Doˆ-iˇ 9:6 - Akha

⁶ Yawˬ nah yawˬ keuˆ laˇ ngeh, aˬ yawꞈ neh ehˇ taˬ-euˬ loꞈ-ehˇ Sahˬpaˬ Miˬyehˇ mˇ-awˇ, Iˇjiˇtuˆ tsawˇ haˬ-euˬ jeˬ zaˬ deuˬ shiˇ jiˇ-awˇ, Iˇsaˬleˬlaˆ tsawˇ haˬ-euˬ jeˬ zaˬ deuˬ tiˬ mawˇ-iˬ maˬ shiˇ ni dzeuˇ-iˇ-euˬ meh.

Doˆ-iˇ 9:6 Σταυροειδείς Αναφορές

Jaceuq 78:48

Aˬ yawꞈ maꞈ-euˬ mawˇ neˇ mawˇ maꞈ-ahˇ uˬ yehˇ aˇ siˬ bi deh sehꞈ-awˇ, yawˇ yawˇ maꞈ-ahˇ tsoꞈ bi deh sehꞈ-euˬ meh.

Jaceuq 78:50

Aˬ yawꞈ nui ma pehˇ-eu maˬ shuꞈ-iˇ ni, aˬ yawꞈ maꞈ-ahˇ maˬ bi dzeuˇ-iˇ-ehˇ, nyawˬ leˇ nya-eu naˇ gawˇ gawˇ ma neh bi kʼehˬ sehꞈ-euˬ meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 12:29

Uˬ ciꞈ sehˇ gʼahˇ ceh laˇ ngeh, sahˬ paˬ geuꞈ-eu gʼaˇ duˬ jeˬ biˇ oꞈ-eu sahˬ paˬ-euˬ aˬ li-ahˇ neh, paꞈ kuˆ-ahˇ uˇ luꞈ-eu tsawˇ haˬ-euˬ aˬ li-ahˇ keuˆ ni, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu dehꞈ beh beh le-euˬ aˬ li aˬ yuiꞈ deuˬ shiˇ jiˇ-euˬ meh. Jeˬ zaˬ deuˬ laꞈ kʼoeˇ dehꞈ beh beh le-euˬ deuˬ kʼawꞈ, shiˇ jiˇ-euˬ meh.

Doˆ-iˇ 8:22

Ehˇ kʼawꞈ, ngaˬ-eu tsawˇ haˬ deuˬ jawˇ-eu Goˬsheˬ miˇ tsaˬ-ahˇ puˬ saˆ maˬ doˆ laˇ ni ngaˇ jahˇ ma. Sahˬpaˬ Miˬyehˇ pyeuꞈ-eu ngaˬ-euˬ mawˇ do miˇ kʼahˬ heu kʼahˬ laꞈ kʼoeˇ gaˇ mˇ luꞈ-eu nawˇ ya siˬ ni, ngaˇ heu loꞈ-ehˇ jahˇ-eu lehˇ gʼeh-eu ma.

Doˆ-iˇ 9:25

Iˇ jiˇ tuˆ miˇ kʼahˬ doe ni, laꞈ nyiˇ paw kʼaˇ jawˇ-eu tsawˇ haˬ hawˇ-eu jeˬ zaˬ dawˬ tawˆ luꞈ kʼoeˇ taˆ maˬ ehˇ, laꞈ nyiˇ paw kʼaˇ jaˆ-eu myawˬ gahˬ dawˬ tawˆ luꞈ kʼoeˇ taˆ maˬ ehˇ, uˬ yehˇ aˇ siˬ ga deh le-euˬ meh. Baw duˆ hawˇ-eu sahˬ lahˬ aˇ bawˇ dawˬ tawˆ luꞈ kʼoeˇ taˆ, uˬ yehˇ aˇ siˬ ga deh le-awˇ, aˇ bawˇ dawˬ tawˆ luꞈ bi deh nmˆ jiˇ-euˬ meh.

Doˆ-iˇ 9:26

Uˬ yehˇ aˇ siˬ maˬ ga le-euˬ pehˇ tsahˇ-aˬ, Iˇsaˬleˬlaˆ tsawˇ haˬ deuˬ jawˇ-eu Goˬsheˬ miˇ tsaˬ tiˬ tsahˇ jaˆ-eu tehꞈ meh.

Doˆ-iˇ 9:4

Iˇjiˇtuˆ tsawˇ haˬ-euˬ jeˬ zaˬ deuˬ-ahˇ tehꞈ-ehˇ ngaˇ tseˇ paˆ-awˇ, Iˇsaˬleˬlaˆ tsawˇ haˬ-euˬ jeˬ zaˬ tiˬ mawˇ-iˬ maˬ ya shiˇ ni ngaˇ jahˇ ma.

Doˆ-iˇ 9:5

Sahˬpaˬ Miˬyehˇ pyeuꞈ-eu ngaˇ, ni shawˬ nah kʼoeˇ loꞈ-ehˇ mˇ ma’ lehˇ, sahˬ paˬ kʼoeˇ gʼaˬ-ahˇ ehˇ nehˬ-awˬ.”