Gʼaˬkʼehˇ 21:34 - Akha

³⁴ Tsawˇ haˬ aˇ maꞈ kʼoeˇ maꞈ tiˬ gʼaˬ tiˬ jeˬ ehˇ ehˇ-ehˇ lawꞈ gʼa-eu miˇ neh, yaw huiˬ yaw mahˇ kʼoeˇ gʼaˬ maˬ naˇ haˬ duˬ nya-ehˇ, Pawˇluˆ-ahˇ taˆ-ahˇ sheuˬ gʼeh-eu gʼaˇ duˬ aˬ yawꞈ-euˬ tsawˇ haˬ deuˬ-ahˇ dawˬ biꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Tsawrhaq armaf mafma-euq lafkhoer tiqpavnav deuq, tiqghaq tiqjeq-aer aeraer-aer yawkhav-aer lawfgha luf-eu mae. Khoerlof-aer lawfgha luf-eu mirnae, pyeufluf-eu garkawv maq siqduq nya-aer, Pawrluv-anr guirzaq-euq jawrnymr-anr sheuqghae-awq laer tanrdzoeq guirhuq dawq bif-euq mae.

Gʼaˬkʼehˇ 21:34 Σταυροειδείς Αναφορές

Gʼaˬkʼehˇ 19:32

Kʼoeˇ ngeh, uiˬ laˇ bymˇ laˇ taˬ-euˬ tsawˇ haˬ aˇ maꞈ lawꞈ gʼa dui dui luꞈ-eu meh. Tiˬ gʼaˬ tiˇ gʼaˬ maˬ naˇ haˬ ni, tiˬ gʼaˬ tiˬ jeˬ guˇ-eu meh. Aˬ jeˬ miˇ neh kʼoeˇ loꞈ-ehˇ ya uiˬ laˇ-euˬ gaˇ kawˆ-ahˇ tsawˇ haˬ myaˬ tiˬ paˆ maˬ siˬ nya-a.

Gʼaˬkʼehˇ 21:37

Yehˇ kʼoeˇ deuˬ Pawˇluˆ-ahˇ taˆ laꞈ kʼoeˇ sheuˬ uˇ leꞈ-eu lehˇ gʼeh ngeh, yaw mahˇ kʼoeˇ gʼaˬ-ahˇ Pawˇluˆ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ mawꞈ nya.” Yaw huiˬ yaw mahˇ kʼoeˇ gʼaˬ ehˇ-eu, “Nawˇ Heˬlaˬsaˇ dawˬ siˬ nya hawˇ ngaˬ laˬ.

Gʼaˬkʼehˇ 22:24

Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, Pawˇluˆ-ahˇ taˆ laꞈ kʼoeˇ sheuˬ ahˇ gʼeh-eu gʼaˇ duˬ aˬ yawꞈ-euˬ tsawˇ haˬ deuˬ-ahˇ dawˬ biꞈ-awˇ, aˬ jeˬ miˇ neh Yuˇdaˆ tsawˇ haˬ deuˬ aˬ yawꞈ-ahˇ kʼoeˇ loꞈ-ehˇ guˇ-eu gaˇ kawˆ siˬ duˬ laˇ ni, Pawˇluˆ-ahˇ yahˬ caˆ neh juiꞈ-awˇ pyehˆ tseˇ naˇ haˬ-eu gʼaˇ duˬ ehˇ nehˬ-euˬ meh.

Gʼaˬkʼehˇ 22:30

Yuˇdaˆ tsawˇ haˬ deuˬ Pawˇluˆ-ahˇ aˬ joˆ-ehˇ iˬ baˇ taˬ luꞈ-eu gaˇ kawˆ, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ siˬ duˬ mawꞈ-eu meh. Kʼoeˇ miˇ neh, yawˬ nah yawˬ Pawˇluˆ-ahˇ paꞈ taˬ-euˬ shmˇ caˆ bi puiˇ-awˇ, piˇ ma aˬ yuiꞈ deuˬ hawˇ-eu Baꞈ dzah-ahˇ uˇ-eu tsawˇ haˬ dawˬ tawˆ luꞈ uiˬ laˇ-eu gʼaˇ duˬ dawˬ biꞈ-euˬ meh. Kʼoeˇ naˇ, Pawˇluˆ-ahˇ sheuˬ laꞈ-awˇ, aˬ yawꞈ maꞈ-euˬ mehˬ shi bi yawꞈ-euˬ meh.

Gʼaˬkʼehˇ 23:10

Aˬ yawꞈ maꞈ yaw kaˬ ja dzaˬ-eu kʼoeˇ aˇ dzehˬ dzeuˇ-awˇ, Pawˇluˆ-ahˇ gʼeu paˆ gʼeu shaˆ paˬ-ehˇ pyeuꞈ laˇ taˬ-euˬ miˇ neh, Loˇmaˆ guiˇ maꞈ-ahˇ uˆ lahˇ-eu yaw huiˬ yaw mahˇ kʼoeˇ gʼaˬ kʼahˬ lahˇ laˇ-euˬ meh. Kʼoeˇ miˇ neh, tsawˇ haˬ aˇ maꞈ jawˇ gaˇ iˇ ka-awˇ, Pawˇluˆ-ahˇ gʼeu doˆ laˬ-iˇ-awˇ taˆ-ahˇ sheuˬ kʼoꞈ gʼeh-eu gʼaˇ duˬ aˬ yawꞈ-euˬ yehˇ deuˬ-ahˇ dawˬ biꞈ-euˬ meh.

Gʼaˬkʼehˇ 23:16

Aˬ yawꞈ maꞈ kʼoeˇ loꞈ-ehˇ bawˬ kʼoeˬ-euˬ gaˇ kawˆ, Pawˇluˆ-euˬ zaˬ oeˇ tiˬ gʼaˬ ya gaˬ-awˇ, taˆ-ahˇ le-awˇ Pawˇluˆ-ahˇ ehˇ nehˬ leˇ-euˬ meh.

Gʼaˬkʼehˇ 23:32

Yawˬ nah yawˬ, kuiˇ zoˬ cah-eu yehˇ deuˬ taˆ-ahˇ gʼoꞈ-iˇ-awˇ, mahˬ dziˬ-eu yehˇ deuˬ tehꞈ-ehˇ aˬ yawꞈ-ahˇ sheuˬ ha-iˇ-euˬ meh.

Gʼaˬkʼehˇ 25:26

Ehˇ kʼawꞈ, Huiˬ dui dui-eu Sahˬ paˬ jawˇ gaˇ aˬ yawꞈ-euˬ gaˇ kawˆ aˬ joˆ-ehˇ boꞈ nehˬ paˬ nga lehˇ maˬ ya shaˇ noeˬ duˬ-aˬ siˬ. Kʼoeˇ miˇ neh, aˬ yawꞈ-ahˇ pyehˆ tseˇ gʼaˬ ngeh jawˇ, aˬ yawꞈ-euˬ gaˇ kawˆ ngaˇ sahˬ boꞈ boꞈ nehˬ nya paˬ-ehˇ bi duˬ laˇ-eu gʼaˇ duˬ, naw maꞈ-euˬ mehˬ shi, aˬ cawˬ naˆ maˬ tseˇ sahˬ paˬ Aˬgiˇpaˆ-euˬ mehˬ shi, aˬ yawꞈ-ahˇ bi sheuˬ laꞈ taˬ-euˬ jeˬ pyeuꞈ-eu ma.