Iˇsaˬyaˇ 26:9 - Akha

⁹ Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Iˇsaˬyaˇ 26:9 Σταυροειδείς Αναφορές

1 Laˬsaˬbaˬ 16:14

Aˬ dui-euˬ Sahˬpaˬ Miˬyehˇ-aˬ, aˬ dui Miˬyehˇ maˇ maˇ ni ma. Aˬ yawꞈ neh ngehˬ-euˬ dawˬ deuˬ-aˬ, miˇ tsaˬ dawˬ tawˆ luꞈ gʼaˇ duˬ meh.

Jaceuq 105:7

Sahˬpaˬ Miˬyehˇ-aˬ, aˬ dui-euˬ Miˬyehˇ meh. Aˬ yawꞈ-euˬ dawˬ-aˬ, miˇ kʼahˬ dawˬ tawˆ luꞈ gʼaˇ duˬ meh.

Jaceuq 119:55

Sahˬpaˬ Miˬyehˇ-oˇ, uˬ ciꞈ paw nawˬ-ahˇ ngaˇ noeˬ mawˇ-awˇ, nawˬ-euˬ zahˇ dawˬ kʼoꞈ dawˬ gaˇ kawˆ shaˇ noeˬ-eu ma.

Jaceuq 119:62

Tsaˬ dui dawˇ dui dui-eu nawˬ neh yaˇ kʼaˬ daˇ-euˬ jeˬ-ahˇ, uˬ ciꞈ sehˇ gʼahˇ tuˇ-awˇ ja ceuˬ-eu ma.

Jaceuq 130:6

Uˬ ciꞈ paw loꞈ piˇ-eu deuˬ uˬ bya bya laˇ gaˇ noeˬ tmˬ-eu naˆ maˬ tseˇ, uˬ bya bya laˇ gaˇ aˬ yawꞈ maꞈ noeˬ tsoˆ taˬ-euˬ naˆ maˬ tseˇ, Sahˬpaˬ Miˬyehˇ-ahˇ ngaˇ noeˬ tmˬ taˬ-euˬ ma.

Jaceuq 58:11

Kʼoeˇ ngeh, tsawˇ haˬ zaˬ deuˬ heu loꞈ-ehˇ ehˇ tehꞈ-a. “Yaw tsaˬ yaw dawˇ tsawˇ haˬ deuˬ aˬ diˇ aˬ maˇ laꞈ sawˬ za-eu ngaˇ. Miˇ tsaˬ-ahˇ yaˇ kʼaˬ daˇ-eu Miˬyehˇ aˬ diˇ jawˇ law hawˇ nga.”

Jaceuq 63:1

Miˬyehˇ-oˇ, nawˇ-aˬ ngaˬ-euˬ Miˬyehˇ pyeuꞈ-awˇ, nawˬ-ahˇ ngaˇ noeˬ tmˬ luꞈ-eu ma. Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ noeˬ tmˬ luꞈ-eu ma. Iˇ cuꞈ maˬ jaˆ ehˇ koˆ kaˆ ni tsawˬ paˆ-iˇ taˬ-euˬ miˇ tsaˬ tiˬ tsahˇ iˇ cuꞈ mehꞈ-eu loꞈ-ehˇ, ngaˬ-euˬ saꞈ laˇ nawˬ-ahˇ noeˬ tmˬ luꞈ-eu ma.

Jaceuq 63:5

Ngaˬ-euˬ saꞈ laˇ dzaˬ dehˆ dawˇ dehˆ-awˇ, nui kʼahˇ shiˇ tehꞈ-a. Kʼoeˇ naˇ, nawˬ-ahˇ ja ceuˬ-eu caˇ dawˬ laˬ kʼaˬ tiˬ cehˇ ngaˇ caˇ ma.

Jaceuq 64:9

Tsawˇ haˬ dawˬ tawˆ luꞈ ya guˆ-iˇ tehꞈ-a. Miˬyehˇ nui ma pehˇ-eu gaˇ kawˆ aˬ yawꞈ maꞈ ja-awˇ, aˬ yawꞈ neh mˇ-euˬ gaˇ kawˆ shaˇ sawˇ tehꞈ-a.

Jaceuq 78:34

Aˬ yawꞈ maꞈ laꞈ kʼoeˇ tiˬ paˆ na deuˬ-ahˇ kʼaˇ bi shiˇ ngeh, dzeˇ-eu deuˬ aˬ yawꞈ jawˇ paw gʼoꞈ kʼoꞈ laˇ-awˇ, aˬ yawꞈ maꞈ nui ma noeˬ poˆ-eu laꞈ kʼoeˇ, nui ma laꞈ kʼoeˇ keuˆ ni guiˬ lahˬ shaˇ-eu meh.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Dawqdaq 8:17

Ngaˬ-ahˇ gaˬ-eu deuˬ-ahˇ ngaˇ gaˬ-awˇ, ngaˬ-ahˇ leh jeh-awˇ poˆ-eu deuˬ, ngaˬ-ahˇ poˆ mawˇ-eu meh.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Ngoeˇ dawˬ 2:19

Uˬ ciꞈ miˇ lah ni toˇ toˇ-ehˇ, Sahˬpaˬ Miˬyehˇ-ahˇ guˇ gaˬ-awˬ. Meuˬ-euˬ gʼahˇ ceh gaˇ ma doe ni, mehꞈ-eu shuꞈ-eu shiˇ leˇ luꞈ-eu, nawˬ-euˬ aˬ buˇ aˬ li deuˬ-ahˇ, Sahˬpaˬ Miˬyehˇ gʼawˬ shaˬ gaˬ ni, nawˬ-euˬ nui ma tahˬ kʼaˇ nehˬ-awˬ.

Ngoeˇ dawˬ 3:25

Aˬ dui-euˬ Sahˬpaˬ Miˬyehˇ-aˬ, yawꞈ-ahˇ noeˬ tmˬ-eu deuˬ hawˇ-eu, yawꞈ-ahˇ poˆ-eu deuˬ-euˬ gʼaˇ duˬ, yaw muiˬ jeˬ biꞈ nehˬ-eu gʼaˬ meh.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Maˬkuˆ 1:35

Yawˬ shawˬ yawˬ uˬ bya maˬ bya laˇ mi naˆ-ehˇ, Yeˬsuˇ tuˇ-awˇ, nymˇ kʼoeˇ nymˇ-ahˇ neh doˆ-iˇ-euˬ meh. Meuˬ laꞈ nyiˇ iˇ doˆ-awˇ, ciˬ cuˇ ni gʼeh-eu jawˇ duˬ-ahˇ guiˬ lahˬ shaˇ-iˇ-euˬ meh.

Luˇkaꞈ 6:12

Aˇ nah aˇ yamˬ kʼoeˇ laꞈ kʼoeˇ, Yeˬsuˇ gawˬ jawˬ-ahˇ daˆ leˇ-awˇ guiˬ lahˬ shaˇ-euˬ meh. Uˬ ciꞈ miˇ lah-ehˇ Miˬyehˇ-ahˇ guiˬ lahˬ shaˇ bya-euˬ meh.

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.