Iˇsaˬyaˇ 3:17 - Akha

¹⁷ Aˬ yawꞈ maꞈ-euˬ uˬ duˬ-ahˇ maˇ naˇ bi naˇ-awˇ, aˬ yawꞈ maꞈ-ahˇ uˬ jehˆ jehˆ nehˬ ma.”

Iˇsaˬyaˇ 3:17 Σταυροειδείς Αναφορές

Dawˬ caˇ 3:11

Ziˇoˬ meuˬ-ahˇ jawˇ-eu zaˬ miˬ zaˬ deuˬ-oˇ, sahˬ paˬ Sawˇlaˬmoˬ-ahˇ haw laˇ sheˇ. Aˬ yawꞈ gʼaˇ duˬ byawˬ dui dui-eu aˇ nah pyeuꞈ-eu, oeˇ mˇ baˇ ngeh nah-ahˇ, aˬ yawꞈ aˬ ma neh nyehꞈ kʼoˆ nehˬ-eu shuiˇ uˬ kʼoˆ kʼoeˇ siˬ aˬ yawꞈ kʼoˆ luꞈ-eu meh.

Iˇsaˬyaˇ 20:4

Miˇ kʼahˬ kʼoeˇ nyiˬ kʼahˬ laꞈ kʼoeˇ Aˬshuˇliˆ sahˬ paˬ neh kʼaˇ bi nyehꞈ-euˬ tsawˇ haˬ deuˬ, neˇ myawˆ ni bi sheuˬ byoˆ gʼeh tehꞈ-a. Zaˬ guˬ tsawˇ kʼaˆ maˬ ehˇ, mehˬ tsoeˬ maˬ dm sehˬ nawˆ maˬ nawˬ ni, dawˬ kʼmˬ mawˇ laˇ mawˇ laˇ-ehˇ ya cah-eu miˇ neh, Iˇjiˇtuˆ miˇ kʼahˬ kʼoeˇ taˆ shaꞈ dawˇ dui dui-eu jeˬ keuˆ le tehꞈ-a.

Iˇsaˬyaˇ 3:16

Sahˬpaˬ Miˬyehˇ ehˇ-eu, “Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ huiˬ gaˇ haw sheˇ. Aˬ yawꞈ maꞈ gaˇ ma cah ngeh kawˬ lahˇ mˇ leuˇ-awˇ, myaˆ nuiˆ haw-eu jahˇ gʼeh-eu jeˬ ahˇ-eu meh. Aˬ yawꞈ maꞈ kuiˇ toꞈ ciˬ-eu mˇ yeuꞈ-awˇ, kuiˇ du-ahˇ duꞈ taˬ-euˬ kuiˇ duꞈ shoe loe shuiˇ luiˇ-ehˇ mahˇ-eu meh.

Iˇsaˬyaˇ 3:18

Yeˬluˇsaˬlehˬ meuˬ-ahˇ jawˇ-eu zaˬ miˬ zaˬ deuˬ jahˇ gʼeh-eu jeˬ dawˬ tawˆ luꞈ-ahˇ, Sahˬpaˬ Miˬyehˇ yuˇ dzeh nehˬ-eu aˇ nah keuˆ le tehꞈ-a. Aˬ kuiˇ-ahˇ kʼaˇ duꞈ luꞈ-eu jeˬ maˬ ehˇ, uˬ duˬ-ahˇ kʼaˇ geuꞈ luꞈ-eu jeˬ maˬ ehˇ, kawˬ lahˇ-ahˇ kʼaˇ dah luꞈ-eu jeˬ maˬ ehˇ,

Yeˬlaˬmiˇ 13:22

Nawˬ-euˬ pi di bi gʼeu paˆ-awˇ, maˬ gʼeh kʼmˬ-eu jeˬ bi gʼeh gaˇ keuˆ ni, aˬ jeˬ miˇ neh nawˇ shaˬ zahˬ naꞈ-eu siˬ mawꞈ miˇ-a loˇ. Guˆ dui dui laˇ paˬ-ehˇ gʼeh-eu nawˬ-euˬ iˬ baˇ baˬ da, nawˇ kʼoeˇ loꞈ-ehˇ ya daˬ-eu meh lehˇ siˬ nya-awˬ.

Uˬ duˬ 21:20

pu lu lu-eu deuˬ maˬ ehˇ, maˬ huiˬ maˬ goˇ loꞈ-eu deuˬ maˬ ehˇ, myaˆ nuiˆ naˇ-eu deuˬ maˬ ehˇ, nyawˬ naˇ-eu deuˬ maˬ ehˇ, uˬ kʼawˇ aˇ nuiˆ maˬ byah-eu deuˬ maˬ ehˇ, lawˇ-eu shehˇ-eu jeˬ maˬ ya mˇ-a.

Miˇkaˬ 1:11

Shaˬpiˇ meuˬ-ahˇ jawˇ-eu tsawˇ haˬ deuˬ-oˇ, shaꞈ dawˇ dui dui paˬ-ehˇ neˇ myawˆ ni aˬ cawˬ-euˬ miˇ kʼahˬ-ahˇ bi nyehꞈ byoˆ gʼeh-awˬ. Zaˬnaˬ meuˬ-ahˇ jawˇ-eu tsawˇ haˬ deuˬ meuˬ laꞈ nyiˇ maˬ doˆ le peuˬ-a. Beˬdeˬzeˬlaˇ meuˬ-ahˇ jawˇ-eu tsawˇ haˬ deuˬ ngoeˇ-eu teˇ saˇ naw maꞈ ya gaˬ ngeh, kʼoeˇ gaˇ cehˆ zaꞈ duˬ maˬ paˇ jaˆ meh lehˇ naw maꞈ siˬ nya-awˬ.

Naˬhmˬ 3:5

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Niˇnaˬbeˬ meuˬ-ahˇ ngaˇ kʼehˬ ma. Miˇ tsaˬ tsawˇ jeuˬ dawˬ tawˆ mehˬ shi, nawˬ-ahˇ ngaˇ mehˬ tsoeˬ lehˆ dzeh-awˇ, neˇ myawˆ ni bi shaꞈ dawˇ sehꞈ ma.

Dawˬmehˬ 28:27

Iˇjiˇtuˆ tsawˇ haˬ deuˬ-ahˇ jahˇ nehˬ-euˬ loꞈ-ehˇ, naw maꞈ-ahˇ Sahˬpaˬ Miˬyehˇ shaˬ ciˬ bi ciˬ laˇ tehꞈ-a. Naw maꞈ-euˬ gʼawˇ mawˇ mawˇ lah-ehˇ maˇ naˇ naˇ byah jiˇ ni Sahˬpaˬ Miˬyehˇ jahˇ tehꞈ-a. Maˇ byahˇ byahˇ-eu miˇ neh gawˇ gawˇ-ehˇ shaˬ kʼawꞈ, taˬ leˇ-eu maˬ baw ni ya jawˇ tehꞈ-a.

Panmaeq 16:2

Kʼoeˇ naˇ, mˬ taˆ gʼaˬ kʼehˇ yaw beh gʼaˬ iˇ-awˇ, aˬ yawꞈ-euˬ naˬ bo miˇ tsaˬ kʼoeˇ taˆ shehˆ daˆ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ neh tsaˬ tsoˆ taˬ-euˬ tsawˇ haˬ deuˬ hawˇ-eu, aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ kʼoeˇ taˆ, gawˇ dui dui-eu maˇ naˇ naˇ-eu jeˬ keuˆ le-euˬ meh.