Smˬ nah byah laˇ ngeh, sahˬ paˬ dehꞈ le-euˬ bawˬ-iˬ jahˇ-eu aˇ nah paˇ keuˆ laˇ-euˬ miˇ neh, aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ kuˇ uiˬ-awˇ, bawˬ-iˬ gʼeh-eu laꞈ kʼoeˇ dzaˬ taꞈ dawˇ taꞈ-euˬ meh. Kʼoeˇ ngeh, aˬ yawꞈ gʼaˇ duˬ aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, kaˬ muˇ jahˇ-eu paw aˬ yuiꞈ geuꞈ-eu gʼaˬ-ahˇ pyehˬ doˆ-awˇ, yaw huiˬ yaw mahˇ deuˬ-euˬ mehˬ shi bi sheuˬ laꞈ-euˬ meh.
Iˇsaˬtaˆ 1:3 - Akha3 Aˬ yawꞈ uˆ lahˇ-eu smˇ kʼoꞈ tiˬ kʼoꞈ-ahˇ, aˬ yawꞈ-euˬ laꞈ oˆ gaˇ mˇ luꞈ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ haw luꞈ pyaˆ luꞈ-eu sahˬ paˬ sahˬ ma deuˬ-ahˇ aˬ yawꞈ dzaˬ byawˇ lawˇ nehˬ-euˬ meh. Paˇshaˇ miˇ kʼahˬ hawˇ-eu Meˬdiˇ miˇ kʼahˬ-euˬ guiˇ maꞈ deuˬ maˬ ehˇ, aˬ yawꞈ-euˬ miˇ kʼahˬ deuˬ-ahˇ uˆ lahˇ-eu sahˬ paˬ sahˬ ma geuꞈ luꞈ-eu deuˬ maˬ ehˇ, dzaˬ byawˇ-ahˇ laˇ uiˬ taˬ-euˬ meh. Δείτε το κεφάλαιο |
Iˇsaˬtaˆ 1:3
16 Σταυροειδείς Αναφορές
Sawˇlaˬmoˬ uˬ noeˬ noeˬ laˇ ngeh, yuꞈ maˆ maˆ-eu laꞈ kʼoeˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ kawˆ siˬ duˬ-euˬ meh. Kʼoeˇ naˇ, Yeˬluˇsaˬlehˬ meuˬ-ahˇ aˬ yawꞈ iˇ-awˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi yawꞈ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu cawˬ cawˬ taꞈ-euˬ lawˇ-eu jeˬ, Sahˬpaˬ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ gaˇ mˇ-eu yaw huiˬ yaw mahˇ dawˬ tawˆ luꞈ gʼaˇ duˬ, aˬ yawꞈ bawˬ-iˬ gʼeh nehˬ-euˬ meh.
Miˇ kʼahˬ zahˇ sahˇ kʼoꞈ-ahˇ taꞈ leˇ-awˇ aˬ yawꞈ tiˬ kʼehˬ maˬ taˬ ni gʼoe luꞈ-eu deuˬ-aˬ, Gaˬsheˬnaˆ, Sheˬdaˬ, Aˬdaˬmaˬdaˇ, Taˬshiˆ, Meˬyehˇ, Maˬseˬnaˬ hawˇ-eu Meˬmuˇkaˬ heu deuˬ meh. Aˬ yawꞈ maꞈ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu gaˇ tawˬ luꞈ-awˇ, Paˇshaˇ miˇ kʼahˬ hawˇ-eu Meˬdiˇ miˇ kʼahˬ kʼoeˇ taˆ yaw huiˬ yaw mahˇ geuꞈ luꞈ-eu shiꞈ gʼaˬ pyeuꞈ-eu meh.
Iˇsaˬtaˆ-ahˇ taˬ huiˬ-eu laꞈ kʼoeˇ huiˬ dui dui-eu dzaˬ byawˇ tiˬ byawˇ sahˬ paˬ lawˇ-awˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu miˇ kʼahˬ-ahˇ uˆ lahˇ-eu sahˬ paˬ sahˬ ma bi geuꞈ-euˬ deuˬ dawˬ tawˆ luꞈ-ahˇ kuˇ uiˬ-euˬ meh. Aˇ nah kʼoeˇ nah laꞈ kʼoeˇ aˬ yawꞈ-euˬ miˇ kʼahˬ kʼahˬ lah ni gaˇ maˬ mˇ ni bi naˬ-awˇ, sahˬ paˬ tiˬ gʼaˬ biꞈ-eu geuˇ-eu laꞈ sawˬ deuˬ, miˇ kʼahˬ zaˬ deuˬ-ahˇ bi biˇ nehˬ-euˬ meh.
Sahˬ paˬ Dzeuˬsehˆ uˆ lahˇ-eu tseˇ nyiꞈ kʼoꞈ tiˬ kʼoꞈ ba la yaw beh siˬ pyeuꞈ-eu Niˬsaˬ ba la-ahˇ, Haˬmaˬ aˬ yawꞈ neh noeˬ taˬ-euˬ jeˬ aˇ dahˬ beh-awˇ mˇ-eu gʼaˇ duˬ, Puˬlmˬ lehˇ kuˇ-eu mehˇ beuˬ-eu laꞈ kʼoeˇ, ba la aˇ siˬ hawˇ-eu aˇ nah tseˇ-eu gʼaˇ duˬ dawˬ biꞈ-awˇ bi tseˇ duˬ ngeh, ba la tseˇ nyiꞈ siˬ tiˬ siˬ pyeuꞈ-eu Aˬdaˬlaˇ ba la tseˇ smˬ nah tiˬ nah-ahˇ tsaˬ leˇ-euˬ meh.
Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.
Baˬbuˇloˬ miˇ kʼahˬ-ahˇ Sahˬpaˬ Miˬyehˇ laˆ cawˆ mawꞈ-eu miˇ neh, Meˬdiˇ sahˬ paˬ deuˬ uˇ laˇ ni aˬ yawꞈ jahˇ-euˬ meh. Aˬ yawꞈ-euˬ Uˬ duˬ tahˬ nymˇ nymˇ ma-ahˇ laˆ cawˆ-euˬ aˇ poeˬ aˬ yawꞈ kʼoeˇ loꞈ-ehˇ jahˇ kʼoꞈ nehˬ tehꞈ-a. Guiˇ maꞈ kʼoeˇ taˆ uˆ lahˇ-eu deuˬ heu loꞈ-ehˇ dawˬ biꞈ tehꞈ-a. “Naw maꞈ-euˬ kaˆ myaˬ shiˬ taˆ-awˬ. Dehˬ daˬ duˬ lehˬ hmˬ-awˬ.
Aˇ saˬ saˬ laˇ ngeh, Heˬloˇdiˇ Yoˇhaˬ-ahˇ sehꞈ-eu yehꞈ laˇ-euˬ meh. Kʼoeˇ-aˬ, Heˬloˆ dehꞈ le-euˬ aˇ nah-ahˇ noeˬ keuˆ-eu bawˬ-iˬ jahˇ ngeh nah meh. Kʼoeˇ ngeh nah, sahˬ paˬ sahˬ ma geuꞈ luꞈ-eu yaw huiˬ yaw mahˇ deuˬ, guiˇ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ hawˇ-eu, Gaˬliˬlehˇ miˇ kʼahˬ laꞈ kʼoeˇ myaˆ pyawˬ naˇ mehˇ jaˆ-eu aˬ yuiꞈ aˬ tsu deuˬ-ahˇ hawˬ byawˇ lawˇ nehˬ-euˬ meh.
Διαφημίσεις