Iˇsaˬyaˇ 10:14 - Akha

¹⁴ Miˇ kʼahˬ tsawˇ jeuˬ dawˬ tawˆ luꞈ aˇ jiˇ bahˬ-ahˇ duˇ-awˇ, aˇ jiˇ ya uˆ gʼoˆ uiˬ-eu loꞈ-ehˇ, aˬ yawꞈ maꞈ-euˬ pyuˇ shuiˇ myawˬ gahˬ ngaˇ yuˇ geuꞈ ngeh, dahˇ diˬ diˬ-awˇ ceh laˇ-eu aˇ jiˇ maˬ ya mawˇ-ehˇ, mehˬ toˆ neh soeˬ laˇ-eu aˇ jiˇ maˬ jawˇ-eu loꞈ-ehˇ, ngaˬ-ahˇ laˆ tsoeˬ-eu gʼaˬ maˬ jawˇ miˇ nya.”

Iˇsaˬyaˇ 10:14 Σταυροειδείς Αναφορές

2 Laˬsaˬbaˬ 32:13

Ngaˬ-euˬ aˬ poeˬ aˬ bawˇ deuˬ hawˇ-eu ngaˬ neh aˬ cawˬ-euˬ miˇ kʼahˬ deuˬ-ahˇ aˬ joˆ-ehˇ jahˇ nehˬ-euˬ naw maꞈ maˬ siˬ nya te loˇ. Tsawˇ jeuˬ kʼoeˇ deuˬ-euˬ miˬ yehˇ deuˬ neh, yawˬ ha-euˬ tsawˇ jeuˬ-ahˇ Aˬshuˇliˆ sahˬ paˬ-euˬ laꞈ-ahˇ neh ka kʼoꞈ nehˬ-euˬ aˬ myah jaˆ haw taˬ.

Yawˇbaˆ 31:25

ngaˬ-euˬ pyuˇ shuiˇ-ahˇ ngaˇ nui ma maˬ huiˬ haw-aˬ.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 37:25

Aˬ cawˬ miˇ kʼahˬ laꞈ kʼoeˇ nawˇ lah duˬ duˬ-awˇ iˇ cuꞈ dawˇ-euˬ gaˇ kawˆ kʼahˬ sehˇ jehˆ-eu uˬ taꞈ, nawˬ-euˬ yehˇ deuˬ neh Niˬlaˇ lawˇ baˬ nawˬ gui-euˬ meh lehˇ kʼahˬ sehˇ jehˆ-euˬ meh.

Iˇsaˬyaˇ 5:8

Nymˇ tiˬ nymˇ saˇ-iˬ tiˬ nymˇ tsoˆ lahˬ-awˇ, deh yaˇ tiˬ kawˬ saˇ-iˬ tiˬ kawˬ laˆ lahˬ-eu tsawˇ haˬ, ya noeˬ shaˬ dui dui tehꞈ-a. Aˬ cawˬ jawˇ kʼaˇ maˬ za-ehˇ pyeuꞈ laˇ-awˇ, miˇ kʼahˬ heu hui ni gʼeh-eu laꞈ kʼoeˇ, jawˇ cawˬ maˬ baw ni ya shaˬ tehꞈ-a.

Yeˬlaˬmiˇ 49:16

Nawˇ nui ma huiˬ-eu mahˇ-eu jeˬ, nawˬ-ahˇ mehˇ shuiˇ shuiˇ-euˬ meh. Nawˬ neh noeˬ-euˬ loꞈ-ehˇ, aˬ cawˬ tiˬ gʼaˬ-iˬ nawˬ-ahˇ maˬ guˆ-a. Gawˬ jawˬ uˬ du jaˆ-eu lo guˇ uˬ gʼmˬ-ahˇ nawˇ jawˇ-eu meh. Kʼaˬ dzeˇ loꞈ-ehˇ goˇ dui dui-eu tsahˇ-ahˇ jawˇ kʼawꞈ, Sahˬpaˬ Miˬyehˇ nawˬ-ahˇ dehˬ ka nya meh lehˇ, Sahˬpaˬ Miˬyehˇ ehˇ taˬ-euˬ dawˬ jaˆ meh.”

Yeˬsaˬgeˬlaˇ 35:13

Nawˇ nui ma huiˬ-awˇ kʼahˬ sehˇ jehˆ-eu laꞈ kʼoeˇ, ngaˬ-ahˇ yehˬ bawˬ-ehˇ kʼaˇ ehˇ-euˬ dawˬ ngaˇ gaˬ jiˇ taˬ-euˬ ma.”

Aaˇbaˬdiˇ 1:4

Nawˬ-euˬ nymˇ kʼaˬ dzeˇ bahˬ loꞈ-ehˇ aˬ guiˇ yaw kaˬ-ahˇ jaˆ-eu kʼawꞈ, Nawˬ-ahˇ ngaˇ gʼeu ka nehˬ ma lehˇ, Ngaˇ Sahˬpaˬ Miˬyehˇ ehˇ-eu ma.

Naˬhmˬ 2:9

Pyuˇ deuˬ ceh geuꞈ yuˇ geuꞈ jiˇ-awˬ. Shuiˇ deuˬ nawˬ geuꞈ kʼaˆ geuꞈ jiˇ-awˬ. Aˇ poeˬ kʼaˆ-eu pyuˇ shuiˇ myawˬ gahˬ maˬ ehˇ jiˇ coeˇ ni jaˆ luꞈ meh.