Iˇsaˬtaˆ 7:6 - Akha

⁶ Iˇsaˬtaˆ ehˇ-eu, “Nga maꞈ-ahˇ muiˇ-awˇ kʼehˬ-eu lehˇ gʼeh-eu gʼaˬ-aˬ, haiˬ dui dui-eu Haˬmaˬ heu gʼaˬ meh.” Kʼoeˇ ngeh, Haˬmaˬ-aˬ, sahˬ paˬ hawˇ-eu sahˬ paˬ miˬ zaˬ mehˬ shi guˆ-awˇ yaw dzuˬ dzuˬ-eu meh.

Iˇsaˬtaˆ 7:6 Σταυροειδείς Αναφορές

Neˬhaˬmiˇ 6:16

Nga maꞈ-euˬ jawˬ jawˬ-ehˇ jawˇ-eu nga maꞈ-ahˇ muiˇ-eu aˬ cawˬ tsawˇ jeuˬ deuˬ gaˇ kawˆ kʼoeˇ ya gaˬ ngeh, aˬ yawꞈ maꞈ-euˬ myaˆ pyawˬ naˇ mehˇ maˬ jaˆ-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, Miˬyehˇ caw ba-eu miˇ neh gaˇ kʼoeˇ mˇ pyeuꞈ nya-euˬ gaˇ kawˆ, yawˬ gʼaˬ na luꞈ siˬ duˬ-eu meh.

Iˇsaˬtaˆ 3:10

Sahˬ paˬ-aˬ, aˬ yawꞈ-euˬ dawˬ kʼaˇ biꞈ gʼeh ngeh jmˬ diˬ-euˬ aˬ yawꞈ-euˬ laꞈ behˬ lehˆ doˆ-awˇ, Yuˇdaˆ tsawˇ haˬ-ahˇ muiˇ-eu gʼaˬ pyeuꞈ-eu Aˬgaˆ-euˬ aˇ jeuˬ Haˬmeˬdaˬtaˬ-euˬ aˬ li Haˬmaˬ-ahˇ biꞈ nehˬ-euˬ meh.

Iˇsaˬtaˆ 7:5

Kʼoeˇ naˇ, sahˬ paˬ miˬ zaˬ Iˇsaˬtaˆ-ahˇ sahˬ paˬ Dzeuˬsehˆ ehˇ nehˬ-eu, “Teu naˆ naˆ-ehˇ gʼeh-eu jeˬ mˇ peuˬ-eu aˬ suˇ gʼaˬ-a. Tsawˇ haˬ kʼoeˇ gʼaˬ aˬ gaˇ jawˇ ta.”

Iˇsaˬtaˆ 8:1

Kʼoeˇ ngeh nah-ahˇ, Yuˇdaˆ tsawˇ haˬ deuˬ-ahˇ muiˇ-eu gʼaˬ pyeuꞈ-eu Haˬmaˬ-euˬ pyuˇ shuiˇ myawˬ gahˬ dawˬ tawˆ luꞈ, sahˬ paˬ Dzeuˬsehˆ neh sahˬ paˬ miˬ zaˬ Iˇsaˬtaˆ-ahˇ biꞈ-euˬ meh. Mawˬdaˬkehˇ-aˬ, aˬ yawꞈ-euˬ aˬ yuiꞈ aˬ nyiˇ pyeuꞈ-eu gaˇ kawˆ sahˬ paˬ-ahˇ Iˇsaˬtaˆ neh ehˇ nehˬ-awˇ, kʼoeˇ ngeh neh naˇ Mawˬdaˬkehˇ gʼaˬ sahˬ paˬ-euˬ mehˬ shi le-eu a kawˬ-aˬ za-euˬ meh.

Jaceuq 27:2

Haiˬ-eu deuˬngaˬ-ahˇsehꞈle ngeh, muiˇ-eu deuˬngaˬ-ahˇdawꞈle ngeh, sahˬtiꞈtiꞈ-awˇcoˬdzeh-eu meh.

Dawqdaq 16:14

Sahˬ paˬ nui pehˇ tsawˇ shiˇ uˬ kʼawˇ shaˇ-eu miˇ neh, tsawˇ gahˇ ahˇ-eu deuˬ sahˬ paˬ-ahˇ dehꞈ tsaˬ-eu meh.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Iˇsaˬyaˇ 21:4

Ngaˬ-euˬ nui ma cehˇ tahˬ tahˬ-awˇ, yaw dzuˬ dzuˬ dui dui nya. Uˬ ciꞈ ciꞈ le gaˇ noeˬ tmˬ kʼawꞈ, ciꞈ le ngeh guˆ dzehˬ laˇ-eu nya.

1 Gawˇliˬtu 5:13

Laꞈ nyiˇ paw-euˬ tsawˇ haˬ deuˬ-ahˇ Miˬyehˇ yaˇ kʼaˬ daˇ tehꞈ-a. Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Haiˬ-eu tsawˇ haˬ deuˬ-ahˇ naw maꞈ laꞈ kʼoeˇ maˬ bi jawˇ ni teh doˆ-awˬ.”

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

1 Saˬmeuˬlaˆ 24:13

Haiˬ-eu tsawˇ haˬ deuˬ tehꞈ-ehˇ yaw haiˬ jeˬ mˇ-eu meh lehˇ ehˇ-eu tsawˇ mawˬ dawˬ daˬ nawˇ siˬ nya meh. Kʼoeˇ miˇ neh, nawˬ-ahˇ laˆ tahˬ laˆ naˇ-eu jeˬ ngaˇ maˬ mˇ.