Eˇpeˇsu 5:19 - Akha

¹⁹ Ja ceuˬ-eu sahˬ boꞈ gaˇ kawˆ, Miˬyehˇ-ahˇ ja ceuˬ-eu caˇ dawˬ gaˇ kawˆ hawˇ-eu, guiˬ lahˬ saꞈ laˇ paw-euˬ caˇ dawˬ gaˇ kawˆ tiˬ gʼaˬ tiˇ gʼaˬ ja uˇ-awˬ. Nui ma laꞈ kʼoeˇ Sahˬpaˬ Yeˬsuˇ-ahˇ ja ceuˬ-awˇ, ja ceuˬ-eu caˇ dawˬ deuˬ-ahˇ caˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Nawmaf, tiqghaq tirghaq ngaeqcawq ngae, jaceuq-eu dawq, jaceuq-eu cardawq hawr-eu saflar paw-euq cardawq nae ngaeqcawq-awq. Nuima-euq lafkhoer keuvni carcar-aer Sanqpaq Miqyaer-anr jaceuq-awq.

Eˇpeˇsu 5:19 Σταυροειδείς Αναφορές

Jaceuq 147:7

Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˬ. Deuˇ-mˬ diˬ-awˇ aˬ dui-euˬ Miˬyehˇ-ahˇ ja ceuˬ-awˬ.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Jaceuq 86:12

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nui ma gʼawˇ mawˇ dawˬ tawˆ luꞈ nawˬ-ahˇ ja ceuˬ ma. Nawˇ huiˬ dui mahˇ dui dui-eu gaˇ kawˆ mˬ maˬ maˬ byaˆ zaˇ ziˇ ngaˇ ja gaˬ ma.

Jaceuq 95:2

Guiˬ lahˬ-ahˇ noeˬ keuˆ-eu laꞈ kʼoeˇ aˬ yawꞈ-euˬ mehˬ shi uiˬ leˇ-awˇ, laˬ kʼaˬ tiˬ cehˇ ja ceuˬ-eu caˇ dawˬ caˇ kaˇ-euˇ.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Maꞈtehˬ 15:8

‘Tsawˇ haˬ heu deuˬ-euˬ mehˬ boeˬ neh, ngaˬ-ahˇ taˬ huiˬ taˬ mahˇ-eu kʼawꞈ, aˬ yawꞈ maꞈ-euˬ nui ma laꞈ kʼoeˇ, ngaˬ-ahˇ gaˇ mahˇ kaˬ dui dui meh.

Maꞈtehˬ 26:30

Kʼoeˇ naˇ, aˬ yawꞈ maꞈ ja ceuˬ-eu caˇ dawˬ tiˬ bymˇ caˇ gʼaˬ-awˇ, Saˬloˬ gawˬ jawˬ-ahˇ le-euˬ meh.

Gʼaˬkʼehˇ 16:25

Sehˇ gʼahˇ ceh laˇ ngeh, Pawˇluˆ hawˇ-eu Siˬlaˆ aˬ nyaꞈ guiˬ lahˬ shaˇ shaˇ-ehˇ Miˬyehˇ-ahˇ ja ceuˬ-eu caˇ dawˬ caˇ luꞈ-awˇ, tawˬ-ahˇ uˇ-eu tsawˇ haˬ deuˬ naˇ haˬ luꞈ-eu meh.

1 Gawˇliˬtu 14:15

Toˆ-ehˇ ngeuˇ naˇ, ngaˇ aˬ joˆ-ehˇ jahˇ paˬ nga. Ngaˬ-euˬ saꞈ laˇ guiˬ lahˬ shaˇ ma. Ngaˬ-euˬ nui ma kʼawꞈ guiˬ lahˬ shaˇ ma. Ngaˬ-euˬ saꞈ laˇ ja ceuˬ-awˇ caˇ ma. Ngaˬ-euˬ nui ma kʼawꞈ ja ceuˬ-awˇ caˇ ma.

1 Gawˇliˬtu 14:26

Aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ mawꞈ-eu-aˬ heu loꞈ-ehˇ ma. Naw maꞈ uˬ duˬ tahˬ-eu lehˇ uiˬ leˇ ngeh, caˇ dawˬ caˇ-eu gʼaˬ, mehˬ-eu tsoˆ-eu gʼaˬ, Miˬyehˇ neh pah mehˬ nehˬ-euˬ jeˬ za-euˬ gʼaˬ, dawˬ gʼawˬ mya jeˬ ngehˬ-awˇ mehˬ-eu gʼaˬ, kʼoeˇ loꞈ-ehˇ mehˬ-euˬ gaˇ dawˬ tsuiꞈ yuˇ doˆ nehˬ-eu gʼaˬ lehˇ, gʼawˬ mya jeˬ baw-eu meh. Yawˬ jeˬ na luꞈ Ka li zaˬ aˇ muˇ gʼaˇ duˬ gaˇ dahˇ tsoeˬ-eu jeˬ ya bi pyeuꞈ meh.

Gawˇlawˇsehˇ 3:16

Byah dui dui-eu Ka li-euˬ dawˬ kʼoeˇ, naw maꞈ-euˬ nui ma laꞈ kʼoeˇ bi ahˇ-eu tsaˬ meh. Zaˬ siˬ tsawˇ gahˇ dawˬ tawˆ luꞈ zmˬ-awˇ tiˬ gʼaˬ tiˇ gʼaˬ mehˬ-awˬ tsoˆ-awˬ. Jaˇliꞈ laꞈ kʼoeˇ ahˇ-eu ja ceuˬ-eu caˇ dawˬ deuˬ, Yeˬsuˇ gaˇ kawˆ caˇ-eu caˇ dawˬ deuˬ hawˇ-eu, guiˬ lahˬ saꞈ laˇ paw taꞈ leˇ-eu caˇ dawˬ deuˬ caˇ caˇ-ehˇ, nui ma laꞈ kʼoeˇ Miˬyehˇ-euˬ guiˬ lahˬ-ahˇ ja ceuˬ-awˬ.

Yaˬkoˆ 5:13

Naw maꞈ laꞈ kʼoeˇ, tsawˇ haˬ ti gʼaˬ na shaˬ dui zahˬ dui dui-eu jeˬ-ahˇ ya daˬ luꞈ ta loˇ. Aˬ yawꞈ guiˬ lahˬ shaˇ-eu tsaˬ meh. Tiˬ gʼaˬ na laˬ kʼaˬ cehˇ luꞈ ta loˇ. Aˬ yawꞈ Miˬyehˇ-ahˇ ja ceuˬ-awˇ caˇ-eu tsaˬ meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.