Iˇsaˬyaˇ 11:4 - Akha

⁴ Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 11:4 Σταυροειδείς Αναφορές

2 Saˬmeuˬlaˆ 8:15

Iˇsaˬleˬlaˆ miˇ kʼahˬ kʼahˬ lah ni-ahˇ Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ uˆ lahˇ-euˬ meh.

Yawˇbaˆ 15:30

Kʼoeˇ naˇ yaw zahˇ laꞈ kʼoeˇ aˬ yawꞈ maˬ doˆ-iˇ nya-ehˇ ya shaˬ tehꞈ-a. Uˬ laꞈ deuˬ bi puiˆ sehꞈ jiˇ-awˇ, aˇ yehˆ deuˬ jaˬ lehˇ bi baw byoˆ jiˇ-euˬ aˇ bawˇ tiˬ bawˇ-ahˇ aˬ yawꞈ duˇ leˇ tehꞈ-a.

Yawˇbaˆ 4:9

Miˬyehˇ nui ma pehˇ-eu laꞈ kʼoeˇ jaˬ lehˇ lehˇ ma baw-eu loꞈ-ehˇ aˬ yawꞈ maꞈ-ahˇ laˆ cawˆ-eu meh.

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Jaceuq 18:8

Yawꞈ-euˬnaˇmehˇuˬkʼoeˬdoˆ-awˇ, nyehˆ-eu miˬlmˇhawˇ-eu miˬjiˆ, yawꞈ-euˬkʼaˬmeh-ahˇdoˆ-eu meh.

Jaceuq 2:9

Yawꞈmaꞈ-ahˇ shmˇkahˬneh zuiˆ-awˇ, diˬkʼehꞈdiˬkʼoeˆnehˬ-eu uˬtaꞈ, mui deuˇ deh paˆdzeh-eu loꞈ-ehˇ, deh meuˇ deh loeˇ-awˇ bi ga-awˬ.’ ”

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Iˇsaˬyaˇ 13:11

Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 14:30

Shaˬ dui dui-eu ngaˬ-euˬ tsawˇ haˬ ya dzaˬ ya dawˇ dehˆ-awˇ, zahˬ dui dui-eu ngaˬ-euˬ tsawˇ haˬ nui saˇ oꞈ tehꞈ-a. Ehˇ kʼawꞈ, naw maꞈ tsawˇ haˬ tiˬ gʼaˬ-iˬ maˬ dehꞈ dzeuˇ nya ni, mehꞈ-eu shuꞈ-eu jeˬ ngaˇ bi keuˆ le ma.”

Iˇsaˬyaˇ 16:5

Kʼoeˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, dzoeˬ dzaˬ sahˬ paˬ tiˬ gʼaˬ doˆ laˇ-awˇ, saˇ jaˇ ziꞈ-awˇ gʼoeˇ-eu gaˬ-eu laꞈ kʼoeˇ, aˬ yawꞈ-euˬ tsawˇ jeuˬ-ahˇ uˆ lahˇ tehꞈ-a. Yaw tsaˬ yaw dawˇ jeˬ mˇ-eu gʼaˇ duˬ aˬ yawꞈ maˬ nyi naˬ ni, yaw sui yaw dawˇ laꞈ kʼoeˇ yaˇ kʼaˬ daˇ nehˬ tehꞈ-a.)

Iˇsaˬyaˇ 2:4

Miˇ kʼahˬ tsawˇ jeuˬ yaw kaˬ-ahˇ aˬ yawꞈ yaˇ kʼaˬ daˇ-awˇ, miˇ tsaˬ zaˬ-ahˇ aˬ yawꞈ laˆ tsaˬ laˆ tsahˇ nehˬ tehꞈ-a. Guiˇ deuˆ-eu mi cehˇ-ahˇ aˬ yawꞈ maꞈ nyoˬ tsehˬ tehˆ pyeuꞈ-awˇ, guiˇ deuˆ-eu gahˬ-ahˇ yehˬ kʼoꞈ tehˆ pyeuꞈ tehꞈ-a. Tsawˇ jeuˬ tiˬ jeuˬ tiˇ jeuˬ guiˇ maˬ paˇ deuˆ-ehˇ, guiˇ deuˆ-eu gaˇ kawˆ maˬ mehˬ maˬ sawˇ ni byehˇ tehꞈ-a.

Iˇsaˬyaˇ 26:6

Yaw beh bi kʼehˬ bi kʼaˆ-euˬ tsawˇ haˬ deuˬ, meuˬ kʼoeˇ meuˬ-ahˇ nawˬ nawˬ-ehˇ cah tehꞈ-a.

Iˇsaˬyaˇ 29:19

Nui ma nahˬ yu ni gʼeh-eu deuˬ tiˬ poˆ, Sahˬpaˬ Miˬyehˇ laꞈ kʼoeˇ laˬ kʼaˬ paˇ ya cehˇ-awˇ, aˬ cawˬ mehˬ shi iˇ shaˬ shaˬ luꞈ-eu deuˬ, Iˇsaˬleˬlaˆ-euˬ muiˬ-eu shawˇ-eu Miˬyehˇ laꞈ kʼoeˇ, laˬ kʼaˬ cehˇ nui saˇ oꞈ tehꞈ-a.

Iˇsaˬyaˇ 3:14

Aˬ yawꞈ-euˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu deuˬ hawˇ-eu, sahˬ paˬ sahˬ ma geuꞈ-eu deuˬ-ahˇ, aˬ yawꞈ heu loꞈ-ehˇ yaˇ kʼaˬ daˇ-eu meh. “Naw maꞈ aˬ gaꞈ yaˇ kmˇ laˆ cawˆ-euˬ deuˬ pyeuꞈ-awˇ, yaw shaˬ zaˬ deuˬ-ahˇ kʼaˆ dzaˬ-euˬ jeˬ, naw maꞈ iˇ kahˇ tiˬ byah jaˆ meh.

Iˇsaˬyaˇ 30:28

Aˬ yawꞈ saꞈ gʼawˇ ka ngeh, kawˬ lahˇ-ahˇ keuˆ-eu iˇ jeuˬ oe gaˇ duˇ-awˇ, yawˬ jeˬ na luꞈ hehˇ dzaˬ gʼeh-eu loꞈ-ehˇ, miˇ kʼahˬ tsawˇ jeuˬ hawˇ-eu aˬ yawꞈ maꞈ-euˬ yaw haiˬ dawˬ tawˆ luꞈ hehˇ dzaˬ gʼeh-eu meh.

Iˇsaˬyaˇ 30:31

Sahˬpaˬ Miˬyehˇ-euˬ teˇ saˇ ya gaˬ-awˇ, aˬ yawꞈ-euˬ kʼehˬ-eu kʼaˆ-eu jeˬ-ahˇ ya siˬ ya mawˇ ngeh, Aˬshuˇliˆ tsawˇ haˬ deuˬ guˆ dui dui tehꞈ-a.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Iˇsaˬyaˇ 32:1

Haw yawˬ. Yaw tsaˬ yaw dawˇ laꞈ kʼoeˇ uˆ lahˇ-eu sahˬ paˬ tiˬ gʼaˬ doˆ le tehꞈ-a. miˇ kʼahˬ-ahˇ haw-eu pyaˆ-eu aˬ yuiꞈ aˬ tsu deuˬ kʼawꞈ, yaw sui yaw dawˇ laꞈ kʼoeˇ haw pyaˆ tehꞈ-a.

Iˇsaˬyaˇ 32:7

Aˬ dzawˬ aˇ gah yaw haiˬ jeˬ shaˇ sawˇ-awˇ, yaw cawˆ jeˬ mˇ doˆ laꞈ-eu meh. Iˇ shaˬ zaˬ-ahˇ jaˬ myawꞈ mehˇ shuiˇ neh laˆ cawˆ-awˇ, maˬ mˇ bahˬ gaˇ lehˬ-eu shaˬ bymˇ bi tawˆ-eu meh.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 40:7

Sahˬpaˬ Miˬyehˇ jaˬ lehˇ bi baw leꞈ ngeh, yaˇ moꞈ nyoeˬ-iˇ-awˇ, aˇ yehˆ juˬ-iˇ-eu meh. Tsawˇ haˬ zaˬ yaˇ moꞈ naˆ maˬ tseˇ gmˬ-eu maˬ ngeuˇ-a.

Iˇsaˬyaˇ 49:2

Ngaˬ-euˬ dawˬ deuˬ mi cehˇ mi seuˬ loꞈ-ehˇ taˆ ni aˬ yawꞈ jahˇ-awˇ, aˬ yawꞈ-euˬ aˬ laꞈ neh ngaˬ-ahˇ haw piˇ-euˬ meh. Kaˆ-ahˇ gʼoˆ daˬ-awˇ beuˆ-eu kaˆ myaˬ-ahˇ duˇ ni, aˬ yawꞈ ngaˬ-ahˇ seuˆ ceh-euˬ meh,

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 33:15

Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, yaw tsaˬ yaw dawˇ tsawˇ haˬ tiˬ gʼaˬ-ahˇ sahˬ paˬ bi geuꞈ-eu gʼaˇ duˬ ngaˇ tseˇ doˆ ma. Sahˬpaˬ kʼoeˇ gʼaˬ-aˬ, miˇ kʼahˬ kʼahˬ lah ni kʼoeˇ taˆ yaw tsaˬ yaw dawˇ jeˬ mˇ tehꞈ-a.

Yeˬlaˬmiˇ 5:28

Aˬ yawꞈ maꞈ ya dzaˬ ya dawˇ dehˆ-awˇ tsuˇ dui dui-eu meh. yaw haiˬ jeˬ mˇ-eu aˇ saˬ saˬ-euˬ maˬ baw-ehˇ, muˇ coe aˬ nmˇ deuˬ-ahˇ ngehˬ maˬ gʼeh-eu uˬ taꞈ, yaw shaˬ zaˬ-ahˇ yaw dawˇ dawˇ-ehˇ yaˇ kʼaˬ maˬ daˇ nehˬ-a.

Hawˇseˬ 6:5

Kʼoeˇ baˬ da neh naw maꞈ jawˇ gaˇ, Bawˇlawˇpeh deuˬ ngaˇ pyehˬ leꞈ-awˇ, Yaˇ kʼaˬ daˇ-eu gaˇ kawˆ hawˇ-eu, ya luˬ ya seˇ-iˇ-eu gaˇ kawˆ, bi tsaꞈ bi dzawˇ gaˬ le-euˬ ma. Naw maꞈ yaw dawˇ dawˇ-ehˇ dehꞈ gaˇ, ngaˇ nui kʼahˇ jaˆ dui dui-eu ma.

Zeˬpaˬniˇ 2:3

Sahˬpaˬ Miˬyehˇ dawˬ naˇ haˬ-awˇ, nui nahˬ nui yu ahˇ-eu deuˬ-oˇ, Sahˬpaˬ Miˬyehˇ-ahˇ shaˇ caw-awˬ. Yaw tsaˬ yaw dawˇ jeˬ-ahˇ poˆ-awˬ. Nui nahˬ nui yu ahˇ-awˇ dehꞈ-awˬ. Sahˬpaˬ Miˬyehˇ nui ma pehˇ gaˇ, nawˇ ya buˬ-iˇ-eu baw tehꞈ-a.

Maˬlaˬkiˇ 4:6

Aˬ da hawˇ-eu zaˬ deuˬ dehꞈ taꞈ dehꞈ dzoeˇ nya ni aˬ yawꞈ jahˇ le tehꞈ-a. Kʼoeˇ loꞈ-ehˇ maˬ ngeuˇ naˇ, naw maꞈ-euˬ miˇ kʼahˬ-ahˇ ngaˇ oe-awˇ, yaˬ kʼehˇ yaˬ-awˇ laˆ cawˆ paˬ-ehˇ gʼeh nya.”

Maꞈtehˬ 11:5

Myaˆ behꞈ mawˇ nya laˇ-euˬ, kuiˇ kuˆ cah nya laˇ-euˬ, coiˬ doi shawˇ laˇ-euˬ naˬ bawˬ gaˬ nya laˇ-euˬ, tsawˇ shiˇ gʼoꞈ dehꞈ laˇ-euˬ, shaˬ zaˬ zahˬ zaˬ deuˬ Laˬ kʼaˬ cehˇ-eu Guiˬ lahˬ dawˬ ya gaˬ-euˬ, gaˇ kawˆ heu deuˬ dzawˇ nehˬ-iˇ-awˬ.

Maꞈtehˬ 5:5

“Nui nahˬ nui yu ahˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, miˇ tsaˬ dawˬ tawˆ luꞈ aˬ yawꞈ maꞈ-ahˇ oꞈ-eu jeˬ biˇ meh.

Gʼaˬkʼehˇ 9:1

Kʼoeˇ ngeh, Sawˇluˆ-aˬ, Sahˬpaˬ Yeˬsuˇ-euˬ mehˬ nah kʼaˇ caw teh-eu tsawˇ haˬ deuˬ-ahˇ sehꞈ ma lehˇ lmˬ lmˬ-ehˇ kʼaˬ-euˬ meh. Piˇ ma Yaw huiˬ gʼaˬ jawˇ gaˇ aˬ yawꞈ le-awˇ,

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

Gaˬlaˬtiˆ 5:23

nui nahˬ nui yu ahˇ-eu, yawˬ ha-euˬ nui ma-ahˇ gʼaˬ leˇ-eu, heu deuˬ meh. Heu deuˬ-ahˇ laˆ tsoeˬ-eu zahˇ dawˬ kʼoꞈ dawˬ tiˬ dawˬ-iˬ maˬ jaˆ-a.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Tiˇtuˆ 3:2

Aˬ cawˬ-ahˇ ja bu ja doeˇ-eu jeˬ maˬ mˇ-ehˇ, tsaˬ leˇ dzoeˇ leˇ-eu laꞈ kʼoeˇ cawˬ cawˬ taꞈ-eu uˬ taꞈ, tsawˇ haˬ yawˬ gʼaˬ na luꞈ kʼoeˇ taˆ nui ma nahˬ yu ni taˬ-awˬ lehˇ aˬ yawꞈ maꞈ-ahˇ ehˇ nehˬ-awˬ.

Yaˬkoˆ 3:13

Naw maꞈ laꞈ kʼoeˇ, tsawˇ gahˇ ahˇ-awˇ siˬ-eu nya-eu tsawˇ haˬ jawˇ te loˇ. Muiˬ-eu dehꞈ-eu jawˇ-eu jeˬ laꞈ kʼoeˇ maˬ ehˇ, nui nahˬ nui yu hawˇ-eu nui gahˇ neh mˇ doˆ shaˇ doˆ laꞈ-eu muiˬ-eu gaˇ deuˬ laꞈ kʼoeˇ maˬ ehˇ, zaˬ siˬ tsawˇ gahˇ kʼoeˇ bi doˆ laˇ-awˬ.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 2:16

Kʼoeˇ miˇ neh, nawˬ-euˬ iˬ baˇ-ahˇ byehˇ dzeh-awˬ. Maˬ byehˇ dzeh naˇ, nawˇ jawˇ gaˇ ngaˇ yaw kawˇ-ehˇ oe-awˇ, ngaˬ-euˬ kʼaˬ meh-ahˇ doˆ le-euˬ mi cehˇ neh tsawˇ haˬ kʼoeˇ deuˬ-ahˇ ngaˇ guiˇ deuˆ ma.