Iˇsaˬtaˆ 5:4 - Akha

⁴ Iˇsaˬtaˆ ehˇ-eu, “Sahˬ paˬ-oˇ, nawˇ nui ma tsaˬ naˇ, nawˇ hawˇ-eu Haˬmaˬ gʼaˇ duˬ nymˇ ciꞈ ngaˬ neh lehˬ hmˬ laˆ saˆ taˬ-euˬ dzaˬ byawˇ-ahˇ oe nehˬ laꞈ-awˬ.”

Iˇsaˬtaˆ 5:4 Σταυροειδείς Αναφορές

Aˇ dahˬ 27:25

Kʼoeˇ naˇ, “Shaˬ jiˇ hehˇ laꞈ-awˬ. Dzaˬ gʼaˬ dawˇ gʼaˬ naˇ, ngaˇ nawˬ-ahˇ dawˬ ngehˬ gʼeh nehˬ ma” lehˇ, Iˇtsaˆ ehˇ-eu meh. Kʼoeˇ ngeh, shaˬ jiˇ kʼoeˇ hawˇ-eu aˬ gaꞈ dzaˇ uiˇ ui cuiˆ, aˬ yawꞈ-euˬ aˬ da-ahˇ Yaˬkoˆ ciˬ nehˬ-euˬ meh.

Aˇ dahˬ 32:20

Nawˬ-euˬ zaˬ kʼaˆ Yaˬkoˆ mehˬ nah paw oe luꞈ meh lehˇ ehˇ nehˬ-awˬ” lehˇ mehˬ nehˬ-euˬ meh. “Ngaˬ neh mehˬ hu paw biꞈ gʼeh-euˬ laꞈ sawˬ kʼoeˇ deuˬ baˬ da neh, Iˇsawˇ nui ma saˇ laˇ-awˇ, ngaˬ-euˬ gʼawˇ mawˇ aˬ yawꞈ-ahˇ ya tahˬ puˬ ngeh, aˬ yawꞈ ngaˬ-ahˇ iˬ baˇ pyehˬ-awˇ ha geuꞈ nehˬ laꞈ tehꞈ-a” lehˇ, Yaˬkoˆ-euˬ nui ma laꞈ kʼoeˇ noeˬ kʼoeˬ-euˬ meh.

Iˇsaˬtaˆ 1:9

Kʼoeˇ ngeh, sahˬ paˬ-euˬ miˬ zaˬ Baˬshaˬtiˇ gʼaˬ, sahˬ paˬ-euˬ nymˇ laꞈ kʼoeˇ zaˬ miˬ zaˬ deuˬ-ahˇ dzaˬ byawˇ lawˇ luꞈ-eu meh.

Iˇsaˬtaˆ 3:15

Sahˬ paˬ neh dawˬ biꞈ-euˬ loꞈ-ehˇ, gaˇ kawˆ kʼoeˇ Suˇsaˬ meuˬ-ahˇ jawˇ-eu tsawˇ haˬ dawˬ tawˆ luꞈ-ahˇ bi siˬ bi gaˬ-awˇ, cehˆ coeˬ coeˬ-awˇ sahˬ boꞈ sha-eu tsawˇ haˬ deuˬ neh miˇ kʼahˬ doe ni cehˆ gaˬ-iˇ-euˬ meh. Suˇsaˬ meuˬ laꞈ kʼoeˇ gaˇ kawˆ kʼoeˇ hmˬ baˬ da neh luiˬ gʼaˬ dui dui luꞈ ngeh, sahˬ paˬ hawˇ-eu Haˬmaˬ aˬ nyaꞈ tiˬ gaˇ nuiˇ-awˇ aˬ gaꞈ dzaˇ uiˇ dawˇ luꞈ-eu meh.

Iˇsaˬtaˆ 5:3

Sahˬ paˬ ehˇ-eu, “Sahˬ paˬ miˬ zaˬ Iˇsaˬtaˆ-oˇ, nawˇ aˬ jeˬ gʼeh laˇ teˬ. Nawˇ aˬ jeˬ loˬ te lehˇ ehˇ-awˬ. Nawˇ kʼaˇ shaˇ-eu jeˬ ngaˇ biꞈ ma. Ngaˬ-euˬ miˇ kʼahˬ kʼahˬ ma heu tiˬ paˆ paˆ nehˬ laꞈ lehˇ ehˇ kʼawꞈ, nawˬ-ahˇ ngaˇ paˆ nehˬ ma.”

Iˇsaˬtaˆ 5:5

Iˇsaˬtaˆ neh laˆ saˆ taˬ-euˬ dzaˬ byawˇ-ahˇ aˬ yawꞈ nyaꞈ dzaˬ-iˇ-eu gʼaˇ duˬ, Haˬmaˬ-ahˇ yaw kawˇ-ehˇ kuˇ laˬ-iˇ-awˬ lehˇ sahˬ paˬ dawˬ biꞈ-euˬ meh. Kʼoeˇ naˇ, sahˬ paˬ hawˇ-eu Haˬmaˬ aˬ nyaꞈ, Iˇsaˬtaˆ neh lawˇ-euˬ dzaˬ byawˇ-ahˇ iˇ-euˬ meh.

Iˇsaˬtaˆ 5:8

Ngaˬ neh shaˇ-euˬ dawˬ-ahˇ sahˬ paˬ nawˇ naˇ haˬ geuꞈ nehˬ laꞈ ma lehˇ ngeuˇ naˇ, ni shawˬ uˬ ciꞈ naw nyaꞈ gʼaˇ duˬ ngaˬ neh lehˬ hmˬ laˆ saˆ taˬ-euˬ dzaˬ byawˇ-ahˇ kʼawꞈ, Haˬmaˬ naw nyaꞈ tiˬ poˆ paˇ oe nehˬ laꞈ siˬ. Kʼoeˇ poˆ jawˇ ngaˇ shaˇ mawꞈ-eu jeˬ nawˬ-ahˇ ehˇ nehˬ ma” lehˇ eh ˇnehˬ-euˬ meh.

Jaceuq 112:5

Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

Dawqdaq 29:11

Aˬ dzawˬ aˇ gah deuˬ aˬ cawˬ-ahˇ nui ma bi mawˇ-awˇ, nui ma-ahˇ noeˬ-eu tsawˇ haˬ aˬ cawˬ-ahˇ nui ma maˬ bi mawˇ ni oˇ dzeuˇ-eu meh.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.