Doˆ-iˇ 3:18 - Akha

¹⁸ “Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.

Doˆ-iˇ 3:18 Σταυροειδείς Αναφορές

Aˇ dahˬ 12:1

Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ, nawˬ-euˬ aˬ yuiꞈ aˬ nyiˇ deuˬ hawˇ-eu nawˬ da-euˬ nymˇ-ahˇ nawˇ byehˇ dzeh yaꞈ-awˇ, ngaˇ nawˬ-ahˇ mehˬ nehˬ-eu miˇ kʼahˬ-ahˇ iˇ-awˬ.

Aˇ dahˬ 14:13

Ehˇ kʼawꞈ, tsawˇ haˬ tiˬ gʼaˬ cehˆ dzeuˇ-awˇ, Aˬmawˇliˆ tsawˇ jeuˬ Mamˬliˬ-euˬ muiˬ-eu shawˇ-eu aˇ bawˇ bawˇ yaˇ dawˬ peh jawˇ-eu Heˬbyehˇ tsawˇ haˬ Aˬbyaˬ-ahˇ, gaˇ kawˆ kʼoeˇ dzawˇ nehˬ leˇ-euˬ meh. Mamˬliˬ, Eˇshaˬkawˇlaˆ, Aˬneˬlaˆ aˬ ha smˬ mehˇ nmˇ-aˬ, Aˬbyaˬ nehˬ-ehˇ aˬ byahˇ gʼoeˇ-euˬ meh.

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 17:1

Aˬbyaˬ gʼoeˬ tseˇ gʼoeˬ kʼoꞈ kʼawˆ ngeh, aˬ yawꞈ-euˬ mehˬ shi Sahˬpaˬ Miˬyehˇ doˆ le-awˇ, heu loꞈ-ehˇ ehˇ-eu meh. “Ngaˇ-aˬ, yawˬ jeˬ na luꞈ mˇ nya-eu Baoˬ huiˬ-eu Miˬyehˇ ma. Ngaˬ-euˬ ehˇ dawˬ naˇ haˬ-awˇ yaw tsaˬ yaw dawˇ jeˬ mˇ-awˬ.

Aˇ dahˬ 48:3

Kʼoeˇ ngeh, Yoˇsehˆ-ahˇ Yaˬkoˆ ehˇ nehˬ-eu, “Kaˬnaˬ miˇ kʼahˬ laꞈ kʼoeˇ jaˆ-eu Luˇzaˆ meuˬ-ahˇ, Baoˬ huiˬ-eu Miˬyehˇ ngaˬ-euˬ mehˬ shi doˆ le-awˇ, ngaˬ-ahˇ guiˬ lahˬ biꞈ nehˬ laꞈ-euˬ meh.

2 Laˬsaˬbaˬ 30:12

Yuˇdaˆ miˇ kʼahˬ laꞈ kʼoeˇ kʼawꞈ Miˬyehˇ jawˇ-awˇ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ nah miˇ kʼahˬ zaˬ deuˬ caw teh-awˇ, nui ma tiˬ siˬ tehꞈ-ehˇ taˬ-eu laꞈ kʼoeˇ Miˬyehˇ-euˬ ehˇ dawˬ naˇ haˬ geuꞈ ni caw ba nehˬ-euˬ meh.

Jaceuq 110:3

Muiˇ-eu deuˬ-ahˇ nawˇ guiˇ deuˆ-eu aˇ nah keuˆ laˇ ngeh, nawˬ-euˬ tsawˇ haˬ deuˬ nui ma keuˆ-awˇ caw ba tehꞈ-a. Uˬ shawˬ yaw naꞈ-ehˇ ga-eu ceuˬ loꞈ-ehˇ, muiˬ-eu shawˇ-eu gawˬ jawˬ kʼoeˇ taˆ, nawˬ-euˬ zaˬ guˬ deuˬ nawˇ jawˇ gaˇ laˇ tehꞈ-a.

Doˆ-iˇ 10:3

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Doˆ-iˇ 17:5

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ laꞈ kʼoeˇ, aˬ yuiꞈ aˬ tsu tiˬ paˆ na deuˬ sheuˬ-awˇ, mehˬ hu paw iˇ huˬ gʼeh-awˬ. Nawˬ neh Niˬlaˇ lawˇ baˬ-ahˇ juiꞈ-euˬ gawˬ yoeˬ kʼoeˇ hmˬ gʼeh yuˇ gʼeh-awˬ.

Doˆ-iˇ 19:1

Iˇsaˬleˬlaˆ tsawˇ haˬ deuˬ-aˬ, Leˬpiˇdeˬ lehˇ kuˇ-eu jawˇ duˬ-ahˇ neh doˆ-iˇ-awˇ, Iˇjiˇtuˆ miˇ kʼahˬ-ahˇ neh aˬ yawꞈ maꞈ doˆ le-euˬ ba la smˇ siˬ tiˬ siˬ laꞈ kʼoeˇ uˇ leˇ-euˬ aˇ nah yaw beh nah-ahˇ, Siˇnaˆ bawˇ tsahˬ bawˇ dahˇ laꞈ kʼoeˇ oe keuˆ-euˬ meh. Aˬ yawꞈ maꞈ-aˬ, Siˇnaˆ gawˬ jawˬ dawˬ dahˬ-ahˇ sehˬ gʼawˆ gʼawˆ-awˇ naˬ-euˬ meh.

Doˆ-iˇ 25:22

Nawˬ-ahˇ ngaˇ kʼoeˇ gaˇ tahˬ puˬ-awˇ, Iˇsaˬleˬlaˆ tsawˇ haˬ gʼaˇ duˬ zahˇ dawˬ kʼoꞈ dawˬ dawˬ tawˆ luꞈ, bahˬ keuˆ kʼawˬ pymˬ kʼoeˇ taˆ, Jeˬluˇbeˬ mawˇ kawˇ nyiˬ hmˬ yaw kaˬ-ahˇ, nawˬ-ahˇ ngaˇ biꞈ ma.

Doˆ-iˇ 3:12

Miˬyehˇ ehˇ-eu, “Ngaˇ nawˬ nehˬ-ehˇ jawˇ ma. Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ ngeh, gawˬ jawˬ heu jawˬ kʼoeˇ taˆ, ngaˬ-ahˇ uˬ duˬ ya tahˬ tehꞈ-a. Heu-aˬ, ngaˬ neh nawˬ-ahˇ kʼehˇ gʼeh-euˬ gaˇ kawˆ, bi siˬ bi mawˇ-eu jeˬ pyeuꞈ tehꞈ-a.”

Doˆ-iˇ 3:16

Iˇ-awˬ. Iˇsaˬleˬlaˆ tsawˇ haˬ aˬ yuiꞈ aˬ tsu deuˬ kuˇ uiˬ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Sahˬpaˬ Miˬyehˇ pyeuꞈ-awˇ, Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu ngaˇ gʼaˬ, nawˬ-euˬ mehˬ shi doˆ le-euˬ meh lehˇ ehˇ nehˬ-awˬ. Aˬ yawꞈ maꞈ jawˇ gaˇ ngaˇ oe-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ nehˬ-euˬ gaˇ kawˆ, ngaˇ ya mawˇ gʼaˬ-euˬ meh lehˇ ehˇ nehˬ-awˬ.

Doˆ-iˇ 30:36

Kʼoeˇ loꞈ-ehˇ jahˇ gʼaˬ ngeh, ui cuiˆ yuˇ doˆ-awˇ, kʼaˬ lehˇ loꞈ-ehˇ tahˬ loeˇ-awˬ. Tahˬ loeˇ gʼaˬ-euˬ kʼoeˇ ngaˇ jawˇ-eu sehˬ gʼawˆ laꞈ kʼoeˇ yuˇ laꞈ-awˇ, dawˬ ma saˇ jaˇ bahˬ keuˆ dawˬ peh byaˆ shehˬ-awˬ. Doꞈ damˬ-eu yaw saw jeˬ heu-ahˇ, maˇ maˇ ni muiˬ-eu shawˇ-eu jeˬ loꞈ-ehˇ taˬ huiˬ taˬ mahˇ-awˬ.

Doˆ-iˇ 30:6

Dawˬ ma saˇ jaˇ bahˬ keuˆ-ahˇ lawˆ kaˬ taw paˆ taˬ-euˬ saˬ paˇ-euˬ laꞈ nyiˇ paw, lawˇ duˬ kʼoeˇ hmˬ bi jaˆ-awˬ. Kʼoeˇ tsahˇ-ahˇ ngaˇ naw maꞈ-ahˇ tahˬ puˬ le ma.

Doˆ-iˇ 4:1

Kʼoeˇ naˇ, Sahˬpaˬ Miˬyehˇ-ahˇ Moˇseˬ ehˇ nehˬ-eu, “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ maˬ jah-ehˇ, ngaˬ-euˬ ehˇ dawˬ maˬ naˇ haˬ ni, ‘Nawˬ-euˬ mehˬ shi Sahˬpaˬ Miˬyehˇ doˆ le--euˬ maˬ ngeuˇ-aˇ’ lehˇ ehˇ laˇ naˇ, ngaˇ aˬ joˆ-ehˇ ya jahˇ nmˇ.”

Doˆ-iˇ 4:23

Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ li-ahˇ pyehˬ nehˬ-awˬ lehˇ, ngaˇ nawˬ-ahˇ ehˇ-euˬ kʼawꞈ, nawˇ maˬ pyehˬ nehˬ-eu miˇ neh, nymˬ-mˇ ngaˇ nawˬ-euˬ aˬ li aˬ yuiꞈ yuiꞈ saˬ gʼaˬ-ahˇ sehꞈ-eu lehˇ gʼeh-eu ma’ lehˇ ehˇ nehˬ-awˬ.”

Doˆ-iˇ 4:24

Gaˇ pehˇ-ahˇ sehˬ gʼawˆ gʼawˆ-awˇ yaꞈ luꞈ ngeh, Sahˬpaˬ Miˬyehˇ Moˇseˬ-ahˇ tahˬ puˬ-awˇ sehꞈ-eu lehˇ leh jeh-euˬ meh.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Doˆ-iˇ 5:1

Kʼoeˇ naˇ, Moˇseˬ hawˇ-eu Aˬloˬ aˬ nyaꞈ Iˇjiˇtuˆ sahˬ paˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “ ‘Bawˇ tsahˬ bawˇ dahˇ laꞈ kʼoeˇ iˇ-awˇ, ngaˬ-ahˇ taˬ huiˬ taˬ mahˇ-eu bawˬ-iˬ jahˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ’ lehˇ, Iˇsaˬleˬlaˆ tsawˇ haˬ-euˬ Sahˬpaˬ Miˬyehˇ nawˬ-ahˇ ehˇ-eu meh.”

Doˆ-iˇ 5:3

Kʼoeˇ ngeh, Moˇseˬ hawˇ-eu Aˬloˬ sahˬ paˬ kʼoeˇ gʼaˬ-ahˇ ehˇ nehˬ-eu, “Heˬbyehˇ tsawˇ haˬ-euˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ-awˬ. Nga maꞈ kʼoeˇ loꞈ-ehˇ maˬ mˇ naˇ, naˇ-eu gawˇ-eu jeˬ baˬ da neh maˬ ngeuˇ naˇ, miˬ siˬ miˬ kaˆ baˬ da neh nga maꞈ ya shiˇ jiˇ ni aˬ yawꞈ jahˇ tehꞈ-a.”

Doˆ-iˇ 7:16

Kʼoeˇ naˇ, sahˬ paˬ kʼoeˇ gʼaˬ-ahˇ heu loꞈ-ehˇ ehˇ nehˬ-awˬ. ‘Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ kʼehˇ gʼeh leꞈ-awˇ, bawˇ tsahˬ bawˇ dahˇ-ahˇ aˬ yawꞈ-ahˇ uˬ duˬ bi tahˬ laˇ-eu gʼaˇ duˬ, aˬ yawꞈ-euˬ tsawˇ haˬ deuˬ-ahˇ pyehˬ nehˬ-awˬ lehˇ bi ehˇ le-euˬ meh. Ehˇ kʼawꞈ, iˬ nah keuˆ ni nawˇ maˬ naˇ haˬ ni jawˇ-eu meh.

Doˆ-iˇ 8:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Sahˬ paˬ jawˇ gaˇ iˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ tahˬ laˇ nya ni pyehˬ nehˬ-awˬ.

Doˆ-iˇ 8:20

Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Ni shawˬ uˬ shawˬ yaw naꞈ-ehˇ, sahˬ paˬ kʼoeˇ gʼaˬ lawˇ baˬ-ahˇ oe ngeh, aˬ yawꞈ-ahˇ tahˬ puˬ-iˇ-awˬ. Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ ya tahˬ ni, aˬ yawꞈ maꞈ-ahˇ pyehˬ nehˬ-awˬ.

Doˆ-iˇ 8:23

Nawˬ-euˬ tsawˇ haˬ hawˇ-eu ngaˬ-euˬ tsawˇ haˬ tseˇ paˆ-awˇ, ngaˇ kʼoeˇ loꞈ-ehˇ mˇ ma. Zahˬ leˇ paˬ-ehˇ gʼeh-eu gaˇ heu hmˬ, ni shawˬ bi pyeuꞈ laˇ ma’ lehˇ Sahˬpaˬ Miˬyehˇ ehˇ-eu meh lehˇ aˬ yawꞈ-ahˇ ehˇ nehˬ-awˬ.”

Doˆ-iˇ 9:1

Kʼoeˇ naˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sahˬ paˬ kʼoeˇ gʼaˬ jawˇ gaˇ iˇ-awˇ, Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.

Doˆ-iˇ 9:13

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ni shawˬ uˬ shawˬ yaw naꞈ-ehˇ sahˬ paˬ kʼoeˇ gʼaˬ jawˇ gaˇ iˇ-awˬ, Heˬ byehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-iˇ-awˬ. ‘Ngaˬ-euˬ tsawˇ haˬ deuˬ ngaˬ-ahˇ uˬ duˬ tahˬ laˇ nya ni pyehˬ nehˬ-awˬ.

Iˇsaˬyaˇ 64:5

Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Yeˬlaˬmiˇ 2:2

“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.

Yeˬlaˬmiˇ 2:6

Iˇjiˇtuˆ miˇ kʼahˬ-ahˇ aˬ yawꞈ maꞈ-ahˇ ngaˬ neh ka kʼoꞈ doˆ-awˇ, kʼaˇ shuiꞈ tehꞈ-ehˇ jaˆ-eu miˇ kʼahˬ, gui coˇ ni gʼeh-eu guˆ-eu gaˆ-eu miˇ kʼahˬ, tsawˇ haˬ zaˬ maˬ jawˇ-eu miˇ kʼahˬ, maˬ iˇ maˬ laˇ tsehˆ-eu miˇ kʼahˬ pyeuꞈ-eu, bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ sheuˬ doˆ-euˬ kʼawꞈ, ngaˇ jawˇ meh lehˇ aˬ yawꞈ maꞈ tiˬ pawꞈ-iˬ maˬ noeˬ-a.

Bawˇtsahˬ 17:4

Gawˬ yoeˬ kʼoeˇ deuˬ ngaˇ jawˇ-eu Sehˬ gʼawˆ-ahˇ yuˇ laꞈ-awˇ, naw maꞈ-ahˇ ngaˇ tahˬ puˬ le-eu jawˇ duˬ pyeuꞈ-eu Dawˬ ma saˇ jaˇ Bahˬ keuˆ-euˬ mehˬ shi kʼoeˇ tsahˇ-ahˇ bi jaˆ-awˬ.

Yawˇshuˆ 1:17

Moˇseˬ-euˬ ehˇ dawˬ-ahˇ nga maꞈ aˬ myah luꞈ naˇ haˬ geuꞈ-euˬ loꞈ-ehˇ, nawˬ-euˬ ehˇ dawˬ-ahˇ kʼawꞈ, naˇ haˬ geuꞈ ma. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ Moˇseˬ nehˬ-ehˇ jawˇ-euˬ loꞈ-ehˇ, nawˬ nehˬ-ehˇ kʼawꞈ jawˇ luꞈ-uˇ.