Iˇsaˬyaˇ 17:2 - Akha

² Suˇliˆ miˇ kʼahˬ laꞈ kʼoeˇ jaˆ-eu meuˬ deuˬ-aˬ, meuˬ coeˬ coeˬ-iˇ jiˇ-eu miˇ neh, yawˇ hawˇ-eu mawˇ neˇ gaˆ kʼahˬ pyeuꞈ-iˇ-awˇ, teh doˆ-eu gʼaˬ maˬ jawˇ ni gaˆ tehꞈ-a.

Iˇsaˬyaˇ 17:2 Σταυροειδείς Αναφορές

Yawˇbaˆ 11:19

Nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za-ehˇ, tsawˇ haˬ gʼawˬ mya ni nawˬ-ahˇ laꞈ jeuˬ shaˇ tehꞈ-a.

Iˇsaˬyaˇ 27:10

Ziꞈ dah ni gʼeh-eu meuˬ deuˬ byaˆ-iˇ-awˇ, bawˇ tsahˬ bawˇ dahˇ pyeuꞈ-iˇ tehꞈ-a. Meuˬ kʼoeˇ deuˬ jeˬ zaˬ gaˆ kʼahˬ pyeuꞈ-iˇ jiˇ-awˇ, jeˬ zaˬ deuˬ kʼoeˇ gaˇ yuꞈ tehꞈ-a.

Iˇsaˬyaˇ 5:17

Cawˆ-iˇ taˬ-euˬ meuˬ tsoeˬ laꞈ kʼoeˇ, yawˇ zaˬ deuˬ yaˇ moꞈ tseuˆ dzaˬ-awˇ, ciꞈ myehꞈ ciꞈ zaˬ deuˬ gaˆ kʼaˇ za tehꞈ-a.

Iˇsaˬyaˇ 7:21

“Aˇ nah aˇ yamˬ kʼoeˇ yamˬ keuˆ le ngeh, tsawˇ haˬ tiˬ gʼaˬ-euˬ mawˇ neˇ mawˇ kʼaˇ tiˬ mawˇ hawˇ-eu ciꞈ myehꞈ nyiˬ ma tehꞈ-ehˇ cu dzeuˇ nya-euˬ kʼawꞈ,

Iˇsaˬyaˇ 7:22

aˬ coeˇ dahˬ dui dui-eu miˇ neh, mawˇ neˇ aˬ coeˇ ja leh ya dzaˬ dehˆ tehꞈ-a. Miˇ kʼahˬ heu kʼahˬ-ahˇ kʼaˇ dzeˇ yaꞈ-euˬ tsawˇ haˬ dawˬ tawˆ luꞈ, mawˇ neˇ aˬ coeˇ ya dawˇ dehˆ-awˇ, mawˇ neˇ aˬ coeˇ ja leh ya dzaˬ dehˆ tehꞈ-a.

Yeˬlaˬmiˇ 48:19

Aˬyawˬ meuˬ-ahˇ jawˇ-eu tsawˇ haˬ deuˬ-oˇ, gaˇ ma gaˇ dzeˇ loꞈ-awˇ, cehˆ byoˆ luꞈ-eu tsawˇ haˬ deuˬ-ahˇ, gaˇ kawˆ naˇ haˬ duˬ-awˬ.

Yeˬlaˬmiˇ 7:33

Tsawˇ haˬ zaˬ shiˇ taˬ-awˇ ga gaˇ, bawˇ tsahˬ jeˬ zaˬ hawˇ-eu aˇ jiˇ deuˬ dzaˬ le-awˇ, teh piˇ nehˬ-eu gʼaˬ maˬ jawˇ ni pyeuꞈ-iˇ tehꞈ-a.

Yeˬsaˬgeˬlaˇ 25:5

Laˬ bah meuˬ-ahˇ law taw gaˆ duˬ bi pyeuꞈ-iˇ-awˇ, Aˬmoˬ miˇ kʼahˬ kʼahˬ lah ni yawˇ bo duˬ bi pyeuꞈ-iˇ ma. Ngaˇ Sahˬpaˬ Miˬyehˇ pyeuꞈ-eu naw maꞈ-ahˇ siˬ duˬ leˇ ni, kʼoeˇ loꞈ-ehˇ jahˇ ma.

Yeˬsaˬgeˬlaˇ 39:26

Aˬ yawꞈ maꞈ aˬ cawˬ-ahˇ guˆ kʼaˇ maˬ za ni aˬ yawꞈ maꞈ-euˬ miˇ kʼahˬ laꞈ kʼoeˇ nui saˇ oꞈ-awˇ paˇ ya dehꞈ ngeh jawˇ, aˬ yawꞈ maꞈ ngaˬ-ahˇ mˇ bahˬ-euˬ miˇ neh, aˇ naˆ ni ya shaꞈ dawˇ-euˬ gaˇ kawˆ -ahˇ ngehˇ tehꞈ-a.

Miˇkaˬ 4:4

Tsawˇ haˬ zaˬ yawˬ gʼaˬ yawˬ na luꞈ, yawˬ ha aˬ gaꞈ baw duˆ uˬ moˆ, yawˬ ha siˬ guˬ aˬ bawˇ uˬ moˆ, nui saˇ oꞈ-awˇ ya nuiˇ meh lehˇ, Baoˬ huiˬ dui dui-eu gʼaˬ pyeuꞈ-eu Sahˬpaˬ Miˬyehˇ ehˇ taˬ-euˬ meh.

Zeˬpaˬniˇ 2:6

Laˆ shaˆ lawˇ deh naw maꞈ miˇ kʼahˬ, yawˇ bo-eu deuˬ sehˬ gʼawˆ gʼawˆ-awˇ, yawˇ gaˆ dzaˬ duˬ pyeuꞈ-iˇ tehꞈ-a.

Bawˇtsahˬ 32:34

Gaˆ tsawˇ jeuˬ neh tsoˆ muiˬ geuꞈ-euˬ meuˬ deuˬ-aˬ, Diˇboˬ meuˬ, Aˬtaˬyoˆ meuˬ, Aˬyawˬ meuˬ,

Dawˬmehˬ 2:36

Aˬnoˬ lawˇ baˬ gawˆ mehˇ paw, deh kʼawꞈ mehˬ dzaˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ gʼahˇ ceh jaˆ-eu meuˬ hawˇ-eu Giˇlaˆ meuˬ-ahˇ doˆ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi deuˆ gʼaˬ laꞈ-euˬ meh. Aˬ dui maꞈ maˬ deuˆ uˇ gʼeh nya-eu meuˬ meuˬ lahˇ tiˬ lahˇ-iˬ maˬ jaˆ-aˬ.

Dawˬmehˬ 3:12

“Miˇ kʼahˬ kʼoeˇ kʼahˬ aˬ dui za gʼaˬ ngeh, Aˬyawˬ meuˬ-euˬ laꞈ taˆ paw pyawˬ-ahˇ Aˬnoˬ lawˇ baˬ dawˬ peh jaˆ-eu gahˬ kaˬ hawˇ-eu, Giˇlaˆ gawˬ jawˬ gawˬ duˇ gahˬ kaˬ hawˇ-eu kʼoeˇ gaˇ jaˆ-eu meuˬ deuˬ ahˇ leˇ-ehˇ, Luˇbeˬ tsawˇ jeuˬ hawˇ-eu Gaˆ tsawˇ jeuˬ-ahˇ ngaˇ biꞈ-euˬ ma.

Yawˇshuˆ 13:16

Aˬ yawꞈ maꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ-ahˇ neh, deh kʼawꞈ kʼoeˇ kʼawꞈ-euˬ gʼahˇ ceh jaˆ-eu meuˬ hawˇ-eu, Meˬdiˇbaˬ meuˬ jawˬ lawˬ jawˇ lawˇ-ehˇ, yaw goˇ-ahˇ jaˆ-eu deh saˇ dawˬ tawˆ luꞈ meh.

Yawˇshuˆ 13:25

Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.