Gʼaˬkʼehˇ 18:22 - Akha

²² Gehˇsaˬliˇ meuˬ-ahˇ aˬ yawꞈ iˇ keuˆ ngeh, Yeˬluˇsaˬlehˬ meuˬ-ahˇ le-awˇ Ka li zaˬ aˇ muˇ-ahˇ dawˬ cawˬ puˬ nehˬ yaꞈ-awˇ, Aˬdiˇawˬ meuˬ-ahˇ gʼoꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Pawrluv, Gaersaqlir-anr irkeuv-awr, khoergar nae ledav-awr, Kalizaq armur-anr dawqcawq puqnaeq-awr, Aqdirawq-anr le-euq mae.

Gʼaˬkʼehˇ 18:22 Σταυροειδείς Αναφορές

Gʼaˬkʼehˇ 10:1

Gehˇsaˬliˇ miˇ kʼahˬ-ahˇ Gawˬ neˬ liˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, “Iˬtaˬliˬ guiˇ maꞈ” lehˇ kuˇ-eu Loˆmaˆ guiˇ maꞈ tiˬ maꞈ kʼoeˇ taˆ uˆ lahˇ luꞈ-eu yaw huiˬyaw mahˇ tiˬ gʼaˬ meh.

Gʼaˬkʼehˇ 10:24

Yawˬ nah yawˬ Geˇsaˬliˇ meuˬ-ahˇ le keuˆ-euˬ meh. Gawˬneˬliˇ-aˬ, aˬ yawꞈ-euˬ aˬ yuiꞈ aˬ nyiˇ hawˇ-eu cawˬ deuˬ kuˇ uiˬ taˬ-awˇ, Beˬtuˆluˆ laˇ keuˆ gaˇ dawˬ luꞈ-eu meh.

Gʼaˬkʼehˇ 11:11

Kʼoeˇ ngeh kʼaˆ tseuˆ ni, Gehˇsaˬliˇ meuˬ-ahˇ neh ngaˇ jawˇ gaˇ kʼehˇ gʼeh leꞈ-euˬ tsawˇ haˬ smˇ gʼaˬ, ngaˇ yaꞈ luꞈ-eu nymˇ-ahˇ oe keuˆ-euˬ meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Gʼaˬkʼehˇ 14:26

Kʼoeˇ gaˇ neh naˇ, lawˬ dziˬ-awˇ Aˬdiˇawˬ meuˬ-ahˇ gʼoꞈ keuˆ-iˇ-euˬ meh. Nymˬ-mˇ aˬ yawꞈ nyaꞈ neh mˇ gʼaˬ-euˬ gaˇ heu deuˬ-ahˇ aˬ yawꞈ nyaꞈ mˇ-eu lehˇ gʼeh ngeh, Aˬdiˇawˬ meuˬ laꞈ kʼoeˇ aˬ yawꞈ nyaꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ-euˬ meh.

Gʼaˬkʼehˇ 15:23

sahˬ boꞈ heu taꞈ aˬ yawꞈ nyaꞈ nehˬ-ehˇ dawˆ caw gʼeh-euˬ meh. “Aˬdiˇawˬ meuˬ, Suˇliˆ miˇ kʼahˬ hawˇ-eu, Giˇliˇciˆ miˇ kʼahˬ heu deuˬ-ahˇ jawˇ-eu Yuˇdaˆ tsawˇ haˬ maˬ ngeuˇ-eu aˬ yuiꞈ aˬ nyiˇ deuˬ jawˇ gaˇ, naw maꞈ-euˬ aˬ yuiꞈ aˬ nyiˇ pyeuꞈ-eu nga maꞈ gʼaˬ kʼehˇ deuˬ hawˇ-eu aˬ yuiꞈ aˬ tsu deuˬ, sahˬ boꞈ boꞈ-awˇ dawˬ cawˬ puˬ ahˇ leꞈ-eu ma.

Gʼaˬkʼehˇ 15:30

Kʼehˇ gʼeh-euˬ tsawˇ haˬ kʼoeˇ deuˬ Aˬdiˇawˬ meuˬ-ahˇ iˇ keuˆ ngeh, jah-eu tsawˇ haˬ dawˬ tawˆ luꞈ kuˇ uiˬ-awˇ, sahˬ boꞈ kʼoeˇ taꞈ biꞈ nehˬ-euˬ meh.

Gʼaˬkʼehˇ 15:35

Pawˇluˆ hawˇ-eu Baˬnaˬbaˇ aˬ nyaꞈ-aˬ, Aˬdiˇawˬ meuˬ laꞈ kʼoeˇ tiˬ kʼehˬ tiˬ yamˬ jawˇ-awˇ, aˬ cawˬ gʼawˬ mya gʼaˬ nehˬ-ehˇ tiˬ kawˆ loꞈ-ehˇ Sahˬpaˬ Miˬyehˇ-euˬ dawˬ kawˬ mehˬ nehˬ tsoˆ nehˬ-euˬ meh.

Gʼaˬkʼehˇ 15:4

Aˬ yawꞈ maꞈ Yeˬluˇsaˬlehˬ meuˬ-ahˇ iˇ keuˆ ngeh, Ka li zaˬ aˇ muˇ maˬ ehˇ, gʼaˬ kʼehˇ deuˬ maˬ ehˇ, aˬ yuiꞈ aˬ tsu deuˬ maˬ ehˇ, aˬ yawꞈ maꞈ-ahˇ laˬ kʼaˬ tiˬ cehˇ ha-euˬ meh. Kʼoeˇ ngeh, aˬ yawꞈ nyaꞈ-ahˇ gʼoe-awˇ Miˬyehˇ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ, aˬ yawꞈ maꞈ-ahˇ dzawˇ mehˬ nehˬ-euˬ meh.

Gʼaˬkʼehˇ 23:23

Kʼoeˇ ngeh, Loˇmaˆ guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ, aˬ yawꞈ-euˬ yehˇ deuˬ kʼoeˇ taˆ aˬ yuiꞈ bi geuꞈ-eu nyiˬ gʼaˬ-ahˇ kuˇ-awˇ ehˇ nehˬ-eu, “Yehˇ nyiˬ yaˇ gʼaˬ, mahˬ dziˬ-eu yehˇ shiꞈ tseˇ gʼaˬ hawˇ-eu, gahˬ baꞈ-eu yehˇ nyiˬ yaˇ gʼaˬ lehˬ hmˬ-awˇ, nymˇ ciꞈ naˬ liˬ gʼoeˬ laꞈ-ahˇ Gehˇsaˬliˇ meuˬ-ahˇ iˇ-eu gʼaˇ duˬ lehˬ hmˬ dah taˬ-awˬ.

Gʼaˬkʼehˇ 25:1

Sahˬ paˬ Beˬtuˇ miˇ kʼahˬ kʼoeˇ kʼahˬ-ahˇ oe keuˆ-euˬ smˬ nah byah laˇ ngeh, Gehˇsaˬliˇ meuˬ-ahˇ neh Yeˬluˇsaˬlehˬ meuˬ-ahˇ le-euˬ meh.

Gʼaˬkʼehˇ 25:9

Ehˇ kʼawꞈ, Beˬtuˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇ neh, Pawˇluˆ-ahˇ ehˇ nehˬ-eu, “Nawˇ Yeˬluˇsaˬlehˬ meuˬ-ahˇ le-awˇ, ngaˬ-euˬ mehˬ shi gaˇ kawˆ heu hmˬ yaˇ kʼaˬ ja mawꞈ miˇ-a loˇ.”

Gʼaˬkʼehˇ 8:40

Piˇliˇpuˆ-aˬ, Aˬzoˇtuˆ meuˬ-ahˇ bi ciˬ kʼoꞈ keuˆ gʼeh-euˬ meh. Kʼoeˇ naˇ, Geˇsaˬliˇ miˇ kʼahˬ-ahˇ aˬ yawꞈ le-euˬ meh. Gaˇ pehˇ kʼaˇ jaˆ-eu meuˬ yawˬ meuˬ na luꞈ-ahˇ aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-euˬ meh.