Hawˇseˬ 6:8 - Akha

⁸ Giˇlaˆ meuˬ lehˇ kuˇ-eu kʼoeˇ meuˬ, tsawˇ haˬ yaw haiˬ tiˬ teuˇ jawˇ-awˇ, shiˬ laˆ yoeˇ-eu maˬ tsehˆ leˇ-a.

Hawˇseˬ 6:8 Σταυροειδείς Αναφορές

2 Saˬmeuˬlaˆ 20:8

Giˇbyoˬ meuˬ dawˬ peh jaˆ-eu kʼaˬ lo lo ma dawˬ peh aˬ yawꞈ maꞈ iˇ keuˆ ngeh, Aˬmaˬsaˬ-ahˇ tahˬ puˬ-euˬ meh. Yoˇbaˬ gʼaˬ guiˇ deuˆ-eu keu ka dm luꞈ-awˇ, aˬ yawꞈ-euˬ joꞈ paꞈ-ahˇ mi cehˇ dawꞈ luꞈ-eu meh. Aˬ yawꞈ mehˬ hu paw doˆ laˇ-eu nehˬ-ehˇ, aˬ yawꞈ-euˬ mi cehˇ kʼoeˇ kahˇ ga doˆ le-euˬ meh.

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

1 Sahˬpaˬ 2:5

“Tiˬ jeˬ paˇ jaˆ-a siˬ. Iˇsaˬleˬlaˆ guiˇ maꞈ kʼoeˇ taˆ uˆ lahˇ-eu deuˬ pyeuꞈ-eu Neˬlaˇ-euˬ aˬ li Aˬbaˬnaˬ hawˇ-eu, Yeˬdeuˬ-euˬ aˬ li Aˬmaˬsaˬ-ahˇ sehꞈ-eu laꞈ kʼoeˇ, Yoˇbaˬ neh ngaˬ-ahˇ mˇ coeˬ nehˬ laꞈ-euˬ jeˬ-ahˇ nawˇ siˬ nya meh. Guiˇ deuˆ ngeh aˬ yawꞈ nyaꞈ neh aˬ cawˬ-ahˇ deuˆ sehꞈ-euˬ aˇ poeˬ, guiˇ maˬ deuˆ-ehˇ ciˬ cuˇ ni jawˇ luꞈ ngeh aˬ yawꞈ nyaꞈ-ahˇ Yoˇbaˬ laꞈ poˆ poˆ kʼoꞈ nehˬ-euˬ gaˇ kawˆ nawˇ siˬ nya meh. Iˬ baˇ maˬ ahˇ-eu tsawˇ haˬ-ahˇ aˬ yawꞈ sehꞈ-euˬ miˇ neh, aˬ yawꞈ-euˬ yaw lehˬ ngaˬ-euˬ kʼoeˇ taˆ keuˆ le-awˇ, ngaˇ ya daˬ luꞈ-eu ma.

Jaceuq 10:8

Pu doe ni aˬ yawꞈ dzuˇ zaꞈ-awˇ, yaw lehˬmaˬjaˆ-eu tsawˇhaˬ-ahˇ, sehꞈ-eu lehˇ nawˬjawˬluꞈ-eu meh. maˬgʼeh nya-eu iˇshaˬzaˬ-ahˇ, kʼehˬ-eu gʼaˇduˬ kʼoeˬsho luꞈmeh.

Jaceuq 141:4

Maˬ muiˬ-eu jeˬ mˇ mawꞈ-eu nui ma taˬ bi ahˇ laꞈ. Haiˬ-eu tsawˇ haˬ deuˬ nehˬ-ehˇ yaw haiˬ jeˬ maˬ ya mˇ ni haw piˇ nehˬ laꞈ. Tsawˇ haˬ kʼoeˇ deuˬ nehˬ-ehˇ maˬ ya dzaˬ maˬ ya dawˇ taꞈ ni dah teˬ nehˬ laꞈ.

Jaceuq 59:2

Haiˬ-eu tsawˇ haˬ deuˬ-euˬ aˬ laꞈ laꞈ kʼoeˇ, ngaˬ-ahˇ ka kʼoꞈ nehˬ laꞈ. Aˬ cawˬ-ahˇ sehꞈ-eu deuˬ-euˬ laꞈ-ahˇ, ngaˬ-ahˇ bi dzeuˇ-iˇ laꞈ.

Iˇsaˬyaˇ 59:6

Naw maꞈ-euˬ aˬ oˬ loˬ ma aˇ kahˇ kʼoeˇ saˬ nmˇ maˬ zaꞈ nya-a. Yawˬ ha neh mˇ-euˬ jeˬ yawˬ ha-ahˇ maˬ sheu lahˇ nya-a. Naw maꞈ gaˇ kawˆ yaw haiˬ tehꞈ-ehˇ jaˆ-awˇ, naw maꞈ-euˬ aˬ laꞈ-ahˇ yaw cawˆ jeˬ tuˆ tehˬ taˬ-euˬ meh.

Yeˬlaˬmiˇ 11:19

Ngaˇ-aˬ aˬ cawˬ neh bi sehꞈ dzaˬ-eu lehˇ gʼeh-eu nahˬ jawˆ ni gʼeh-eu yawˇ zaˬ-ahˇ duˇ-eu ma. Aˬ yawꞈ maꞈ ngaˬ-ahˇ yaw doeˇ jahˇ mawꞈ law hawˇ ngaˬ lehˇ ngaˇ maˬ siˬ-aˬ. Aˬ yawꞈ maꞈ heu loꞈ-ehˇ ehˇ-eu meh. “Aˇ siˬ siˬ-eu aˇ bawˇ heu bawˇ tuˇ dzeh kaˇ-euˇ. Tsawˇ haˬ tiˬ gʼaˬ-iˬ maˬ noeˬ mawˇ coeˇ ni, bi ngehˇ jiˇ-eu gʼaˇ duˬ sehꞈ byoˆ kaˇ-euˇ.”

Hawˇseˬ 12:11

Ehˇ kʼawꞈ, tahˬ pahˬ aˬ ma deuˬ-ahˇ, Giˇlaˆ meuˬ uˬ duˬ tahˬ-euˬ meh. Kʼaˇ tahˬ-euˬ deuˬ ya shiˇ tehꞈ-a. Giˇlaˇgaˬlaˇ meuˬ-euˬ laꞈ kʼoeˇ, mawˇ neˇ mawˇ gaw lawˇ nehˬ-euˬ meh. Kʼoeˇ gaˇ jaˆ-eu lawˇ duˬ kʼoeˇ deuˬ, deh liˬ gʼahˇ ceh gʼoˆ bymˇ taˬ-euˬ, kʼaˬ lo lo bymˇ-ahˇ duˇ tehꞈ-a.”

Hawˇseˬ 12:12

Aˬ dui-euˬ aˬ poeˬ Yaˬkoˆ-aˬ, miˬ zaˬ tiˬ gʼaˬ sheuˬ-euˬ aˇ poeˬ, aˬ cawˬ-euˬ yawˇ bo nehˬ-euˬ meh.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Gʼaˬkʼehˇ 25:3

Aˬ yawꞈ maꞈ-euˬ myaˆ pyawˬ-ahˇ haw-awˇ, Pawˇluˆ-ahˇ Yeˬluˇsaˬlehˬ meuˬ-ahˇ tiˬ poˆ bi sheuˬ ha laˇ-eu gʼaˇ duˬ shaˇ-euˬ meh. Gaˇ pehˇ-ahˇ loꞈ-awˇ Pawˇluˆ-ahˇ sehꞈ-eu gʼaˇ duˬ aˬ yawꞈ maꞈ lehˬ hmˬ jiˇ taˬ-euˬ meh.

Yawˇshuˆ 21:38

Gaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ, Heˬshaˬboˬ meuˬ hawˇ-eu, Yaˬzeuˬ meuˬ meh.