Hawˇseˬ 9:16 - Akha

¹⁶ Iˇsaˬleˬlaˆ tsawˇ haˬ deuˬ-aˬ, aˇ bawˇ duˬ ciˇ gui-iˇ jiˇ-awˇ, aˇ siˬ maˬ siˬ le-eu loꞈ-ehˇ, zaˬ maˬ jawˇ ni pyeuꞈ-iˇ tehꞈ-a. Tiˬ gʼaˬ na paˇ jawˇ le-euˬ kʼawꞈ, aˬ yawꞈ maꞈ gaˬ-eu zaˬ kʼoeˇ-ahˇ, maˬ bi dzeuˇ-iˇ ni ngaˇ sehꞈ ma.”

Hawˇseˬ 9:16 Σταυροειδείς Αναφορές

Yeˬsaˬgeˬlaˇ 24:21

Naw maꞈ Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ lehˇ, aˬ yawꞈ ngaˬ-ahˇ ehˇ-eu meh. Naw maꞈ Uˬ duˬ tahˬ nymˇ nymˇ ma-ahˇ nui ma huiˬ-eu meh. Naw maꞈ kʼoeˇ gaˇ haw-awˇ nui kʼahˇ shiˇ-eu laꞈ kʼoeˇ kʼoeˇ gaˇ le le-ehˇ jawˇ-eu meh. Ehˇ kʼawꞈ, Uˬ duˬ tahˬ nymˇ nymˇ ma kʼoeˇ-ahˇ ngaˇ laˆ jawꞈ nehˬ-eu lehˇ gʼeh-eu ma. Yeˬluˇsaˬlehˬ meuˬ-ahˇ jawˇ yaꞈ-euˬ naw maꞈ-euˬ aˬ buˇ aˬ li deuˬ, mi cehˇ kʼehˬ-ahˇ ya shiˇ tehꞈ-a.

Iˇsaˬyaˇ 5:24

Kʼoeˇ miˇ neh, gʼo yoeˬ hawˇ-eu uˬ jiˇ, miˬ dzaˬ miˬ lmˇ laꞈ kʼoeˇ byoˆ-iˇ-eu loꞈ-ehˇ, aˬ yawꞈ maꞈ-euˬ duˬ ciˇ peuˬ-iˇ jiˇ-awˇ, aˬ yawꞈ maꞈ-euˬ aˇ yehˆ kʼaˬ lehˇ loꞈ-ehˇ bi baw byoˆ jiˇ tehꞈ-a. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, aˬ yawꞈ maꞈ byehˇ dzeh jiˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ dawˬ-ahˇ, aˬ yawꞈ maꞈ naˬ bawˇ maˬ ciˬ kʼmˇ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Hawˇseˬ 8:7

Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Hawˇseˬ 5:11

Aˬ cawˬ kʼehˬ nehˬ kʼaˆ nehˬ-euˬ gaˇ, Iˇsaˬleˬlaˆ ya daˬ luꞈ ngeh, maˬ caw ba nehˬ nya-eu deuˬ-ahˇ, laꞈ jeuˬ shaˇ-iˇ-euˬ baˬ da neh, yawꞈ-ahˇ oꞈ-eu miˇ tsaˬ pehˇ tsahˇ, aˬ cawˬ neh bi kʼaˆ geuꞈ-euˬ meh.

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Yawˇbaˆ 18:16

Aˬ yawꞈ-euˬ duˬ ciˇ hawˇ-eu uˬ laꞈ deuˬ nyoeˬ-iˇ koˆ-iˇ jiˇ-euˬ meh.

Aˇ dahˬ 41:23

Kʼoeˇ naˇ, kʼaˇ shuiꞈ deh paw neh baw gʼeh leꞈ-euˬ lahˇ dui dui-eu jaˬ lehˇ baˬ da neh maˬ maˇ leˇ nya-eu cehˇ cehˇ kʼawꞈ shiꞈ nmˇ-ahˇ ngaˇ paˇ ya mawˇ-euˬ ma.

Dawˬmehˬ 32:25

Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.