Iˇsaˬyaˇ 3:23 - Akha

²³ shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.

Iˇsaˬyaˇ 3:23 Σταυροειδείς Αναφορές

Aˇ dahˬ 24:65

“Deh ga paw neh aˬ dui maꞈ jawˇ paw laˇ luꞈ-eu tsawˇ haˬ kʼoeˇ gʼaˬ aˬ suˇ gʼaˬ-a” lehˇ, Aˬbyaˬhaˬ-euˬ zaˬ kʼaˆ-ahˇ aˬ yawꞈ naˇ haˬ ngeh, “Ngaˬ-euˬ baw leˬ meh” lehˇ, zaˬ kʼaˆ kʼoeˇ gʼaˬ ehˇ kʼoꞈ nehˬ-euˬ meh. Kʼoeˇ ngeh, Leˬbehˇkaꞈ paˇ jeh yuˇ doˆ-awˇ, yawˬ ha-euˬ myaˆ pyawˬ-ahˇ dehˬ kaˬ-euˬ meh.

Aˇ dahˬ 41:42

Sahˬ paˬ kʼoeˇ gʼaˬ-aˬ, sahˬ paˬ-euˬ jmˬ diˬ taˬ-euˬ aˬ yawꞈ-euˬ shuiˇ laꞈ behˬ lehˆ doˆ-awˇ, Yoˇsehˆ-ahˇ bi behˬ-euˬ meh. Yoˇsehˆ-ahˇ muiˬ dui dui-eu pehˇ kʼahˬ pehˇ mahˇ bi dm-awˇ, shuiˇ lawˇ dah bi dah-euˬ meh.

1 Laˬsaˬbaˬ 15:27

Daˬbiˇ-aˬ, shawˇ jehˆ ni gʼeh-eu saˬ paˇ paˇ pyuˇ neh guꞈ taˬ-euˬ muiˬ dui dui-eu pehˇ kʼahˬ pehˇ mahˇ dm-awˇ, caˇ dawˬ caˇ-eu deuˬ maˬ ehˇ, aˬ yawꞈ maꞈ kʼoeˇ taˆ aˬ yuiꞈ geuꞈ-eu Sheˬnaˬniˇyaˆ maˬ ehˇ, Dawˬ ma saˇ jaˇ Bahˬ keuˆ baꞈ-eu Leˬbiˇ tsawˇ haˬ deuˬ maˬ ehˇ, kʼoeˇ loꞈ-ehˇ dm luꞈ-eu meh. Daˬbiˇ-aˬ, pehˇ kʼahˬ pehˇ nymˇ tiˬ kahˇ kʼawꞈ dm luꞈ-eu meh.

Doˆ-iˇ 38:8

Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ gaˇ mˇ-eu zaˬ miˬ zaˬ deuˬ-euˬ kʼaw teuꞈ ba la deuˬ yuˇ uiˬ-awˇ, guiˬ shuiˇ sehˇ byehˇ hawˇ-eu kʼoeˇ-euˬ aˬ kuiˇ jahˇ-euˬ meh.

Dawˬ caˇ 5:7

Meuˬ-ahˇ loꞈ piˇ-eu tsawˇ haˬ deuˬ ngaˬ-ahˇ tahˬ puˬ le-awˇ, diˬ naˇ diˬ gawˇ nehˬ laꞈ-euˬ meh. Meuˬ meuˬ lahˇ-ahˇ loꞈ piˇ-eu deuˬ, ngaˬ-euˬ uˬ boeˬ gʼeu pyaˬ nehˬ laꞈ-euˬ meh.

Iˇsaˬyaˇ 3:22

muiˬ-eu pehˇ kʼahˬ pehˇ mahˇ, pi di di mahˇ, pehˇ kʼahˬ pehˇ lmˇ hawˇ-eu laꞈ sheu pehˇ tahˇ maˬ ehˇ,

Iˇsaˬyaˇ 3:24

Tsiˇ yaw saw jeˬ maˬ paˇ ya lehꞈ ni, uˬ nyawˬ behꞈ laꞈ tehꞈ-a. Joꞈ dzahˬ maˬ paˇ ya dzahˬ ni, aˇ caˆ caˆ pyehꞈ ya dzahˬ tehꞈ-a. Haw muiˬ dui dui-eu uˬ duˬ tsehˇ kahˇ maˬ paˇ tsoꞈ ni, uˬ duˬ buˇ coeˆ ni jaˆ tehꞈ-a. Muiˬ dui dui-eu pehˇ kʼahˬ pehˇ mahˇ maˬ paˇ ya dm ni, guˬ daˇ pehˇ zeuˇ ya tsahˇ lahˇ tehꞈ-a. Yaw beh aˇ gʼehˇ muiˬ-euˬ kʼawꞈ, shaꞈ dawˇ dui dui paˬ-ehˇ pyeuꞈ-iˇ tehꞈ-a.

Iˇsaˬyaˇ 47:2

Kʼaˬ lo lo lehˬ ngawˬ-awˇ cehˇ meu lehˬ-awˬ. Uˬ boeˬ lehˆ-awˇ, mehˬ tsoeˬ yaw muiˬ lehˆ-awˬ. Laˬ gʼaˬ sheu luiˆ daˆ-awˇ lawˇ baˬ tsehˆ-awˬ.

Yeˬsaˬgeˬlaˇ 16:10

Aˇ boꞈ aˇ yehˆ yehˆ taˬ-euˬ pi di di mahˇ bi dm-awˇ, muiˬ dui dui-eu shaˬ kʼoˆ neh guꞈ taˬ-euˬ sehˬ nawˆ bi nawˬ-euˬ ma. Shawˇ jehˆ ni gʼeh-eu saˬ paˇ neh guꞈ taˬ-euˬ uˬ dzahˬ bi dzahˬ-awˇ, boeˬ kahˇ neh zaꞈ taˬ-euˬ pehˇ kʼahˬ bi dm-euˬ ma.

Zaˬkaˬliˇ 3:5

Yawˇshuˆ-ahˇ uˬ dzahˬ yaw shawˇ bi dzahˬ-eu gʼaˇ duˬ, aˬ yawꞈ mehˬ shi yawꞈ luꞈ-eu kʼoeˇ deuˬ-ahˇ aˬ yawꞈ dawˬ biꞈ ngeh, aˬ yawꞈ maꞈ Yawˇshuˆ-ahˇ uˬ dzahˬ bi dzahˬ-awˇ, mehˬ tsoeˬ yaw shuiꞈ bi dm-euˬ meh. kʼoeˇ ngeh, Sahˬpaˬ Miˬyehˇ-euˬ mˬ taˆ gʼaˬ kʼehˇ kʼoeˇ gʼaˬ kʼoeˇ gaˇ yawꞈ luꞈ-eu meh.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Panmaeq 19:14

Mˬ taˆ guiˇ maꞈ deuˬ mahˬ mahˬ pyuˇ dziˬ-awˇ, shawˇ jehˆ ni gʼeh-eu saˬ paˇ paˇ pyuˇ dm-awˇ, aˬ yawꞈ-euˬ mehˬ nah caw teh-eu meh.

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

Luˇta 3:15

“Nawˬ-euˬ pehˇ kʼahˬ pehˇ mahˇ lehˆ-awˇ, heu gaˇ kʼawˬ-awˬ” lehˇ, Luˇta-ahˇ Bawˇza ehˇ nehˬ-euˬ meh. Luˇta pehˇ kʼahˬ lehˆ-awˇ kʼawˬ ngeh, cehˇ tiˬ joꞈ dzehˬ ni shehˆ ahˇ nehˬ-awˇ, baꞈ pu kʼoeˇ taˆ baꞈ daˆ nehˬ-euˬ meh. Kʼoeˇ ngeh, Luˇta cehˇ kʼoeˇ daˬ-awˇ, meuˬ-ahˇ gʼoꞈ leˇ-euˬ meh.