Gʼaˬkʼehˇ 25:2 - Akha

² Kʼoeˇ ngeh, piˇ ma aˬ yuiꞈ deuˬ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh Pawˇluˆ-euˬ gaˇ kawˆ aˬ yawꞈ jawˇ gaˇ daˬ leˇ-euˬ meh. Sahˬ paˬ Beˬtuˇ-ahˇ aˬ yawꞈ maꞈ heu loꞈ-ehˇ shaˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, pirma yawhuiq ghaq hawr-eu Yurdav tsawrhaq-euq aqyuif aqtsu deuq, Pawrluv-euq garkawv aqyawf-anr daqler-awr tanqshar-euq mae.

Gʼaˬkʼehˇ 25:2 Σταυροειδείς Αναφορές

Yawˇbaˆ 31:31

Boeˇ miˬ siˬ kʼaˬ deuˬ-ahˇ ngaˇ aˬ myah luꞈ nymˇ daˆ kuˇ daˆ-euˬ gaˇ kawˆ, ngaˬ-euˬ gaˇ mˇ-eu tsawˇ haˬ dawˬ tawˆ luꞈ siˬ nya meh.

Dawqdaq 4:16

Yaw lehˬ jeˬ maˬ ya mˇ naˇ, aˬ yawꞈ maꞈ maˬ yuꞈ kʼaˆ leˇ-a. Aˬ cawˬ-ahˇ maˬ ya laˆ coeˬ laˆ ciˆ kʼoeˇ keuˆ ni maˬ yuꞈ kʼaˆ leˇ-a.

Gʼaˬkʼehˇ 24:1

Ngaˬ nah byah laˇ ngeh, Piˇ ma Yaw huiˬ gʼaˬ pyeuꞈ-eu Aˬnaˬniˇ hawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ, dawˬ ngehˬ-eu bym dui dui-eu Deˬlaˬduˇluˆ lehˇ myahˇ-euˬ tsawˇ haˬ tiˬ gʼaˬ sheuˬ-awˇ Gehˇsaˬliˇ meuˬ-ahˇ iˇ-euˬ meh. Sahˬ paˬ Peˬliˇ-euˬ mehˬ shi aˬ yawꞈ maꞈ le-awˇ, Pawˇluˆ gaˇ kawˆ daˬ leˇ-euˬ meh.

Gʼaˬkʼehˇ 25:15

Ngaˇ Yeˬluˇsaˬlehˬ meuˬ-ahˇ le ngeh, Yuˇdaˆ tsawˇ haˬ piˇ ma aˬ yuiꞈ deuˬ hawˇ-eu aˬ yuiꞈ aˬ tsu geuꞈ-eu deuˬ aˬ yawꞈ-euˬ gaˇ kawˆ ngaˬ-ahˇ ja nehˬ laꞈ-awˇ, aˬ yawꞈ-ahˇ yaˇ kʼaˬ daˇ-awˬ lehˇ ngaˬ-ahˇ shaˇ-eu meh.

Gʼaˬkʼehˇ 25:24

Sahˬ paˬ Beˬtuˇ ehˇ-eu, “Sahˬ paˬ Aˬgiˇpaˆ hawˇ-eu heu gaˇ uiˬ laˇ taˬ-euˬ cawˬ deuˬ-oˇ, tsawˇ haˬ heu gʼaˬ-ahˇ haw sheˇ. Heu gaˇ jawˇ-eu Yuˇdaˆ tsawˇ haˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu Yuˇdaˆ tsawˇ haˬ dawˬ tawˆ luꞈ, tsawˇ haˬ heu gʼaˬ gaˇ kawˆ ngaˬ-ahˇ daˬ laˇ taˬ-euˬ meh. Aˬ yawꞈ-ahˇ yaw dehꞈ bi dehꞈ-eu maˬ geuˇ-a lehˇ aˬ yawꞈ maꞈ guˇ dui dui-eu meh.

Gʼaˬkʼehˇ 28:17

Smˬ nah byah laˇ ngeh, kʼoeˇ gaˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ-ahˇ Pawˇluˆ kuˇ uiˬ-euˬ meh. Aˬ yawꞈ maꞈ uiˬ laˇ ngeh, Pawˇluˆ heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˇ tsawˇ haˬ deuˬ-oˇ, aˬ duiˬ-euˬ tsawˇ jeuˬ-ahˇ maˬ ehˇ, aˬ dui-euˬ aˬ poeˬ aˬ bawˇ ziˇ neh tawˬ ka leꞈ-euˬ zahˇ sahˇ kʼoꞈ deuˬ-ahˇ maˬ ehˇ, ngaˬ neh mˇ bahˬ-euˬ tiˬ jeˬ-iˬ maˬ jaˆ gaˇ, Yeˬluˇsaˬlehˬ meuˬ-ahˇ ngaˬ-ahˇ paꞈ-awˇ, Loˇmaˆ tsawˇ haˬ deuˬ-euˬ aˬ laꞈ laꞈ kʼoeˇ a ahˇ nehˬ laꞈ-euˬ meh.

1 Teˇsaˬloˇni 2:16

Aˬ cawˬ tsawˇ jeuˬ ka kʼoꞈ-eu jeˬ bi za-eu lehˇ nga maꞈ Miˬyehˇ dawˬ kawˬ mehˬ nehˬ gaˇ keuˆ ni laˆ tsoeˬ-eu lehˇ leh jeh-eu meh. Kʼoeˇ loꞈ-ehˇ gʼeh-eu laꞈ kʼoeˇ, aˬ yawꞈ maꞈ aˬ myah luꞈ mˇ luꞈ-eu iˬ baˇ dawˬ tawˆ luꞈ byah jiˇ laˇ ni kaꞈ gʼa-eu meh. Nymˬ-mˇ aˇ saˬ saˬ laˇ ngeh, Miˬyehˇ nui ma pehˇ-eu jeˬ aˬ yawꞈ maꞈ kʼoeˇ taˆ keuˆ le teuˇ le-euˬ meh.