Iˇsaˬtaˆ 3:7 - Akha

⁷ Sahˬ paˬ Dzeuˬsehˆ uˆ lahˇ-eu tseˇ nyiꞈ kʼoꞈ tiˬ kʼoꞈ ba la yaw beh siˬ pyeuꞈ-eu Niˬsaˬ ba la-ahˇ, Haˬmaˬ aˬ yawꞈ neh noeˬ taˬ-euˬ jeˬ aˇ dahˬ beh-awˇ mˇ-eu gʼaˇ duˬ, Puˬlmˬ lehˇ kuˇ-eu mehˇ beuˬ-eu laꞈ kʼoeˇ, ba la aˇ siˬ hawˇ-eu aˇ nah tseˇ-eu gʼaˇ duˬ dawˬ biꞈ-awˇ bi tseˇ duˬ ngeh, ba la tseˇ nyiꞈ siˬ tiˬ siˬ pyeuꞈ-eu Aˬdaˬlaˇ ba la tseˇ smˬ nah tiˬ nah-ahˇ tsaˬ leˇ-euˬ meh.

Iˇsaˬtaˆ 3:7 Σταυροειδείς Αναφορές

Eˇzaˬlaˬ 4:6

Paˇshaˇ sahˬ paˬ Dzeuˬsehˆ uˆ lahˇ dahˬ beh ngeh yamˬ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ muiˇ-eu deuˬ, aˬ yawꞈ maꞈ-euˬ gaˇ kawˆ sahˬ boꞈ boꞈ-awˇ daˬ-euˬ meh.

Eˇzaˬlaˬ 6:15

Sahˬ paˬ Daˬliˇ uˆ lahˇ-eu koꞈ kʼoꞈ tiˬ kʼoꞈ Aˬdaˬlaˬ ba la smˬ nah tiˬ nah-ahˇ, aˬ yawꞈ maꞈ Uˬ duˬ tahˬ nymˇ nymˇ ma tsoˆ gʼaˬ-euˬ meh.

Neˬhaˬmiˇ 2:1

Ba la oeˬ siˬ paˇ dzeuˇ-iˇ-awˇ, sahˬ paˬ Aˬtaˬdzeuˬsehˆ uˆ lahˇ-eu nyiˬ tseˇ kʼoꞈ tiˬ kʼoꞈ Niˬsaˬ ba la-ahˇ, sahˬ paˬ hawˬ dzaˬ luꞈ ngeh, ngaˇ aˬ gaꞈ dzaˇ uiˇ ciˬ ha nehˬ-euˬ ma. Dzeuˇ laˇ ngeh ngaˇ noeˬ shaˬ luꞈ-eu aˬ yawꞈ tiˬ poˆ-iˬ maˬ mawˇ haw-aˬ.

Iˇsaˬtaˆ 1:3

Aˬ yawꞈ uˆ lahˇ-eu smˇ kʼoꞈ tiˬ kʼoꞈ-ahˇ, aˬ yawꞈ-euˬ laꞈ oˆ gaˇ mˇ luꞈ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ haw luꞈ pyaˆ luꞈ-eu sahˬ paˬ sahˬ ma deuˬ-ahˇ aˬ yawꞈ dzaˬ byawˇ lawˇ nehˬ-euˬ meh. Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ guiˇ maꞈ deuˬ maˬ ehˇ, aˬ yawꞈ-euˬ miˇ kʼahˬ deuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ maˬ ehˇ, dzaˬ byawˇ-ahˇ laˇ uiˬ taˬ-euˬ meh.

Iˇsaˬtaˆ 2:16

Sahˬ paˬ Aˬtaˬdzeuˬsehˆ sahˬ paˬ geuꞈ-eu shiꞈ kʼoꞈ tiˬ kʼoꞈ ba la tseˇ siˬ tiˬ siˬ pyeuꞈ-eu Teˬbehˆ ba la-ahˇ, sahˬ paˬ Aˬtaˬdzeuˬsehˆ jawˇ-eu sahˬ paˬ-euˬ hawˇ nymˇ-ahˇ, Iˇsaˬtaˆ-ahˇ sheuˬ gʼeh-euˬ meh.

Iˇsaˬtaˆ 9:1

Sahˬ paˬ neh miˇ kʼahˬ-ahˇ bi siˬ bi gaˬ taˬ-euˬ dawˬ byah laˇ-eu aˇ nah hawˇ-eu, Yuˇdaˆ tsawˇ haˬ-ahˇ muiˇ-eu tsawˇ haˬ deuˬ Yuˇdaˆ tsawˇ jeuˬ-ahˇ zuiˆ gʼaˬ ma lehˇ noeˬ tmˬ taˬ-euˬ aˇ nah pyeuꞈ-eu, Aˬdaˬlaˬ ba la tseˇ smˬ nah keuˆ laˇ-euˬ meh. Ehˇ kʼawꞈ, Yuˇdaˆ tsawˇ haˬ deuˬ neh aˬ yawꞈ maꞈ-ahˇ muiˇ-eu tsawˇ haˬ kʼoeˇ deuˬ-ahˇ, tahˬ poˆ-ehˇ paˇ bi gʼaˬ leˇ-euˬ meh.

Iˇsaˬtaˆ 9:5

Kʼoeˇ miˇ neh, Yuˇdaˆ tsawˇ haˬ deuˬ, aˬ yawꞈ maꞈ-ahˇ muiˇ-eu tsawˇ haˬ deuˬ-ahˇ kʼaˇ jahˇ mawꞈ-eu jeˬ jahˇ nehˬ nya-eu meh. Aˬ yawꞈ maꞈ mi cehˇ yuˇ-awˇ, muiˇ-eu deuˬ-ahˇ sehꞈ-euˬ meh.

Dawqdaq 16:33

Tsawˇ haˬ zaˬ ja maw maw nya kʼawꞈ, yaw muiˬ yaw doeˇ jahˇ tsehˆ-eu jeˬ, Miˬyehˇ-euˬ laꞈ-ahˇ jaˆ-eu meh.

Maꞈtehˬ 27:35

Aˬ yawꞈ maꞈ aˬ yawꞈ-ahˇ laꞈ yaꞈ kʼoeˇ taˆ taꞈ tehˬ-awˇ, aˬ yawꞈ-euˬ mehˬ tsoeˬ deuˬ-ahˇ, aˬ yawꞈ maꞈ yaw kaˬ shehˆ tsaˬ tsaˬ-awˇ biˇ geuꞈ-euˬ meh.