Iˇsaˬyaˇ 3:19 - Akha

¹⁹ laꞈ du-ahˇ kʼaˇ duꞈ luꞈ-eu jeˬ maˬ ehˇ, myaˆ pyawˬ-ahˇ tsahˇ kaˬ-eu jeˬ maˬ ehˇ,

Iˇsaˬyaˇ 3:19 Σταυροειδείς Αναφορές

Aˇ dahˬ 24:22

Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.

Aˇ dahˬ 24:30

Aˬ yawꞈ dmˇ ma-euˬ naˇ mehˇ-ahˇ geuꞈ luꞈ-eu shuiˇ laꞈ behˬ-ahˇ maˬ ehˇ, laꞈ du-ahˇ duꞈ taˬ-euˬ shuiˇ laꞈ duꞈ-ahˇ maˬ ehˇ, aˬ yawꞈ ya mawˇ gʼaˬ-euˬ uˬ taꞈ, tsawˇ haˬ kʼoeˇ gʼaˬ aˬ yawꞈ-euˬ dmˇ ma-ahˇ aˬ joˆ-ehˇ ehˇ nehˬ-euˬ gaˇ kawˆ aˬ yawꞈ-euˬ dmˇ ma paˇ dzawˇ poˆ gaˇ aˬ yawꞈ ya gaˬ-euˬ meh. Kʼoeˇ ngeh, lah duˬ dawˬ peh law taw deuˬ nehˬ-ehˇ yawꞈ luꞈ-eu Aˬbyaˬhaˬ-euˬ zaˬ kʼaˆ jawˇ gaˇ aˬ yawꞈ iˇ-euˬ meh.

Aˇ dahˬ 24:53

Kʼoeˇ naˇ, dm gʼaˬ dm lmˇ hawˇ-eu pyuˇ myawˬ guˇ, shuiˇ myawˬ guˇ deuˬ aˬ yawꞈ yuˇ doˆ-awˇ, Leˬbehˇkaꞈ-ahˇ biꞈ-euˬ meh. Leˬbehˇkaꞈ-euˬ aˬ mahˇ aˬ da hawˇ-eu aˬ ma gʼaˬ-ahˇ kʼawꞈ, aˇ poeˬ kʼaˆ-eu myawˬ deuˬ aˬ yawꞈ biꞈ-euˬ meh.

Aˇ dahˬ 35:4

Kʼoeˇ ngeh, tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ naˬ bawˇ naˬ yoˆ deuˬ, Yaˬkoˆ-ahˇ aˬ yawꞈ maꞈ biꞈ nehˬ-euˬ meh. Myawˬ kʼoeˇ deuˬ-ahˇ Yaˬkoˆ yuˇ-awˇ, Sheˬkmˬ meuˬ dawˬ peh bawˇ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ yaꞈ-euˬ meh.

Aˇ dahˬ 38:18

“Ngaˬ neh ehˇ-euˬ dawˬ heu yaw duˬ yaw ciˇ baw ni, ngaˇ nawˬ-ahˇ aˬ jeˬ ya biꞈ dah tawˬ nmˇ” lehˇ Yuˇdaˆ ehˇ ngeh, “Lawˇ dah aˇ caˆ tsoꞈ-eu nawˬ-euˬ juˬ hawˇ-eu, nawˬ-euˬ gawˬ yoeˬ ngaˬ-ahˇ biꞈ dah yaꞈ-awˬ” lehˇ, zaˬ miˬ zaˬ kʼoeˇ gʼaˬ ehˇ-eu meh. Zaˬ miˬ zaˬ kʼoeˇ gʼaˬ kʼaˇ ehˇ-eu loꞈ-ehˇ Yuˇdaˆ biꞈ dah nehˬ yaꞈ-euˬ meh. Kʼoeˇ naˇ, aˬ yawꞈ nyaꞈ yuꞈ taꞈ-awˇ, zaˬ miˬ zaˬ kʼoeˇ gʼaˬ aˬ nyiˇ pi leˇ-euˬ meh.

Aˇ dahˬ 38:25

Aˬ cawˬ Taˬmaˬ-ahˇ sheuˬ doˆ leꞈ ngeh, Yuˇdaˆ jawˇ gaˇ Taˬmaˬ heu loꞈ-ehˇ dawˬ tsaꞈ tsaꞈ ahˇ gʼeh-euˬ meh. “Ngaˇ-aˬ, mˇ myawˬ heu deuˬ-euˬ yaw sahˇ gʼaˬ nehˬ-ehˇ jawˇ-awˇ aˬ nyiˇ pi leˇ-euˬ ma. Mˇ myawˬ heu deuˬ aˬ suˇ gʼaˬ-euˬ mˇ myawˬ pyeuꞈ-eu nga lehˇ, lawˇ dah aˇ caˆ tsoꞈ-eu juˬ heu hmˬ hawˇ-eu, gawˬ yoeˬ heu kahˇ-ahˇ haw-awˬ.”

Doˆ-iˇ 32:2

Kʼoeˇ ngeh, “Naw maꞈ-euˬ miˬ zaˬ deuˬ hawˇ-eu aˬ buˇ aˬ li deuˬ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ-awˇ, ngaˇ jawˇ gaˇ yuˇ laꞈ-awˬ” lehˇ, aˬ yawꞈ maꞈ-ahˇ Aˬloˬ ehˇ nehˬ-euˬ meh.

Doˆ-iˇ 32:3

Kʼoeˇ naˇ, tsawˇ haˬ dawˬ tawˆ luꞈ, yawˬ ha kʼaˇ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ jiˇ-awˇ, Aˬloˬ jawˇ gaˇ yuˇ laꞈ-euˬ meh.

Doˆ-iˇ 35:22

Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nui ma keuˆ-eu tsawˇ haˬ yawˬ gʼaˬ na luꞈ, aˇ boꞈ boꞈ taˬ-euˬ taꞈ cmˬ deuˬ, shuiˇ naˬ bawˇ naˬ yoˆ deuˬ, shuiˇ laꞈ behˬ deuˬ, lahˇ dah deuˬ hawˇ-eu, kʼaˇ jaˆ-eu shuiˇ myawˬ guˇ deuˬ yuˇ laꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.

Iˇsaˬyaˇ 3:18

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ gʼeh-eu jeˬ dawˬ tawˆ luꞈ-ahˇ, Sahˬpaˬ Miˬyehˇ yuˇ dzeh nehˬ-eu aˇ nah keuˆ le tehꞈ-a. Aˬ kuiˇ-ahˇ kʼaˇ duꞈ luꞈ-eu jeˬ maˬ ehˇ, uˬ duˬ-ahˇ kʼaˇ geuꞈ luꞈ-eu jeˬ maˬ ehˇ, kawˬ lahˇ-ahˇ kʼaˇ dah luꞈ-eu jeˬ maˬ ehˇ,

Iˇsaˬyaˇ 3:20

uˬ duˬ-ahˇ tsahˇ lahˇ-eu jeˬ maˬ ehˇ, laꞈ du-ahˇ duꞈ luꞈ-eu baˬ ya laꞈ duꞈ hawˇ-eu joꞈ-ahˇ dzahˬ luꞈ-eu baˬ ya joꞈ dzahˬ maˬ ehˇ,

Yeˬsaˬgeˬlaˇ 16:11

Myawˬ guˇ deuˬ bi geuꞈ-awˇ, laꞈ duꞈ lahˇ dah nyehꞈ duꞈ nyehꞈ dah nehˬ-euˬ ma.

Yeˬsaˬgeˬlaˇ 16:12

Naˇ mehˇ naˇ yoˆ hawˇ-eu naˬ tsiˇ naˬ yoˆ bi geuꞈ kuꞈ-awˇ, muiˬ dui dui-eu shuiˇ uˬ kʼoˆ bi kʼoˆ-euˬ ma.

Bawˇtsahˬ 31:50

Kʼoeˇ miˇ neh, nga maꞈ yawˬ gʼaˬ na luꞈ yawˬ ha neh za-euˬ shuiˇ myawˬ guˇ deuˬ, laꞈ duꞈ deuˬ, naˇ mehˇ naˇ yoˆ deuˬ, laꞈ behˬ deuˬ, naˬ bawˇ naˬ yoˆ deuˬ hawˇ-eu lahˇ dah deuˬ yuˇ laꞈ-awˇ, Sahˬpaˬ Miˬyehˇ nga maꞈ-ahˇ haw piˇ nehˬ laꞈ ni, nga maꞈ-euˬ saꞈ laˇ aˇ poeˬ aˬ yawꞈ-ahˇ damˬ nehˬ-eu ma.”