tsaˬ meh lehˇ ehˇ taˬ-euˬ jeˬ-ahˇ mˇ-awˬ. Naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ baw le za le-eu miˇ kʼahˬ kʼoeˇ kʼahˬ naw maꞈ za tehꞈ-a.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

HeˬByehˇ 6:10

Miˬyehˇ-aˬ, dawˇ coe ni yaˇ kʼaˬ daˇ-eu gʼaˬ meh. Naw maꞈ neh mˇ-euˬ gaˇ deuˬ-ahˇ aˬ yawꞈ maˬ ngehˇ-a. Naw maꞈ neh Ka li zaˬ cawˬ cawˬ caw ba dzeuˇ-euˬ laꞈ kʼoeˇ maˬ ehˇ, nymˬ-mˇ caw ba luꞈ-eu laꞈ kʼoeˇ maˬ ehˇ, aˬ yawꞈ-euˬ gʼoeˇ-eu gaˬ-eu jeˬ aˬ cawˬ mawˇ nya ni naw maꞈ neh mˇ-euˬ jeˬ-ahˇ maˬ ngehˇ-a.