Iˇsaˬyaˇ 11:11 - Akha

¹¹ Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 11:11 Σταυροειδείς Αναφορές

Aˇ dahˬ 10:10

Yaw beh aˬ yawꞈ-euˬ miˇ kʼahˬ-aˬ, Baˬbuˇloˬ miˇ kʼahˬ-ahˇ jaˆ-eu Baˬbuˇloˬ meuˬ, Ehˇlehˆ meuˬ, Aˬkaˆ meuˬ, heu smˇ meuˬ meh.

Aˇ dahˬ 10:22

Sheˬmaˆ-euˬ aˬ li Eˇlamˬ, Aˬshuˇlaˆ, Aˬpaˬshaˇ, Luˇdaˆ Aˬlamˬ aˬ ha mehˇ nmˇ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh.

Aˇ dahˬ 11:2

Aˬ yawꞈ maꞈ jawˇ duˬ maˬ ziꞈ leˇ dah-ehˇ, nahˇ ma doˆ kʼehˬ paw doe doe-ehˇ pawˇ pawˇ-ehˇ jawˇ luꞈ ngeh, Baˬbuˇloˬ miˇ kʼahˬ laꞈ kʼoeˇ deh saˇ tiˬ tsahˇ iˇ zaˬ-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 14:1

Baˬbuˇloˬ sahˬ paˬ Aˬlaˬpeˬ -laˇ, Eˇlaˬsaˬ sahˬ paˬ Aˬliˇoˬ, Eˇlamˬ sahˬ paˬ Sheˬdawˇlawˇmaˬ, Gawˇiˆ sahˬ paˬ Tiˇdaˬ, heu oeˬ gʼaˬ gm leˇ-awˇ,

Aˇ dahˬ 2:13

Lawˇ baˬ nyiˬ gawˆ tiˬ gawˆ-aˬ, Giˇhoˬ lawˇ baˬ pyeuꞈ-awˇ, Kuˇshaˆ miˇ kʼahˬ caw caw-ehˇ yoeˇ ka gʼeh-euˬ meh.

2 Sahˬpaˬ 17:24

Aˬshuˇliˆ sahˬ paˬ-aˬ, Baˬbuˇloˬ meuˬ, Guˇdaˆ meuˬ, Iˇbaˬ meuˬ, Haˬmaˆ meuˬ, Seˬpaˬbeˬ meuˬ heu deuˬ-ahˇ jawˇ-eu tsawˇ haˬ deuˬ sheuˬ-awˇ, aˬ yawꞈ neh nyehꞈ daˆ gʼeh-euˬ Iˇsaˬleˬlaˆ tsawˇ haˬ kʼoeˇ deuˬ-euˬ jawˇ duˬ pyeuꞈ-eu Saˬmaˬliˆ meuˬ-ahˇ bi jawˇ-euˬ meh. Tsawˇ haˬ kʼoeˇ deuˬ meuˬ kʼoeˇ deuˬ laꞈ kʼoeˇ jawˇ geuꞈ le-euˬ meh.

Iˇsaˬtaˆ 10:1

Sahˬ paˬ Dzeuˬsehˆ-aˬ, aˬ yawꞈ-euˬ miˇ kʼahˬ kʼahˬ ma laꞈ kʼoeˇ, iˬ ma laˆ shaˆ lawˇ deh-ahˇ jawˇ-eu deuˬ-ahˇ maˬ ehˇ, dahˇ taˆ jawˇ-eu deuˬ-ahˇ maˬ ehˇ, myawˬ kʼaˆ bi mˇ-euˬ meh.

Jaceuq 68:22

Sahˬpaˬ Miˬyehˇ heu loꞈ-ehˇ ehˇ taˬ-euˬ meh. Nawˬ-ahˇ muiˇ-eu deuˬ-ahˇ Baˬshaˬ meuˬ-ahˇ neh ngaˇ sheuˬ kʼoꞈ laꞈ-awˇ, iˬ ma laˆ shaˆ dawˬ dah neh gʼeu doˆ laꞈ ma.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 10:20

Buˬ-iˇ-euˬ Iˇsaˬleˬlaˆ tsawˇ haˬ deuˬ, aˬ yawꞈ maꞈ-ahˇ laˆ cawˆ le-euˬ miˇ kʼahˬ-ahˇ maˬ paˇ gʼoe-ehˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu Sahˬpaˬ Miˬyehˇ-ahˇ gʼoe-eu aˇ nah keuˆ le tehꞈ-a.

Iˇsaˬyaˇ 10:9

Kaˬsheˬmiˇ meuˬ-ahˇ deuˆ gʼaˬ nehˬ-euˬ loꞈ-ehˇ, Kaˬlaˬnoˬ meuˬ-ahˇ deuˆ gʼaˬ nehˬ-euˬ maˬ ngeuˇ-a loˇ. Haˬmaˆ meuˬ hawˇ-eu Aˬpaˆ meuˬ-ahˇ, tiˬ gaˇ duˇ ni jahˇ nehˬ-awˇ, Saˬmaˬliˆ meuˬ hawˇ-eu Daˬmaˬsehˇ meuˬ-ahˇ, aˬ yawꞈ tiˬ jeˬ bi keuˆ le-euˬ maˬ ngeuˇ-a loˇ.

Iˇsaˬyaˇ 11:16

Iˇsaˬleˬlaˆ tsawˇ haˬ-euˬ aˬ poeˬ aˬ bawˇ deuˬ, Iˇjiˇtuˆ miˇ kʼahˬ-ahˇ doˆ le ngeh gaˇ jawˬ dahˇ-euˬ loꞈ-ehˇ, Aˬshuˇliˆ miˇ kʼahˬ-ahˇ dzeˇ-eu Iˇsaˬleˬlaˆ tsawˇ haˬ deuˬ gʼaˇ duˬ, Aˬshuˇliˆ miˇ kʼahˬ-ahˇ neh gaˇ jawˬ dahˇ doˆ tehꞈ-a.

Iˇsaˬyaˇ 19:21

Sahˬpaˬ Miˬyehˇ aˬ yawꞈ-euˬ gʼawˇ mawˇ Iˇjiˇtuˆ tsawˇ haˬ deuˬ-ahˇ pah mehˬ ngeh, aˬ yawꞈ maꞈ aˬ yawꞈ-ahˇ siˬ nya laˇ-awˇ uˬ duˬ tahˬ-eu laꞈ kʼoeˇ, lawˇ-eu shehˇ-eu jeˬ mˇ nehˬ tehꞈ-a. Aˬ yawꞈ maꞈ aˬ yawꞈ-ahˇ saˇ jaˇ dzaˬ-awˇ, saˇ jaˇ kʼaˇ dzaˬ-euˬ loꞈ-ehˇ mˇ byah tehꞈ-a.

Iˇsaˬyaˇ 19:22

Iˇjiˇtuˆ tsawˇ haˬ deuˬ-ahˇ Sahˬpaˬ Miˬyehˇ kʼehˬ neh kʼaˆ nehˬ tehꞈ-a. Ehˇ kʼawꞈ, aˬ yawꞈ maꞈ-ahˇ aˬ yawꞈ ngehˬ paˇ gʼeh nehˬ tehꞈ-a. Aˬ yawꞈ maꞈ aˬ yawꞈ jawˇ paw gʼoꞈ kʼoꞈ laˇ-awˇ guiˬ lahˬ shaˇ ngeh, aˬ yawꞈ maꞈ-euˬ shaˇ dawˬ-ahˇ aˬ yawꞈ naˇ haˬ nehˬ-awˇ, ngehˬ gʼeh dah teˬ nehˬ tehꞈ-a.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 22:6

Eˇlamˬ yehˇ deuˬ kaˆ lehˬ hmˬ-awˇ, mahˬ dziˬ-awˇ oe luꞈ meh. Kiˇlaˆ yehˇ deuˬ dehˬ daˬ duˬ tuˆ tehˬ-awˇ, lehˬ hmˬ dah taˬ-euˬ meh.

Iˇsaˬyaˇ 24:15

Nahˇ ma doˆ kʼehˬ paw jawˇ-eu deuˬ, aˬ yawꞈ-ahˇ ja ceuˬ tehꞈ-a. Iˬ ma laˆ shaˆ dawˬ peh jawˇ-eu tsawˇ haˬ deuˬ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, ciˬ huiˬ ciˬ mahˇ tehꞈ-a.

Iˇsaˬyaˇ 37:31

Yuˇdaˆ miˇ kʼahˬ laꞈ kʼoeˇ maˬ luˬ maˬ seˇ-iˇ-ehˇ kʼaˇ ya dzeuˇ-iˇ-euˬ tsawˇ haˬ dawˬ tawˆ luꞈ, yaw naꞈ-ahˇ duˬ ciˇ toeˬ ziꞈ-awˇ mehˇ laˇ-euˬ miˇ neh aˇ siˬ sahˇ le-eu sahˬ lahˬ aˇ bawˇ loꞈ-ehˇ, dehꞈ doˆ dzaˬ laˇ tehꞈ-a.

Iˇsaˬyaˇ 42:10

Sahˬpaˬ Miˬyehˇ-ahˇ caˇ dawˬ yaw shuiꞈ caˇ-awˇ ja ceuˬ-awˬ. Miˇ tsaˬ dawˬ tawˆ aˬ yawꞈ-ahˇ caˇ-awˇ ja ceuˬ-awˬ. Iˬ ma laˆ shaˆ kʼoeˇ taˆ cah-eu tsawˇ haˬ dawˬ tawˆ, laˆ shaˆ laꞈ kʼoeˇ kʼaˇ uˇ-eu jeˬ dawˬ tawˆ, aˬ yawꞈ-ahˇ ja ceuˬ-awˬ. Gaˇ mahˇ-ahˇ jaˆ-eu miˇ kʼahˬ deuˬ hawˇ-eu, kʼoeˇ gaˇ kʼaˇ jawˇ kʼaˇ deuˬ aˬ yawꞈ-ahˇ ja ceuˬ-awˬ.

Iˇsaˬyaˇ 42:12

Yawˬ kʼahˬ yawˬ miˇ yawˬ-ahˇ jawˇ-eu tsawˇ haˬ, Sahˬpaˬ Miˬyehˇ-ahˇ ciˬ huiˬ ciˬ mahˇ-awˬ.

Iˇsaˬyaˇ 42:4

Noeˬ tmˬ-eu jeˬ hawˇ-eu nui ma kʼaˬ duˬ ni taˬ-euˬ jeˬ, byoˆ-iˇ ni aˬ yawꞈ maˬ mˇ-ehˇ, miˇ tsaˬ kʼoeˇ taˆ yaw tsaˬ yaw dawˇ jeˬ-ahˇ aˬ yawꞈ laˆ ziꞈ tehꞈ-a. Gaˇ mahˇ kaˬ gaˇ jawˇ-eu miˇ kʼahˬ tsawˇ jeuˬ, aˬ yawꞈ-euˬ zahˇ dawˬ kʼoꞈ dawˬ-ahˇ noeˬ tmˬ tehꞈ-a.”

Iˇsaˬyaˇ 45:14

Iˇsaˬleˬlaˆ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ hawˇ-eu Suˬdaˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ, dawˬ tawˆ luꞈ nawˬ-euˬ meh. Caˇ gawˬ goˇ-eu Seˬbaˇ tsawˇ haˬ kʼoeˇ deuˬ nawˬ-euˬ zaˬ kʼaˆ geuꞈ-awˇ, shmˇ caˆ daˬ-awˇ nawˬ-euˬ mehˬ nah caw teh tehꞈ-a. Naw maꞈ mehˬ shi aˬ yawꞈ maꞈ awˆ byaˆ-awˇ, heu loꞈ-ehˇ ehˇ tehꞈ-a. ‘Naw maꞈ nehˬ-ehˇ Miˬyehˇ jawˇ meh. Aˬ yawꞈ tehꞈ-ehˇ maˇ maˇ ni Miˬyehˇ meh.

Iˇsaˬyaˇ 49:12

Gaˇ mahˇ kaˬ gaˇ jawˇ-eu ngaˬ-euˬ tsawˇ haˬ deuˬ oe tehꞈ-a. Laꞈ taˆ paw pyawˬ hawˇ-eu nahˇ ma ga kʼehˬ paw neh maˬ ehˇ, laꞈ oˆ paw Aˬsaˬgʼawˬ meuˬ-ahˇ neh maˬ ehˇ, aˬ yawꞈ maꞈ gʼoꞈ laˇ tehꞈ-a.”

Iˇsaˬyaˇ 66:19

Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. “Ehˇ kʼawꞈ aˬ yawꞈ maꞈ tiˬ paˆ na deuˬ-ahˇ ngaˇ maˬ kʼehˬ ni bi dzeuˇ-iˇ-awˇ, ngaˇ tsawˇ myahˇ doˆ-eu gaˇ kawˆ maˬ ya gaˬ haw-ehˇ, ngaˬ-euˬ baoˬ hawˇ-eu yaw shehꞈ kʼahˬ sehˇ-ahˇ maˬ ya mawˇ haw-euˬ tsawˇ jeuˬ deuˬ hawˇ-eu, gaˇ mahˇ kaˬ gaˇ jaˆ-eu miˇ kʼahˬ deuˬ-ahˇ, aˬ yawꞈ maꞈ-ahˇ ngaˇ pyehˬ gʼeh ma. Saˬbeˬ miˇ kʼahˬ hawˇ-eu Liˆbyaˇ miˇ kʼahˬ-ahˇ maˬ ehˇ, kaˆ beuˆ nya dui dui-eu deuˬ jawˇ-eu Luˇdeˬ miˇ kʼahˬ-ahˇ maˬ ehˇ, Tuˇbaˬlaˇ miˇ kʼahˬ hawˇ-eu Heˬlaˬsaˇ miˇ kʼahˬ-ahˇ maˬ ehˇ, aˬ yawꞈ maꞈ-ahˇ ngaˇ pyehˬ gʼeh ma. Miˇ kʼahˬ heu deuˬ laꞈ kʼoeˇ, ngaˬ-euˬ yaw shehꞈ kʼahˬ sehˇ gaˇ kawˆ aˬ yawꞈ maꞈ ja byah tehꞈ-a.

Yeˬlaˬmiˇ 25:25

Zmˇliˬ sahˬ paˬ dawˬ tawˆ luꞈ, Eˇlamˬ sahˬ paˬ dawˬ tawˆ luꞈ hawˇ-eu, Meˬdiˇ sahˬ paˬ dawˬ tawˆ luꞈ,

Yeˬlaˬmiˇ 31:10

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 49:23

Daˬmaˬsehˇ meuˬ gaˇ kawˆ Sahˬpaˬ Miˬyehˇ heu loꞈ-ehˇ ehˇ-eu meh. “Haˬmaˆ meuˬ hawˇ-eu Aˬpaˆ meuˬ-ahˇ jawˇ-eu tsawˇ haˬ deuˬ, kʼahˬ lahˇ laˇ paˬ-ehˇ gʼeh-eu gaˇ kawˆ ya gaˬ-euˬ miˇ neh, noeˬ shaˬ luꞈ-eu meh. Noeˬ shaˬ noeˬ zahˬ-eu jeˬ iˬ ma laˆ shaˆ iˇ luˆ dzeh-eu loꞈ-ehˇ, aˬ yawꞈ maꞈ kʼoeˇ taˆ keuˆ le-eu miˇ neh, maˬ jawˇ tehˬ coeˇ-a.

Yeˬsaˬgeˬlaˇ 27:6

Baˬshaˬ-euˬ tsuiꞈ kʼaˆ aˇ bawˇ neh, saˇ baoˬ heu-eu daˇ laˆ jahˇ-awˇ, Guˇbaˬluˇ-euˬ miˬ shuˬ yuˇ-awˇ, ya ma juiˇ taꞈ-ahˇ-eu laꞈ kʼoeˇ, saˇ baoˬ guiˇ ga kʼawˬ taˬ-euˬ meh.

Yeˬsaˬgeˬlaˇ 29:14

Aˬ yawꞈ maꞈ-euˬ nymˇ jiˇ jaˆ-eu Iˇjiˇtuˆ miˇ kʼahˬ laꞈ oˆ dzaˬ-ahˇ paˇ bi jawˇ kʼoꞈ le ma. Aˬ yawꞈ maꞈ-aˬ, gʼaˬ baˬ-eu miˇ kʼahˬ tiˬ kʼahˬ pyeuꞈ tehꞈ-a.

Yeˬsaˬgeˬlaˇ 30:14

Iˇjiˇtuˆ laꞈ oˆ dzaˬ byoˆ le-awˇ, laꞈ taˆ paw jaˆ-eu zoˇ naˆ meuˬ, miˬ dzaˬ neh keuˬ puiˆ dzeh nehˬ ma. Deˬbiˇ meuˬ-ahˇ ngaˇ kʼehˬ nehˬ ma.

Yeˬsaˬgeˬlaˇ 32:24

“Eˇlamˬ kʼoeˇ gaˇ ga luꞈ meh. Aˬ yawꞈ-euˬ yehˇ deuˬ-euˬ lmˬ bymˇ, aˬ yawꞈ jawˇ-eu tiˬ jawˬ jaˆ luꞈ meh. Aˬ yawꞈ maꞈ dawˬ tawˆ luꞈ guiˇ deuˆ gaˇ bi sehꞈ jiˇ-awˇ, baˆ kʼoˆ mehˬ dzaˬ maˬ yehˬ ni shiˇ-eu miˇ kʼahˬ-ahˇ keuˆ-iˇ-euˬ meh. Dehꞈ ngeh aˬ yawꞈ maꞈ aˬ cawˬ-ahˇ laˆ guˆ-euˬ kʼawꞈ, nymˬ-mˇ yaw shiˇ-ehˇ ga-awˇ, myaˆ pyawˬ naˇ mehˇ maˬ paˇ jaˆ meh.

Yeˬsaˬgeˬlaˇ 38:8

Aˇ nah aˇ yamˬ gʼawˬ myahˇ ni dzeuˇ-iˇ gʼaˬ ngeh jawˇ, aˬ cawˬ miˇ kʼahˬ gʼawˬ mya kʼahˬ-ahˇ neh gʼoꞈ uiˬ laˇ-awˇ jawˇ-eu, guiˇ deuˆ laˇ gaˇ maˬ guˆ ni ya dehꞈ ya jawˇ luꞈ-eu miˇ kʼahˬ tiˬ kʼahˬ-ahˇ, nawˬ-ahˇ ngaˇ guiˇ bi deuˆ-iˇ ma. Dzeuˇ laˇ ngeh aˇ yamˬ gʼawˬ myahˇ ni cawˆ-iˇ-awˇ ciˬ cuˇ ni jaˆ-euˬ kʼawꞈ, nymˬ-mˇ tsawˇ haˬ dawˬ tawˆ luꞈ nui saˇ oꞈ-eu laꞈ kʼoeˇ jawˇ luꞈ-eu miˇ kʼahˬ pyeuꞈ-eu Iˇsaˬleˬlaˆ gawˬ jawˬ deuˬ-ahˇ aˬ yawꞈ guiˇ ya deuˆ-iˇ tehꞈ-a.

Daˬyeˬlaˇ 1:2

Sahˬpaˬ Miˬyehˇ neh aˬ yawꞈ-ahˇ sahˬ paˬ Yeˬhawˇyaˬkmˬ-ahˇ bi nyehꞈ mi-awˇ, Uˬ duˬ tahˬ nymˇ nymˇ ma-ahˇ jaˆ-eu pyuˇ shuiˇ myawˬ gahˬ tiˬ paˆ na deuˬ bi yuˇ geuꞈ-euˬ meh. Tsawˇ haˬ tiˬ paˆ na deuˬ-ahˇ nyehꞈ-awˇ, Baˬbuˇloˬ miˇ kʼahˬ-ahˇ jawˇ-eu aˬ yawꞈ-euˬ miˬ yehˇ deuˬ-euˬ uˬ duˬ tahˬ nymˇ-ahˇ nyehꞈ kʼoꞈ gʼeh-awˇ, guiˇ deuˆ za-euˬ pyuˇ shuiˇ myawˬ gahˬ deuˬ, uˬ duˬ tahˬ nymˇ kʼoeˇ deuˬ laꞈ kʼoeˇ jaˆ-eu myawˬ jeˬ hmˬ-eu kuˆ lawˆ deuˬ laꞈ kʼoeˇ bi jaˆ-euˬ meh.

Daˬyeˬlaˇ 11:18

Kʼoeˇ naˇ, iˬ ma laˆ shaˆ paw neh aˬ cawˬ miˇ kʼahˬ-ahˇ aˬ yawꞈ guiˇ deuˆ-awˇ, gʼawˬ mya kʼahˬ-ahˇ deuˆ gʼaˬ tehꞈ-a. Ehˇ kʼawꞈ, aˬ cawˬ tsawˇ jeuˬ-euˬ aˬ yuiꞈ aˬ tsu tiˬ gʼaˬ aˬ yawꞈ-ahˇ guiˇ deuˆ gʼaˬ-awˇ, aˬ yawꞈ neh aˬ dzawˬ aˇ gah gah-euˬ jeˬ aˇ saˬ bi saˬ tehꞈ-a. Aˬ diˇ aˬ maˇ Suˇliˆ sahˬ paˬ neh mˇ-euˬ yaw doeˇ jeˬ, Suˇliˆ sahˬ paˬ kʼoeˇ taˆ paˇ keuˆ le ni aˬ yawꞈ jahˇ kʼoꞈ nehˬ tehꞈ-a.

Daˬyeˬlaˇ 8:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Eˇlamˬ miˇ kʼahˬ-ahˇ jaˆ-eu Suˇsaˬ meuˬ-ahˇ ngaˇ jawˇ luꞈ gaˇ ya mawˇ-euˬ ma. Kʼoeˇ gaˇ, Uˇlehˇ lawˇ baˬ dawˬ peh ngaˇ yawꞈ luꞈ-eu ma.

Hawˇseˬ 1:11

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ paˇ tsaˬ paˇ dzoeˇ leˇ-awˇ, nyiˬ muˇ luꞈ-ahˇ uˆ lahˇ-eu aˬ yuiꞈ aˬ tsu tiˬ gʼaˬ tehꞈ-ehˇ paˇ tseˇ doˆ-awˇ, aˬ yawꞈ maꞈ-euˬ miˇ kʼahˬ laꞈ kʼoeˇ tiˬ poˆ paˇ dehꞈ doˆ dzaˬ laˇ-awˇ, baw le za le tehꞈ-a. Yeˬzaˬleˬlaˇ-euˬ aˇ nah kʼoeˇ nah-aˬ, huiˬ dui dui-eu aˇ nah pyeuꞈ tehꞈ-a.

Hawˇseˬ 11:10

“Aˇ laˬ jaˬ shiˇ lmˬ-eu loꞈ-ehˇ, muiˇ-eu deuˬ-ahˇ ngaˇ lmˬ nehˬ ngeh, ngaˬ-euˬ tsawˇ haˬ deuˬ ngaˇ jawˇ gaˇ, nahˇ ma ga kʼehˬ paw pyawˬ-ahˇ neh, guˆ guˆ-ehˇ cehˆ gʼoꞈ laꞈ tehꞈ-a.

Hawˇseˬ 11:11

Iˇjiˇtuˆ miˇ kahˬ paw dzeˇ neh, aˇ jiˇ loꞈ-ehˇ zaw kʼoꞈ laꞈ-awˇ, Aˬshuˇliˆ miˇ kʼahˬ paw dzeˇ neh, kʼaˬ kʼoeˬ loꞈ-ehˇ gʼoꞈ le tehꞈ-a. Aˬ yawꞈ maꞈ-ahˇ iˇ kahˇ keuˆ ni, ngaˇ sheuˬ kʼoꞈ keuˆ nehˬ jiˇ ma” lehˇ, Sahˬpaˬ Miˬyehˇ ehˇ taˬ-euˬ meh.

Miˇkaˬ 7:12

Nahˇ ma doˆ kʼehˬ paw jaˆ-eu Aˬshuˇliˆ miˇ kʼahˬ-ahˇ maˬ ehˇ, laꞈ oˆ paw pyawˬ-ahˇ jaˆ-eu Iˇjiˇtuˆ miˇ kʼahˬ-ahˇ maˬ ehˇ, Uˇpaˬlaˇ lawˇ baˬ gahˬ kaˬ-ahˇ maˬ ehˇ, gaˇ mahˇ kaˬ gaˇ jaˆ-eu iˬ ma laˆ shaˆ paw hawˇ-eu kaˬ dui dui-eu gawˬ jawˬ doe ni maˬ ehˇ, kʼaˇ jawˇ byoˆ taˬ-euˬ naw maꞈ tsawˇ haˬ deuˬ naw maꞈ jawˇ gaˇ gʼoꞈ doˆ laˇ tehꞈ-a.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Zaˬkaˬliˇ 5:11

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Baˬbuˇloˬ miˇ kʼahˬ-ahˇ tsi gʼeh-awˇ, pawˬ tuˇ kʼoeˇ siˬ gʼaˇ duˬ, kʼoeˇ gaˇ uˬ duˬ tahˬ nymˇ tiˬ nymˇ tsoˆ-eu lehˇ gʼeh-eu meh. Uˬ duˬ tahˬ nymˇ kʼoeˇ nymˇ tsoˆ gʼaˬ naˇ, pawˬ tuˇ kʼoeˇ siˬ kʼoeˇ gaˇ bi jaˆ-awˇ, uˬ duˬ tahˬ tehꞈ-a.”

Zaˬkaˬliˇ 8:7

Aˬ cawˬ miˇ kʼahˬ-ahˇ bi nyehꞈ byoˆ gʼeh-euˬ ngaˬ-euˬ tsawˇ haˬ deuˬ-ahˇ ngaˇ ka kʼoꞈ doˆ laꞈ ma.

Zaˬkaˬliˇ 9:2

Haˬdaˬlaˆ-ahˇ miˇ kʼahˬ taꞈ-eu, Haˬmaˆ meuˬ kʼoeˇ meuˬ ahˇ leˇ-ehˇ, zaˬ siˬ tsawˇ gahˇ ahˇ dui dui-eu, Duˇlu hawˇ-eu Siˇdoˬ meuˬ kʼawꞈ, Sahˬpaˬ Miˬyehˇ-ahˇ taꞈ-eu meh.

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.

Lormav 11:26

Kʼoeˇ ngeh jawˇ, Iˇsaˬleˬlaˇ tsawˇ haˬ dawˬ tawˆ luꞈ ka kʼoꞈ-eu jeˬ za tehꞈ-a. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Ka kʼoꞈ le-eu yaw sahˇ kʼoeˇ gʼaˬ, Ziˇoˬ gawˬ jawˬ-ahˇ neh oe-awˇ, Yaˬkoˆ-euˬ zaˬ deuˬ uˆ deuˬ-euˬ, maˬ muiˬ maˬ jaˬ-eu yaw haiˬ jeˬ, dawˬ tawˆ luꞈ yuˇ dzeh nehˬ tehꞈ-a.

2 Gawˇliˬtu 3:16

Ehˇ kʼawꞈ, tsawˇ haˬ tiˬ gʼaˬ Sahˬpaˬ Miˬyehˇ jawˇ gaˇ gʼoꞈ kʼoꞈ laˇ naˇ, saˬ paˇ kʼoeˇ hmˬ-ahˇ yuˇ dzeh nehˬ-eu meh.

Dawˬmehˬ 9:29

Yaw muiˬ paˬ-ehˇ ehˇ leꞈ naˇ, tsawˇ haˬ heu deuˬ-ahˇ nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ nawˇ tseˇ doˆ-awˇ, huiˬ dui dui-eu nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ aˬ laꞈ cawˬ ja-awˇ, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ-euˬ meh’ lehˇ shaˇ-euˬ ma.