HeˬByehˇ 9:2 - Akha

² Muiˬ-eu shawˇ-eu Jawˇ duˬ lehˇ kuˇ-eu Sehˬgʼawˆ laꞈ nyiˇ lawˆ, gʼawˆ taˬ-euˬ meh. Kʼoeˇ-euˬ laꞈ kʼoeˇ, tsiˇ kʼmˬ doꞈ daˆ duˬ hawˇ-eu Miˬyehˇ-ahˇ lawˇ nehˬ-euˬ ka muˇ ciˬ daˆ-eu hawˬ jeh tiˬ jeh jaˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Saqpar saeqghawv ghawvtaq-awr, ‘Shawr-eu jawrduq’ laer kur-eu yawbae lawv-anr heudeuq jav-eu mae: tsirkhmq dofdavduq, hawqje hawr-eu lawrdzar kaqmur.

HeˬByehˇ 9:2 Σταυροειδείς Αναφορές

Doˆ-iˇ 25:23

“Yaw mahˇ paw nyiˬ caˆ, yaw jeˇ paw tiˬ caˆ, yaw goˇ paw tiˬ caˆ tiˬ toˇ byah-eu hawˬ jeh tiˬ jeh, aˬ kaˬ shaˇ daˇ kawˬ neh jahˇ-awˬ.

Doˆ-iˇ 25:30

Hawˬ jeh kʼoeˇ jeh-ahˇ dawˬ ma saˇ jaˇ bahˬ keuˆ dawˬ peh bi jaˆ-awˇ, hawˬ jeh kʼoeˇ taˆ, ngaˬ-ahˇ lawˇ nehˬ-eu muiˬ-eu shawˇ-eu kaˬ muˇ deuˬ maˬ tsehˆ leˇ ni bi jaˆ-awˬ.

Doˆ-iˇ 25:31

“Maˇ jawˆ ni gʼeh-eu shuiˇ neh, tsiˇ kʼmˬ doꞈ taˬ duˬ tiˬ hmˬ jahˇ-awˇ, dawˬ pehˬ hawˇ-eu gʼawˇ pah kʼawˇ zeuˇ-ahˇ, shuiˇ neh tehˆ-awˇ jahˇ-awˬ. Aˇ cuˬ aˇ yehˆ yehˆ luꞈ-eu aˇ yehˆ aˇ baˇ deuˬ kʼawꞈ, tiˬ poˆ tehꞈ-ehˇ kʼoeˇ gaˇ jahˇ tsoꞈ-awˬ.

Doˆ-iˇ 26:1

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ taˬ-awˇ, Jeˬluˇbeˬ aˇ baˇ aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ tseˇ dzeh yuˇ-awˇ, Ngaˇ jawˇ-eu gʼaˇ duˬ, muiˬ-eu shawˇ-eu sehˬ gʼawˆ tsoˆ-awˬ.

Doˆ-iˇ 26:33

Saˬ paˇ paˇ ma kʼoeˇ hmˬ-ahˇ, sehˬ gʼawˆ nymˇ mˬ-ahˇ yaw cehˆ yaw cehˆ-ehˇ jaˆ-eu kuˆ seuˬ-ahˇ bi ceuˬ-awˇ, kʼaˬ lo teˇ byaꞈ nyiˬ byaꞈ ahˇ-eu dawˬ ma saˇ jaˇ bahˬ keuˆ kʼoeˇ siˬ-ahˇ, lawˆ kaˬ taw taˬ-euˬ saˬ paˇ paˇ ma-euˬ naˇ kʼah paw ya bi jaˆ meh. Saˬ paˇ paˇ ma kʼoeˇ hmˬ-aˬ, muiˬ-eu shawˇ-eu jawˇ duˬ hawˇ-eu Muiˬ dui Shawˇ dui dui-eu jawˇ duˬ yaw kaˬ-ahˇ, aˇ kaˬ taw paˆ taˬ-euˬ meh.

Doˆ-iˇ 26:35

Muiˬ dui shawˇ dui dui-eu jawˇ duˬ-euˬ laꞈ nyiˇ paw dzeˇ, laꞈ taˆ paw pyawˬ-ahˇ hawˬ jeh maˬ ehˇ, laꞈ oˆ paw pyawˬ-ahˇ tsiˇ kʼmˬ doꞈ taˬ duˬ maˬ ehˇ, kʼoeˇ paw heu paw-ehˇ bi jaˆ-awˬ.

Doˆ-iˇ 29:1

“Aˬloˬ hawˇ-eu aˬ yawꞈ-euˬ aˬ li deuˬ, ngaˬ-eu gaˇ mˇ-eu piˇ ma geuꞈ-eu gʼaˇ duˬ, nawˇ heu loꞈ-ehˇ jahˇ-awˇ ya a nehˬ meh. Maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ hawˇ-eu yawˇ aˬ buˬ tiˬ mawˇ yuˇ-awˬ.

Doˆ-iˇ 29:35

“Ngaˇ nawˬ-ahˇ yaw duˬ duˬ-ehˇ dawˬ biꞈ taˬ-euˬ loꞈ-ehˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ aˇ yaˬ biꞈ-eu bawˬ-iˬ shiꞈ nah keuˆ ni jahˇ-awˬ.

Doˆ-iˇ 40:2

“Ba la yaw beh siˬ yaw beh nah-ahˇ, Sahˬpaˬ Miˬyehˇ jawˇ-eu Sehˬ gʼawˆ tsoˆ-awˬ.

Doˆ-iˇ 40:4

Hawˬ jeh ciˬ ahˇ-awˇ, kʼoeˇ gaˇ taꞈ leˇ-eu keu ka deuˬ ciˬ daˆ taˬ-awˬ. Tsiˇ kʼmˬ doꞈ taˬ duˬ kʼawꞈ yuˇ ahˇ-awˇ, tsiˇ kʼmˬ deuˬ ciˬ daˆ taˬ-awˬ.

Maꞈtehˬ 12:4

Miˬyehˇ-euˬ nymˇ laꞈ kʼoeˇ aˬ yawꞈ uˇ leˇ-awˇ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Miˬyehˇ-ahˇ lawˇ nehˬ taˬ-euˬ kaˬ muˇ dzaˬ-euˬ meh. Dzaˇ kʼoeˇ-aˬ, aˬ yawꞈ maꞈ dzaˬ kʼmˬ-eu dzaˇ maˬ ngeuˇ-a. Piˇ ma deuˬ tehꞈ-ehˇ dzaˬ kʼmˬ-eu jeˬ meh.

Maꞈtehˬ 5:15

Tsawˇ haˬ tiˬ gʼaˬ-iˬ, tsiˇ kʼmˬ doꞈ-awˇ kʼaˆ puˬ neh maˬ moꞈ tsahˬ taˬ-a. Ehˇ kʼawꞈ, tsiˇ kʼmˬ doꞈ taˬ duˬ kʼoeˇ taˆ ciˬ daˆ-awˇ, pehˬ zaˬ ma zaˬ mawˇ nya ni yaw shehꞈ bi bya-eu meh.

HeˬByehˇ 9:25

Yuˇdaˆ tsawˇ haˬ-euˬ Piˇma Yaw huiˬ gʼaˬ-aˬ, aˬ yawꞈ kʼoꞈ yawꞈ jeˬ zaˬ-euˬ shiˬ yuˇ-awˇ, Muiˬ dui shawˇ dui dui-eu Jawˇ duˬ-ahˇ uˇ leˇ-eu meh. Ehˇ kʼawꞈ, Ka li-aˬ, aˬ yawꞈ-euˬ gʼawˇ mawˇ gʼawˬ mya poˆ lawˇ-eu maˬ loˬ-a.