Iˇsaˬtaˆ 5:9 - Akha

⁹ Haˬmaˬ-aˬ, dzaˬ byawˇ kʼoeˇ dzaˬ gʼaˬ ngeh jawˇ, nui ma saˇ lehˆ ni laˬ kʼaˬ cehˇ cehˇ-ehˇ doˆ-iˇ-euˬ meh. Ehˇ kʼawꞈ, sahˬ paˬ-euˬ nymˇ gʼoˆ kʼehˬ-ahˇ Mawˬdaˬkehˇ-ahˇ ya mawˇ-awˇ, aˬ yawꞈ iˇ tsehˆ gʼeh luꞈ gaˇ Mawˬdaˬkehˇ tsawˬ tuˇ-awˇ yaw zeu maˬ baw nehˬ-euˬ miˇ neh, Mawˬdaˬkehˇ-ahˇ aˬ yawꞈ nui ma pehˇ-euˬ meh.

Iˇsaˬtaˆ 5:9 Σταυροειδείς Αναφορές

1 Sahˬpaˬ 21:4

Aˬhaˆ-aˬ, iˇ kahˇ-ahˇ gʼoꞈ leˇ-awˇ, Naˬboˆ neh aˬ yawꞈ-ahˇ ehˇ nehˬ-euˬ dawˬ-ahˇ nui ma pehˇ-eu laꞈ kʼoeˇ, nui ma tiˬ pawꞈ-iˬ maˬ saˇ ni, yuꞈ zaˇ kʼoeˇ taˆ myaˆ pyawˬ kaˇ pyawˇ paw ciˬ pyawˇ-awˇ yuꞈ-eu laꞈ kʼoeˇ, maˬ dzaˬ maˬ dawˇ ni jawˇ-euˬ meh.

1 Sahˬpaˬ 21:6

Aˬ yawꞈ ehˇ-eu, “Naˬboˆ neh ngaˬ-ahˇ ehˇ nehˬ laꞈ-euˬ dawˬ baˬ da neh, ngaˇ heu loꞈ-ehˇ jawˇ luꞈ-eu ma. Aˬ yawꞈ-euˬ aˬ gaꞈ yaˇ kmˇ ngaˇ zeuˇ mawꞈ nya lehˇ aˬ yawꞈ-ahˇ ngaˇ ehˇ nehˬ-euˬ ma. Maˬ ngeuˇ naˇ kʼawꞈ, aˬ yawꞈ nui kʼahˇ shiˇ naˇ, aˬ gaꞈ yaˇ kmˇ yawˬ kmˇ yawˬ biꞈ tsoeˬ nehˬ ma lehˇ ehˇ nehˬ-euˬ ma. Ehˇ kʼawꞈ, aˬ gaꞈ yaˇ kmˇ kʼoeˇ kmˇ ngaˬ-ahˇ maˬ biꞈ nya lehˇ aˬ yawˬ ehˇ-eu meh.”

Iˇsaˬtaˆ 2:19

Aˇ yamˬ kʼoeˇ yamˬ-ahˇ, sahˬ paˬ neh Mawˬdaˬkehˇ-ahˇ miˇ kʼahˬ-ahˇ uˆ lahˇ-eu gaˇ bi mˇ-euˬ meh.

Iˇsaˬtaˆ 3:2

Sahˬ paˬ-euˬ gaˇ kʼaˇ mˇ-eu yaw huiˬ yaw mahˇ dawˬ tawˆ luꞈ, Haˬmaˬ-euˬ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu laꞈ kʼoeˇ, Haˬmaˬ-ahˇ yaw zeu ya baw nehˬ meh lehˇ sahˬ paˬ dawˬ biꞈ-euˬ meh. Mawˬdaˬkehˇ tiˬ gʼaˬ maˬ ngeuˇ naˇ, dawˬ tawˆ luꞈ kʼoeˇ loꞈ-ehˇ jahˇ-awˇ yaw zeu baw nehˬ-euˬ meh.

Iˇsaˬtaˆ 3:5

Mawˬdaˬkehˇ gʼaˬ aˬ yawꞈ mehˬ shi pawˬ tsuiꞈ pawˬ dmˬ dmˬ-awˇ uˬ duˬ tahˬ moꞈ-eu jeˬ maˬ mˇ lehˇ noeˬ tsehˆ taˬ-euˬ gaˇ Haˬmaˬ ya siˬ duˬ ngeh, nui ma pehˇ dui dui leˇ-euˬ meh.

Iˇsaˬtaˆ 5:13

Ehˇ kʼawꞈ, Yuˇdaˆ tsawˇ haˬ Mawˬdaˬkehˇ kʼoeˇ gʼaˬ sahˬ paˬ-euˬ nymˇ gʼoˆ kʼehˬ-ahˇ nuiˇ luꞈ gaˇ kʼaˇ ya mawˇ kʼoeˇ keuˆ ni, nymˬ-mˇ ngaˬ neh kʼaˇ ja dzeuˇ yaꞈ-euˬ heu deuˬ dawˬ tawˆ luꞈ ngaˬ-euˬ gʼaˇ duˬ poeˬ sawˇ lawˬ maˬ baw nya.”

Yawˇbaˆ 20:5

haiˬ-eu tsawˇ haˬ tiˬ gʼaˬ-iˬ gʼawˬ myahˇ ni laˬ kʼaˬ cehˇ cehˇ-ehˇ maˬ ya dehꞈ haw-aˬ.

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Jaceuq 27:3

Guiˇmaꞈtiˬmaꞈmaꞈlah oe-awˇ, ngaˬ-ahˇjawˬlahˇjiˇkʼawꞈmaˬguˆ. Muiˇ-eu deuˬngaˬ-ahˇdeuˆle kʼawꞈ, ngaˬ-euˬnui ma ziꞈdah jaˆma.

Daˬyeˬlaˇ 3:13

Kʼoeˇ ngeh, sahˬ paˬ nui ma pehˇ laˇ-awˇ, tsawˇ haˬ kʼoeˇ smˇ gʼaˬ-ahˇ aˬ yawꞈ mehˬ shi bi sheuˬ laꞈ-eu gʼaˇ duˬ dawˬ biꞈ-euˬ meh.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Maꞈtehˬ 2:16

Nahˇ ma doˆ kʼehˬ paw neh laˇ-euˬ zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ, aˬ yawꞈ-ahˇ tsawˇ gahˇ gahˇ-awˇ gʼoꞈ dzeuˇ-euˬ gaˇ kawˆ Heˬloˆ ya siˬ duˬ ngeh, nui ma pehˇ dui dui-euˬ meh. Kʼoeˇ ngeh, Behˬlehˬhehˬ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ kʼaˇ jawˇ-eu, nyiˬ kʼoꞈ-ahˇ neh laꞈ oˆ paw-euˬ aˬ li zaˬ nahˬ dawˬ tawˆ luꞈ-ahˇ sehꞈ jiˇ-eu gʼaˇ duˬ aˬ yawꞈ dawˬ biꞈ-euˬ meh. Zaˬ siˬ tsawˇ gahˇ ahˇ-eu tsawˇ haˬ kʼoeˇ deuˬ neh aˬ yawꞈ-ahˇ ehˇ nehˬ taˬ-euˬ aˬ guiˇ kʼoeˇ siˬ doˆ laˇ-euˬ aˇ yamˬ shaˇ sawˇ duˬ-awˇ, aˬ li zaˬ nahˬ deuˬ-ahˇ bi sehꞈ-eu gʼaˇ duˬ kʼoeˇ loꞈ-ehˇ dawˬ biꞈ-euˬ meh.

Luˇkaꞈ 6:25

“Naw maꞈ nymˬ-mˇ ya dzaˬ ya dawˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ kʼoeˇ taˆ mehꞈ-eu shuꞈ-eu jeˬ keuˆ le tehꞈ-a. “Naw maꞈ nymˬ-mˇ uiˇ luꞈ-eu tsawˇ haˬ deuˬ ya noeˬ shaˬ dui dui meh. Aˬ jeˬ miˇ neh ehˇ naˇ, naw maꞈ myaˆ biˇ ya doˆ-awˇ, tsawˇ ngoeˇ ya ngoeˇ tehꞈ-a.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Gʼaˬkʼehˇ 7:54

Saˬteˬpaˬ kʼoeˇ loꞈ-ehˇ ehˇ gaˇ ya gaˬ ngeh, Bahꞈdzah laꞈ kʼoeˇ uˇ-eu tsawˇ haˬ deuˬ aˬ yawꞈ-ahˇ nui ma pehˇ dui dui laˇ-awˇ, seuˬ teuꞈ-eu meh.

Yaˬkoˆ 4:9

Noeˬ shaˬ dui dui-awˇ ngoeˇ dui dui-awˬ. Naw maꞈ uiˇ-euˬ jeˬ-ahˇ ngoeˇ-eu jeˬ bi pyeuꞈ-iˇ-awˇ, laˬ kʼaˬ cehˇ-euˬ jeˬ-ahˇ noeˬ shaˬ-eu jeˬ bi pyeuꞈ-iˇ-awˬ.