Iˇsaˬyaˇ 10:2 - Akha

² Zaˬ coeˬ zaˬ-euˬ yaw tsaˬ yaw dawˇ-ahˇ sheu kaˬ-awˇ, iˇ shaˬ zaˬ-ahˇ yaw lehˬ ciˬ pi-eu meh. Miˬ coeˬ miˬ ma-ahˇ yehˬ bawˬ sehˇ lu-ehˇ gʼeh-awˇ, muˇ coe aˬ nmˇ-ahˇ tahˇ joe joe-eu meh.

Iˇsaˬyaˇ 10:2 Σταυροειδείς Αναφορές

Yawˇbaˆ 31:16

Shaˬ zaˬ zahˬ zaˬ deuˬ-ahˇ ngaˇ maˬ caw ba ni maˬ byehˇ dzeh-aˬ. Miˬ coeˬ miˬ ma deuˬ-ahˇ ngehˬ maˬ gʼeh ni maˬ bi shaˬ-aˬ.

Jaceuq 94:6

Miˬ coeˬ miˬ ma hawˇ-eu muˇ coe aˬ nmˇ deuˬ-ahˇ aˬ yawꞈ maꞈ sehꞈ-awˇ, nga maꞈ miˇ kʼahˬ laꞈ kʼoeˇ jawˇ-eu boeˇ miˬ siˬ kʼaˬ deuˬ-ahˇ sehꞈ-eu meh.

Doˆ-iˇ 23:6

“Shaˬ-eu zahˬ-eu tsawˇ haˬ-ahˇ yaˇ kʼaˬ daˇ nehˬ ngeh, maˬ tsaˬ maˬ dawˇ-eu laꞈ kʼoeˇ maˬ ya daˇ nehˬ-a.

Dawqdaq 22:22

Nawˇ gʼeh nya-eu miˇ neh shaˬ zaˬ zahˬ zaˬ-ahˇ taˬ kʼaˬ gʼa. Laꞈ jeuˬ shaˇ kʼaˇ maˬ za-eu deuˬ-ahˇ yaˇ kʼaˬ ja gʼaˬ-eu taˬ leh jeh.

Dawqdaq 30:14

Shaˬ zaˬ zahˬ zaˬ-ahˇ gʼawˬ shaˬ maˬ gaˬ ni, smˇ kʼaˆ kʼaˆ-awˇ dehꞈ dzaˬ-eu tsawˇ haˬ jawˇ-eu meh.

Iˇsaˬyaˇ 1:17

Yaw muiˬ jeˬ mˇ-eu dzaw-awˬ. Yaw tsaˬ yaw dawˇ jeˬ-ahˇ poˆ-awˬ. Nawˬ dzaˬ kʼaˆ dzaˬ-eu jeˬ laˆ byoˆ-awˬ. Aˬ da maˬ baw-eu deuˬ-ahˇ haw piˇ-awˬ. Miˬ coeˬ miˬ ma-ahˇ gʼawˬ shaˬ gaˬ-awˬ.”

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Iˇsaˬyaˇ 29:21

Yaw haiˬ deuˬ buˬ-iˇ ni ja piˇ-awˇ, tsawˇ muiˬ yaw doeˇ oꞈ ni ngehˬ-eu tsawˇ haˬ, Miˬyehˇ laˆ cawˆ nehˬ gaˇ ya daˬ tehꞈ-a.

Iˇsaˬyaˇ 3:14

Aˬ yawꞈ-euˬ tsawˇ jeuˬ kʼoeˇ taˆ aˬ yuiꞈ aˬ tsu geuꞈ-eu deuˬ hawˇ-eu, sahˬ paˬ sahˬ ma geuꞈ-eu deuˬ-ahˇ, aˬ yawꞈ heu loꞈ-ehˇ yaˇ kʼaˬ daˇ-eu meh. “Naw maꞈ aˬ gaꞈ yaˇ kmˇ laˆ cawˆ-euˬ deuˬ pyeuꞈ-awˇ, yaw shaˬ zaˬ deuˬ-ahˇ kʼaˆ dzaˬ-euˬ jeˬ, naw maꞈ iˇ kahˇ tiˬ byah jaˆ meh.

Iˇsaˬyaˇ 3:15

Ngaˬ-euˬ tsawˇ haˬ deuˬ-ahˇ naw maꞈ nawˬ pahˬ-awˇ, iˇ shaˬ zaˬ deuˬ-euˬ baˬ ba miˇ tsa ciˬ jeˬ nehˬ-eu teu, aˬ jeˬ dawˬ tsuiꞈ jahˇ te lehˇ, Dawˬ tawˆ kʼoeˇ taˆ uˆ lahˇ-eu gʼaˬ pyeuꞈ-eu, Baoˬ huiˬ-eu Sahˬpaˬ Miˬyehˇ ehˇ-eu ma.”

Iˇsaˬyaˇ 32:6

Aˬ dzawˬ dawˬ doeˇ ngehˬ-awˇ, aˇ gah nui noeˬ yaw cawˆ tehꞈ meh. Aˬ dzawˬ aˇ gah mˇ-eu ngehˬ-eu, Sahˬpaˬ Miˬyehˇ-ahˇ yehˬ bawˬ sehˇ lu-ehˇ gʼeh-awˇ, mehꞈ-eu shuꞈ-eu deuˬ-ahˇ bi dzaˬ bi dawˇ-eu maˬ baw-a.

Iˇsaˬyaˇ 5:23

Aˬ yawꞈ maꞈ laꞈ nmꞈ nmꞈ gaˇ noeˬ muiˬ-awˇ, yaw lehˬ yaw ca gʼaˬ-ahˇ pyehˬ-awˇ, maˬ lehˬ maˬ ca gaˇ tiꞈ-eu meh.

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 59:15

Yaw sui yaw dawˇ jeˬ maˬ jaˆ-eu miˇ neh, yaw haiˬ jeˬ maˬ mˇ-ehˇ byehˇ dzeh-eu deuˬ, aˬ cawˬ kʼehˬ duˬ pyeuꞈ-iˇ-eu meh.” Yaw tsaˬ yaw dawˇ jeˬ maˬ jaˆ gaˇ Sahˬpaˬ Miˬyehˇ mawˇ-awˇ, nui ma tiˬ pawꞈ-iˬ maˬ saˇ-a.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Ngoeˇ dawˬ 3:35

tsawˇ haˬ yawˬ gʼaˬ na-ahˇ oꞈ-eu, aˬ yawꞈ biꞈ-euˬ yaw tsaˬ yaw dawˇ, maˬ biꞈ ni zuiˆ gʼaˬ-eu tiˬ jeˬ,

Yeˬsaˬgeˬlaˇ 22:7

Meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ, yawˬ ha-euˬ aˬ ma aˬ da-ahˇ yaw zeu maˬ baw-a. Aˬ cawˬ tsawˇ jeuˬ-ahˇ nawˇ mehˇ shuiˇ shuiˇ dzaˬ-awˇ, miˬ coeˬ miˬ ma hawˇ-eu muˇ coe aˬ nmˇ deuˬ-ahˇ nawˇ yehˬ bawˬ-ehˇ gʼeh nehˬ-euˬ meh.

Aˬmoˆ 2:6

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.

Aˬmoˆ 2:7

Gʼaˬ baˬ-awˇ maˬ gʼeh nya-eu deuˬ-ahˇ aˬ yawꞈ maꞈ nawˬ tehˬ-awˇ, iˇ shaˬ zaˬ deuˬ-ahˇ dehˬ dzeh-euˬ meh. Zaˬ miˬ zaˬ zaˬ kʼaˆ tiˬ gʼaˬ-ahˇ tehꞈ-ehˇ nyiˬ da zaˬ luꞈ yuꞈ taꞈ-eu laꞈ kʼoeˇ, muiˬ-eu shawˇ-eu ngaˬ-euˬ tsawˇ myahˇ-ahˇ laˆ jawꞈ-euˬ meh.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Miˇkaˬ 3:1

Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-oˇ, ngaˇ ehˇ gaˇ naˇ haˬ sheˇ. Miˇ kʼahˬ zaˬ deuˬ yaw tsaˬ yaw dawˇ dawˇ-ehˇ dehꞈ ni naw maꞈ haw-eu tsaˬ meh.

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.