Iˇsaˬyaˇ 10:3 - Akha

³ Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Iˇsaˬyaˇ 10:3 Σταυροειδείς Αναφορές

Aˇ dahˬ 31:1

“Ngaˬ da-euˬ myawˬ gahˬ dawˬ tawˆ luꞈ, Yaˬkoˆ neh yuˇ geuꞈ jiˇ-euˬ meh. Yaˬkoˆ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, ngaˬ da-euˬ tehꞈ meh” lehˇ, Laˬbaˬ-euˬ aˬ li deuˬ ehˇ luꞈ-eu Yaˬkoˆ ya gaˬ-euˬ meh.

2 Sahˬpaˬ 7:15

Yawˇdaˬ lawˇ baˬ-ahˇ keuˆ ni aˬ yawꞈ maꞈ iˇ haw ngeh, gaˇ pehˇ kahˇ li-ehˇ Suˇliˆ tsawˇ haˬ deuˬ cehˆ gʼoꞈ ngeh byehˇ dzeh yaꞈ-euˬ mehˬ tsoeˬ deuˬ ga gaˇ ya mawˇ-euˬ meh. Kʼoeˇ naˇ, aˬ yawꞈ maꞈ gʼoꞈ laˇ-awˇ, gaˇ kawˆ kʼoeˇ sahˬ paˬ-ahˇ dzawˇ nehˬ-euˬ meh.

Yawˇbaˆ 31:14

Kʼoeˇ loꞈ-ehˇ maˬ jahˇ naˇ Miˬyehˇ-ahˇ ngaˇ aˬ joˆ-ehˇ tahˬ puˬ nmˇ. Miˬyehˇ ngaˬ-ahˇ yaˇ kʼaˬ daˇ le ngeh ngaˇ aˬ jeˬ ehˇ nya nmˇ.

Dawqdaq 11:4

Dehꞈ-eu shiˇ-eu jeˬ puˬ le ngeh, pyuˇ shuiˇ myawˬ gahˬ nawˬ-ahˇ ngehˬ maˬ gʼeh nehˬ nya-a. Yaw tsaˬ yaw dawˇ jeˬ tehꞈ-ehˇ nawˬ-ahˇ ka kʼoꞈ nya meh.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 17:4

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-euˬ yaw shehꞈ kʼahˬ sehˇ byoˆ-iˇ-awˇ, pyuˇ shuiˇ myawˬ gahˬ byoˆ jiˇ-awˇ ya shaˬ ya zahˬ-eu aˇ nah keuˆ le luꞈ meh.

Iˇsaˬyaˇ 20:6

Aˇ nah aˇ yamˬ kʼoeˇ keuˆ le ngeh, Piˇliˇtiˆ miˇ kʼahˬ iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ deuˬ heu loꞈ-ehˇ ehˇ tehꞈ-a. ‘Haw sheˇ. Aˬshuˇliˆ sahˬ paˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nya tehꞈ-a lehˇ, aˬ dui neh noeˬ tmˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ nga. Aˬ dui aˬ joˆ-ehˇ dzeuˇ-iˇ nya nmˇ.’ ”

Iˇsaˬyaˇ 26:14

Nymˬ-mˇ aˬ yawꞈ maꞈ shiˇ dzeuˇ-awˇ, maˬ paˇ gʼoꞈ dehꞈ doˆ laˇ nya-ehˇ, nawˬ neh kʼehˬ-awˇ laˆ cawˆ nehˬ-euˬ miˇ neh, aˬ yawꞈ maꞈ-euˬ yaw sahˇ maˬ paˇ tuˇ laˇ nya-ehˇ, mˬ maˬ maˬ byaˆ zaˇ ziˇ byoˆ tsehˆ tehꞈ-a.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 28:20

Maˬ gʼmˇ-eu kʼawˬ daˬ kʼoeˇ taˆ maˬ gʼoeˬ-eu aˇ bui dm-awˇ yuꞈ-eu tsawˇ haˬ loꞈ-ehˇ, naw maꞈ ya shaˬ tehꞈ-a.

Iˇsaˬyaˇ 29:6

mˬ jeˬ jaˬ lehˇ hawˇ-eu miˇ luˆ luˆ-eu laꞈ kʼoeˇ, Baoˬ huiˬ-eu Sahˬpaˬ Miˬyehˇ nawˬ-ahˇ ka kʼoꞈ tehꞈ-a. Jaˬ lehˇ lehˇ ma hawˇ-eu miˬ dzaˬ miˬ lmˇ, aˬ yawꞈ pyehˬ leꞈ tehꞈ-a.

Iˇsaˬyaˇ 30:16

Naw maꞈ mahˬ paˬ yaw kawˇ dziˬ-awˇ, muiˇ-eu deuˬ-ahˇ cehˆ dzeuˇ-eu lehˇ leh jeh luꞈ meh. Maꞈ cehˆ-ehˇ maˬ gʼeh nya-eu miˇ neh, naw maꞈ mˇ-eu tsaˬ meh. Ehˇ kʼawꞈ, naw maꞈ-euˬ mahˬ yaw kawˇ ma lehˇ noeˬ kʼawꞈ, naw maꞈ-ahˇ teh-eu deuˬ kawˇ dzehˬ meh.

Iˇsaˬyaˇ 30:5

aˬ yawꞈ maꞈ neh noeˬ-euˬ loꞈ-ehˇ maˬ caw ba nehˬ nya-eu, gaˇ dahˇ maˬ tsoeˬ-eu tsawˇ jeuˬ-ahˇ noeˬ tmˬ-euˬ miˇ neh, shaˬ zahˬ bi ciˬ tehˬ-awˇ daˬ ga tehꞈ-a.”

Iˇsaˬyaˇ 30:7

Iˇjiˇtuˆ miˇ kʼahˬ neh ngehˬ gʼeh-euˬ jeˬ, tiˬ pawꞈ-iˬ gaˇ dahˇ maˬ tsoeˬ-a. Kʼoeˇ miˇ neh, Iˇjiˇtuˆ miˇ kʼahˬ-ahˇ ngaˇ, doꞈ maˬ ahˇ-eu byaˆ yahˬ lehˇ kuˇ-eu ma.”

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 39:3

Kʼoeˇ naˇ, sahˬ paˬ Heˬsaˬgiˇ jawˇ gaˇ Iˇsaˬyaˇ le-awˇ, “Tsawˇ haˬ heu deuˬ aˬ geu gaˇ neh oe-awˇ, nawˬ-ahˇ aˬ jeˬ ehˇ le taˬ” lehˇ naˇ haˬ ngeh, “Aˬ yawꞈ maꞈ gaˇ mahˇ kaˬ dui dui-eu Baˬbuˇloˬ miˇ kʼahˬ-ahˇ neh oe-euˬ meh” lehˇ, Heˬsaˬgiˇ ehˇ kʼoꞈ nehˬ-euˬ meh.

Iˇsaˬyaˇ 5:14

Kʼoeˇ miˇ neh shiˇ-eu miˇ kʼahˬ yaw kuiˇ dzaˬ siˬ-awˇ, kʼaˬ meh mˇ nga shaˇ nga taˬ-awˇ, Yeˬluˇsaˬlehˬ-euˬ sahˬ paˬ sahˬ ma deuˬ hawˇ-eu miˇ kʼahˬ zaˬ deuˬ, lawꞈ lawꞈ-ehˇ bi myoꞈ ahˇ jiˇ tehꞈ-a.

Iˇsaˬyaˇ 5:26

Gaˇ mahˇ kaˬ gaˇ jawˇ-eu tsawˇ jeuˬ-ahˇ Sahˬpaˬ Miˬyehˇ kuˇ gaˬ-awˇ, mˬ dzeˇ miˇ dzeˇ neh laˇ-awˬ lehˇ jaˬ cehˇ cehˇ nehˬ ngeh, aˬ yawꞈ maꞈ yaw kawˇ-ehˇ cehˆ keuˆ laꞈ tehꞈ-a.

Yeˬlaˬmiˇ 22:7

Sahˬ paˬ jawˇ-eu hawˇ nymˇ kʼoeˇ-ahˇ bi laˆ cawˆ-eu gʼaˇ duˬ, ngaˇ tsawˇ haˬ pyehˬ gʼeh leꞈ ma. Aˬ yawꞈ maꞈ deuˆ haˬ baꞈ leꞈ-awˇ, haw muiˬ dui dui-eu shuˬ liˇ kʼawˇ zeuˇ deuˬ-ahˇ deuˆ tsehˆ-awˇ, miˬ dzaˬ-ahˇ baꞈ puiˆ tehꞈ-a.

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Yeˬlaˬmiˇ 9:9

Aˬ yawꞈ maꞈ kʼoeˇ loꞈ-ehˇ dehꞈ doeˇ-eu baˬ da neh, ngaˇ maˬ kʼehˬ ni jawˇ coeˇ nmˇ loˇ. Kʼoeˇ naˆ ni doeˇ-eu tsawˇ jeuˬ-ahˇ, ngaˇ laꞈ poˆ maˬ poˆ ni dzahˬ tehˬ coeˇ nmˇ loˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 5:13

“Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Hawˇseˬ 9:5

Sahˬpaˬ Miˬyehˇ-ahˇ taˬ huiˬ-eu, bawˬ-iˬ gʼeh-eu aˇ yamˬ tsaˬ laˇ naˇ, aˬ yawꞈ maꞈ aˬ joˆ-ehˇ jahˇ nmˇ.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Miˇkaˬ 7:4

Aˬ yawꞈ maꞈ laꞈ kʼoeˇ aˬ cawˬ naˆ maˬ tseˇ sui dui dawˇ dui dui-eu deuˬ kʼawꞈ, gaˇ dahˇ maˬ tsoeˬ-eu jaˆ guˬ jaˆ gaˆ loˆ ni tehꞈ meh. Miˬyehˇ gʼaˇ duˬ ngehˬ dah-eu deuˬ-ahˇ bi ehˇ taˬ-euˬ loꞈ-ehˇ, tsawˇ haˬ kʼoeˇ deuˬ-ahˇ Miˬyehˇ kʼehˬ nehˬ kʼaˆ nehˬ-eu aˇ nah keuˆ laˇ-euˬ meh. Nymˬ-mˇ poˆ jawˇ aˬ yawꞈ maꞈ tiˬ jeˬ-iˬ shaˇ noeˬ maˬ doˆ ni pyeuꞈ laˇ taˬ-euˬ meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Luˇkaꞈ 19:44

Nawˇ hawˇ-eu nawˬ-euˬ meuˬ lahˇ laꞈ kʼoeˇ jawˇ-eu tsawˇ haˬ deuˬ-ahˇ, geuꞈ-eu jeˬ maˬ ahˇ-ehˇ pyeuꞈ-iˇ ngeh keuˆ ni a yawꞈ maꞈ laˆ cawˆ jiˇ tehꞈ-a. Kʼaˬ lo tsaˬ byaˆ deuˬ tiˬ siˬ kʼoeˇ taˆ tiˬ siˬ maˬ jaˆ coeˇ gaˇ keuˆ ni aˬ yawꞈ maꞈ jahˇ tehꞈ-a. Aˬ jeˬ miˇ neh ehˇ naˇ, Miˬyehˇ nawˬ-ahˇ ka kʼoꞈ le-eu lehˇ oe yaꞈ-euˬ aˇ yamˬ-ahˇ nawˇ maˬ siˬ nya-aˬ.”

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.